ततो महेन्द्रमासाद्य जामदग्न्यनिषेवितम् । रामतीर्थे नरः स्नात्वा वाजिमेधफलं लभेत्
मतङ्गस्य तु केदारं तत्रैव भरतर्षभ । तत्र स्नात्वा नरो राजन्गोसहस्रफलं लभेत्
श्रीपर्वतं समासाद्य नदीतीरमुपस्पृशेत् । अश्वमेधमवाप्नोति परां सिद्धिं च गच्छति
श्रीपर्वते महादेवो देव्या सह महाद्युतिः । न्यवसत्परमप्रीतो ब्रह्मा च त्रिदशैर्वृतः
तत्र देवहृदे स्नात्वा शुचिः प्रयतमानसः । अश्वमेधमवाप्नोति परां सिद्धिं च गच्छति
ऋषभं पर्वतं गत्वा भाण्डेषु सुरपूजितम् । वाजपेयमवाप्नोति नाकपृष्ठे च मोदते
ततो गच्छेत कावेरीं वृतामप्सरसां गणैः । तत्र स्नात्वा नरो राजन्गोसहस्रफलं लभेत्
तत्र तीर्थे समुद्रस्य कन्यातीर्थमुपस्पृशेत् । तत्रोपस्पृश्य राजेन्द्र सर्वपापैः प्रमुच्यते
अथ गोकर्णमासाद्य त्रिषु लोकेषु विश्रुतम् । समुद्रमध्ये राजेन्द्र सर्वलोकनमस्कृतम्
यत्र ब्रह्मादयो देवा मनुष्याश्च तपोधनाः । भूतयक्षाः पिशाचाश्च किन्नराः समहोरगाः
सिद्धचारणगन्धर्वा मानुषाः पन्नगास्तथा । सरितः सागराः शैला उपासत उमापतिम्
तत्रेशानं समभ्यर्च्य त्रिरात्रोपोषितो नरः । दशाश्वमेधमाप्नोति गाणपत्यं च विन्दति
उपोष्य द्वादशरात्रं कृतार्थो जायते नरः । तस्मिन्नेव तु गायत्र्याः स्थानं त्रैलोक्यविश्रुतम्
tato mahendramāsādya jāmadagnyaniṣevitam | rāmatīrthe naraḥ snātvā vājimedhaphalaṃ labhet
mataṅgasya tu kedāraṃ tatraiva bharatarṣabha | tatra snātvā naro rājangosahasraphalaṃ labhet
śrīparvataṃ samāsādya nadītīramupaspṛśet | aśvamedhamavāpnoti parāṃ siddhiṃ ca gacchati
śrīparvate mahādevo devyā saha mahādyutiḥ | nyavasatparamaprīto brahmā ca tridaśairvṛtaḥ
tatra devahṛde snātvā śuciḥ prayatamānasaḥ | aśvamedhamavāpnoti parāṃ siddhiṃ ca gacchati
ṛṣabhaṃ parvataṃ gatvā bhāṇḍeṣu surapūjitam | vājapeyamavāpnoti nākapṛṣṭhe ca modate
tato gaccheta kāverīṃ vṛtāmapsarasāṃ gaṇaiḥ | tatra snātvā naro rājangosahasraphalaṃ labhet
tatra tīrthe samudrasya kanyātīrthamupaspṛśet | tatropaspṛśya rājendra sarvapāpaiḥ pramucyate
atha gokarṇamāsādya triṣu lokeṣu viśrutam | samudramadhye rājendra sarvalokanamaskṛtam
yatra brahmādayo devā manuṣyāśca tapodhanāḥ | bhūtayakṣāḥ piśācāśca kinnarāḥ samahoragāḥ
siddhacāraṇagandharvā mānuṣāḥ pannagāstathā | saritaḥ sāgarāḥ śailā upāsata umāpatim
tatreśānaṃ samabhyarcya trirātropoṣito naraḥ | daśāśvamedhamāpnoti gāṇapatyaṃ ca vindati
upoṣya dvādaśarātraṃ kṛtārtho jāyate naraḥ | tasminneva tu gāyatryāḥ sthānaṃ trailokyaviśrutam
«Затем, достигнув Махендры, чтимой сыном Джамадагни, и омывшись в Рама-тиртхе, человек получит плод ашвамедхи. Там же Кедара Матанги, о бык среди Бхаратов; омывшись там, человек, о царь, получит плод тысячи коров. Достигнув Шрипарваты, пусть коснётся воды у берега реки: он обретает ашвамедху и достигает высшего совершенства. На Шрипарвате великосиятельный Махадева вместе с Богинею обитал, весьма довольный, и Брахма, окружённый богами. Омывшись там в Дева-озере, чистый, с укрощённым умом, он обретает ашвамедху и достигает высшего совершенства. Придя к горе Ришабхе в Бхандах, чтимой богами, он обретает ваджапею и радуется на своде небес. Затем пусть идёт к Кавери, окружённой сонмами апсар: омывшись там, человек, о царь, получит плод тысячи коров. Там же, в тиртхе океана, пусть коснётся воды Канья-тиртхи: коснувшись там воды, о царь царей, он избавляется от всех грехов. Затем, достигнув Гокарны, прославленной в трёх мирах, что посреди океана, о царь царей, чтимой всеми мирами, — где Брахма и прочие боги, и люди, богатые подвигом, бхуты и якши, пишачи и киннары с великими змеями, сиддхи, чараны и гандхарвы, люди и наги, реки, океаны и горы служат Супругу Умы, — почтив там Ишану и постившись три ночи, человек обретает [плод] десяти ашвамедх и получает сан ганапати. Постясь двенадцать ночей, человек становится достигшим цели. Там же — прославленное в трёх мирах место Гаятри».
385b151cde37 · published Sep 3, 2026, 4:13:41 AM UTC
Available inRUPage between verses with
К Супругу Умы в Гокарне сходятся не только боги и люди, но и пишачи, наги, реки, океаны и горы. Список нарочито не разбирает, кто чист, а кто нет: у святыни нет входного ценза. Реки и горы упомянуты рядом с живыми — для составителя земля тоже участвует в поклонении, а не служит его декорацией.