शेष उवाच
प्रसन्ना एव सर्वेऽपि प्रशशंसुः सुतौ च ते । त्रैलोक्यं मोहितं ताभ्यां रूपगानवयोगुणैः
दत्तं यल्लोकपालैस्तु सुताभ्यां स्वीकृतं हि तत् । ऋषिभिश्च वरा आभ्यामन्येभ्यः कीर्तिरिव च
एकरामं जगत्सर्वं पूर्वं मुनिविलोकितम् । त्रिराममधुना जातं सुताभ्यां तेऽखिलेक्षितम्
एककामपरा मूर्तिर्लोके पूर्वमवेक्षिता । कामैश्चतुर्भिरद्यायं जायते च यतस्ततः
सर्वत्रान्यत्र राजेन्द्र रामपुत्रौ कुशीलवौ । गीयेते अत्र सङ्कोचः किं कृतो विदुषि त्वयि
कृतेषु तव सर्वेषु श्रूयते महतीस्तुतिः । त्यागादन्यत्र सीतायाः पुण्यश्लोकशिरोमणे
त्वया त्रैलोक्यनाथेन गार्हस्थ्यमनुकुर्वता । अङ्गीकार्यौ सुतौ राम विद्याशीलगुणान्वितौ
न तौ स्वां मातरं हित्वा स्थास्यतो भवदन्तिके । जनन्या सहितौ तस्मादाकार्यौ भवता सुतौ
दत्त एव तयेदानीं सेनासञ्जीवनात्पुनः । प्रत्ययः सर्वलोकानां पावनः पततामपि
नाज्ञातं तेन चास्माकं नामराणां च मानद । शुद्धौ तस्यास्तु लोकानां यन्नष्टं तदिह ध्रुवम्
इति वाल्मीकिना रामः सर्वज्ञोऽप्यवबोधितः । स्तुत्वा नत्वा च वाल्मीकिं प्रत्युवाच सलक्ष्मणम्
गच्छ ताताधुना सीतामानेतुं धर्मचारिणीम् । सपुत्रां रथमास्थाय सुमन्त्रसहितः सखे
श्रावयित्वा ममेमानि मुनेश्च वचनान्यपि । सम्बोध्य च पुरीमेतां सीतां प्रत्यानयाशु ताम्
prasannā eva sarve'pi praśaśaṃsuḥ sutau ca te | trailokyaṃ mohitaṃ tābhyāṃ rūpagānavayoguṇaiḥ
dattaṃ yallokapālaistu sutābhyāṃ svīkṛtaṃ hi tat | ṛṣibhiśca varā ābhyāmanyebhyaḥ kīrtiriva ca
ekarāmaṃ jagatsarvaṃ pūrvaṃ munivilokitam | trirāmamadhunā jātaṃ sutābhyāṃ te'khilekṣitam
ekakāmaparā mūrtirloke pūrvamavekṣitā | kāmaiścaturbhiradyāyaṃ jāyate ca yatastataḥ
sarvatrānyatra rājendra rāmaputrau kuśīlavau | gīyete atra saṅkocaḥ kiṃ kṛto viduṣi tvayi
kṛteṣu tava sarveṣu śrūyate mahatīstutiḥ | tyāgādanyatra sītāyāḥ puṇyaślokaśiromaṇe
tvayā trailokyanāthena gārhasthyamanukurvatā | aṅgīkāryau sutau rāma vidyāśīlaguṇānvitau
na tau svāṃ mātaraṃ hitvā sthāsyato bhavadantike | jananyā sahitau tasmādākāryau bhavatā sutau
datta eva tayedānīṃ senāsañjīvanātpunaḥ | pratyayaḥ sarvalokānāṃ pāvanaḥ patatāmapi
nājñātaṃ tena cāsmākaṃ nāmarāṇāṃ ca mānada | śuddhau tasyāstu lokānāṃ yannaṣṭaṃ tadiha dhruvam
iti vālmīkinā rāmaḥ sarvajño'pyavabodhitaḥ | stutvā natvā ca vālmīkiṃ pratyuvāca salakṣmaṇam
gaccha tātādhunā sītāmānetuṃ dharmacāriṇīm | saputrāṃ rathamāsthāya sumantrasahitaḥ sakhe
śrāvayitvā mamemāni muneśca vacanānyapi | sambodhya ca purīmetāṃ sītāṃ pratyānayāśu tām
«Все довольные восхвалили твоих сыновей; три мира очарованы ими — красой, пением, юностью, достоинствами. Что дано хранителями мира, то принято сыновьями, и риши — дары им, а от других — как слава. Весь мир с одним Рамой прежде виден был мудрецами; ныне стал он с тремя Рамами, твоими сыновьями всеми зрим. Образ, сосредоточенный на одном желании, в мире прежде виден был; четырьмя желаниями ныне он рождается отовсюду. Повсюду в иных местах, о царь царей, воспеваются сыновья Рамы, Куша и Лава; здесь же — зачем сделано стеснение у тебя, знающего? Во всех твоих деяниях слышится великая хвала — кроме оставления Ситы, о венец славимых в святых стихах. Тобою, владыкой трёх миров, подражающим домохозяину, должны быть приняты сыновья, о Рама, наделённые знанием, нравом и достоинствами. Не будут они, оставив свою мать, пребывать подле тебя; потому вместе с родительницей должны быть призваны тобою сыновья. Дан ею ныне вновь — оживлением войска — довод для всех миров, очищающий даже падших. Не осталось это неведомым ни нам, ни бессмертным, о дарующий почёт; при её чистоте то, что утрачено у миров, здесь непреложно“. Так Вальмики вразумил Раму — хотя и всеведущего. Восхвалив и поклонившись Вальмики, ответил тот Лакшмане: „Ступай, милый, ныне за Ситой, чтобы привести живущую в дхарме, с сыновьями, взойдя на колесницу, вместе с Сумантрой, о друг. Дав услышать эти мои слова и слова мудреца и оповестив этот град, приведи скоро ту Ситу“.»
fad7d943e464 · published Sep 3, 2026, 4:13:48 AM UTC
Available inRUPage between verses with
Вальмики говорит Раме то, чего не сказал бы придворный: во всех твоих деяниях слышна хвала — кроме одного. И ставит условие, которое нельзя обойти: сыновья не придут без матери. Довод о чистоте Ситы взят не из слов, а из дела — она подняла с земли перебитое войско, и это видели все.