शरभ उवाच
श्रूयतां वचनं पान्थ यद्ददामि पुरस्तव । श्रुत्वा मद्भाग्ययातेन त्वया साधो विधीयताम्
वैश्योऽहं शरभो नाम्ना कान्यकुब्जे गृहं मम । अत्रागतो निषिद्धोऽपि जायामित्रसुतैरहम्
अस्य तीर्थस्य माहात्म्यं श्रुत्वा सूनुमुखेरितम् । मासास्तु कतिचित्साधो व्यतीता मयि चागते
दिनत्रयमतिक्रान्तं ज्वरितस्य ममाधुना । प्राणा मे विगता आसन्नद्य भूयः समागताः
कियानप्यायुषः शेषः साधो मे खलु तिष्ठति । शमनस्य गृहं दृष्ट्वा यदहं पुनरागतः
भाग्योदयेन केनापि ममात्र त्वं समागतः । नय मां मद्गृहं मित्र द्रव्यं बहु ददामि ते
दास्याम्यपि गृहं गत्वा कृपां कुरु कृपानिधे । इह भूभाग उत्खाय गृह्यतां मामकं धनम्
इत्याकर्ण्य स दुर्बुद्धिर्ग्राम्यो विषयलम्पटः । उवाच धनलुब्धस्तं त्वदुक्तं साधयाम्यहम्
इत्युक्त्वा धनमुत्खाय तस्माद्भूभागतस्तदा । अग्रतः स्थापयामास शरभस्याह चाध्वगः
धनमेतद्विशां नाथ तत्र भूभागतो मया । निष्कासितं प्रयच्छाशु शिबिकानयनाय मे
यामारोप्य ज्वरार्तं त्वां नयामि तव केतनम्
śrūyatāṃ vacanaṃ pāntha yaddadāmi purastava | śrutvā madbhāgyayātena tvayā sādho vidhīyatām
vaiśyo'haṃ śarabho nāmnā kānyakubje gṛhaṃ mama | atrāgato niṣiddho'pi jāyāmitrasutairaham
asya tīrthasya māhātmyaṃ śrutvā sūnumukheritam | māsāstu katicitsādho vyatītā mayi cāgate
dinatrayamatikrāntaṃ jvaritasya mamādhunā | prāṇā me vigatā āsannadya bhūyaḥ samāgatāḥ
kiyānapyāyuṣaḥ śeṣaḥ sādho me khalu tiṣṭhati | śamanasya gṛhaṃ dṛṣṭvā yadahaṃ punarāgataḥ
bhāgyodayena kenāpi mamātra tvaṃ samāgataḥ | naya māṃ madgṛhaṃ mitra dravyaṃ bahu dadāmi te
dāsyāmyapi gṛhaṃ gatvā kṛpāṃ kuru kṛpānidhe | iha bhūbhāga utkhāya gṛhyatāṃ māmakaṃ dhanam
ityākarṇya sa durbuddhirgrāmyo viṣayalampaṭaḥ | uvāca dhanalubdhastaṃ tvaduktaṃ sādhayāmyaham
ityuktvā dhanamutkhāya tasmādbhūbhāgatastadā | agrataḥ sthāpayāmāsa śarabhasyāha cādhvagaḥ
dhanametadviśāṃ nātha tatra bhūbhāgato mayā | niṣkāsitaṃ prayacchāśu śibikānayanāya me
yāmāropya jvarārtaṃ tvāṃ nayāmi tava ketanam
«Слушай, путник, слово, которое я скажу тебе; услышав, сделай, о садху, — ты пришёл по моей удаче. Я вайшья по имени Шарабха, дом мой в Каньякубдже; пришёл я сюда, хоть и удерживали меня жена, друзья и сыновья. Услышав о величии этой тиртхи из уст сына, я пришёл, и с тех пор прошло несколько месяцев. Ныне уже три дня, как я в лихорадке; дыхание моё было ушло и сегодня вернулось вновь. Сколько-то остатка жизни у меня ещё есть — раз я, увидев дом Смирителя, вернулся назад. По какому-то восходу удачи ты пришёл сюда ко мне. Отвези меня, друг, в мой дом; много добра дам я тебе, а придя домой, дам ещё. Яви милость, о сокровищница милости: вот здесь, выкопав из земли, возьми моё богатство». Услышав это, тот злоумный, деревенский, падкий до наслаждений и жадный до денег, сказал ему: «Сделаю, как ты сказал». Сказав так, он выкопал тогда богатство из того участка земли, положил его перед Шарабхой и сказал: «Вот богатство, о владыка вайшьев, извлечённое мною оттуда, из земли; дай мне скорее на приведение носилок, возложив на которые, отвезу тебя, палимого лихорадкой, в твоё жилище».
3dc801ba30a6 · published Sep 3, 2026, 4:14:04 AM UTC
Available inRUPage between verses with
Больной вручает своё богатство первому встречному и называет его сокровищницей милости — доверие тут от беспомощности, а не от знания. Рассказчик же сразу называет путника злоумным: читателю дано видеть то, чего не видит умирающий.