रुद्र उवाच
विस्तरेण ममाख्याहि देवसर्गमनुत्तमम् । ब्रह्मादित्रिदिवश्रेष्ठाः कथं जाताः सनातनाः । ईश्वरस्यावतारांश्च विस्तरेण वदस्व मे
आकाशानिलतेजोम्बुभुवः सृष्टा यथाक्रमम् । तासां मध्येऽसृजद्ब्रह्मा अगाधजलमर्णवम्
अस्मिन्नेकार्णवीभूते जले मायावटच्छदे । आदाय सर्वभूतानि योगनिद्रां ययौ हरिः
स जगत्स्रष्टुकामस्तु योगनिद्रामुपेयिवान् । तया रेमे चिरं कालं मायया मधुसूदनः
तस्यां तु जनयामास कालात्मानमनुत्तमम् । कलाकाष्ठादिभूता ये पक्षमासादिरूपिणः
तस्मिन्काले हरेर्नाभिपङ्कजं मुकुलाकृति । विकसत्सर्वजगतो बीजभूतं सुवर्चसम्
उदस्थादुदभूत्तत्र ब्रह्मा च सुमहामतिः । स जगत्स्रष्टुकामस्तु रजोगुणविचोदितः । तुष्टाव योगनिद्रायां शयानं परमेश्वरम्
नमोऽस्तु विष्णवे तुभ्यं सर्गस्थित्यन्तहेतवे । जगद्भूषणभूताय श्रीमते विश्वरूपिणे
नमो ब्रह्मण्यदेवाय गोब्राह्मणहिताय च । जगद्धिताय कृष्णाय गोविन्दाय नमोनमः
प्रधानकालरूपाय पुरुषायेश्वराय च । नमः प्रपञ्चरूपाय निष्प्रपञ्चस्वरूपिणे
नारायणाय विश्वाय विश्वेशाय नमोनमः । श्रीभूनीलाधिपतये ब्रह्मणे परमात्मने
नमोऽस्तु वासुदेवाय विश्वरूपाय शार्ङ्गिणे । त्रयीनाथाय हरये विश्वनाथस्वरूपिणे
अनन्तकल्याणगुणपरिपूर्णाय ते नमः । जगच्च सर्वं स्वपिति त्वयि सुप्ते जगन्मये
वृत्तं सर्वं जगन्नाथ प्रपञ्चे सचराचरम् । त्वमेव कारणं कर्ता कार्यं च त्रिगुणोद्भवम्
स्रष्टा ध्याता विधाता च त्वमेव परमेश्वरः । जागर्षि शुद्धसत्त्वस्थस्तव निद्रा कुतः प्रभो । देव त्वयि स्थिता लोकाः समाधिष्ठाः सनातनाः
vistareṇa mamākhyāhi devasargamanuttamam | brahmāditridivaśreṣṭhāḥ kathaṃ jātāḥ sanātanāḥ | īśvarasyāvatārāṃśca vistareṇa vadasva me
ākāśānilatejombubhuvaḥ sṛṣṭā yathākramam | tāsāṃ madhye'sṛjadbrahmā agādhajalamarṇavam
asminnekārṇavībhūte jale māyāvaṭacchade | ādāya sarvabhūtāni yoganidrāṃ yayau hariḥ
sa jagatsraṣṭukāmastu yoganidrāmupeyivān | tayā reme ciraṃ kālaṃ māyayā madhusūdanaḥ
tasyāṃ tu janayāmāsa kālātmānamanuttamam | kalākāṣṭhādibhūtā ye pakṣamāsādirūpiṇaḥ
tasminkāle harernābhipaṅkajaṃ mukulākṛti | vikasatsarvajagato bījabhūtaṃ suvarcasam
udasthādudabhūttatra brahmā ca sumahāmatiḥ | sa jagatsraṣṭukāmastu rajoguṇavicoditaḥ | tuṣṭāva yoganidrāyāṃ śayānaṃ parameśvaram
namo'stu viṣṇave tubhyaṃ sargasthityantahetave | jagadbhūṣaṇabhūtāya śrīmate viśvarūpiṇe
namo brahmaṇyadevāya gobrāhmaṇahitāya ca | jagaddhitāya kṛṣṇāya govindāya namonamaḥ
pradhānakālarūpāya puruṣāyeśvarāya ca | namaḥ prapañcarūpāya niṣprapañcasvarūpiṇe
nārāyaṇāya viśvāya viśveśāya namonamaḥ | śrībhūnīlādhipataye brahmaṇe paramātmane
namo'stu vāsudevāya viśvarūpāya śārṅgiṇe | trayīnāthāya haraye viśvanāthasvarūpiṇe
anantakalyāṇaguṇaparipūrṇāya te namaḥ | jagacca sarvaṃ svapiti tvayi supte jaganmaye
vṛttaṃ sarvaṃ jagannātha prapañce sacarācaram | tvameva kāraṇaṃ kartā kāryaṃ ca triguṇodbhavam
sraṣṭā dhyātā vidhātā ca tvameva parameśvaraḥ | jāgarṣi śuddhasattvasthastava nidrā kutaḥ prabho | deva tvayi sthitā lokāḥ samādhiṣṭhāḥ sanātanāḥ
«Поведай мне подробно о непревзойдённом творении богов: как родились вечные, лучшие из небожителей во главе с Брахмою? И о нисхождениях Владыки скажи мне подробно». — «Пространство, ветер, огонь, воды и земля сотворены по порядку; посреди них Брахма сотворил океан с бездонными водами. И в этих водах, ставших единым океаном, на листе волшебной смоковницы Хари, взяв в себя все существа, погрузился в йога-нидру. Желая сотворить мир, Он достиг йога-нидры; и долгое время Мадхусудана наслаждался с нею, с майей. В ней Он породил непревзойдённую сущность времени — те, что становятся калами, каштхами и предстают в облике половин месяца, месяцев и прочего. В то время из пупа Хари поднялся лотос в виде бутона — раскрывшийся, сущий семенем всего мира, весьма сияющий. Из него восстал и возник там Брахма, весьма великий разумом; и он, желая сотворить мир и побуждаемый свойством раджаса, восхвалил высшего Владыку, возлежащего в йога-нидре: «Да будет поклон тебе, Вишну, причине творения, поддержания и конца; сущему украшением мира, достославному, имеющему облик вселенной. Поклон богу, благосклонному к брахманам, благодетелю коров и брахманов; благодетелю мира, Кришне, поклон, поклон Говинде. Имеющему облик прадханы и времени, Пуруше и Владыке; поклон имеющему облик мироздания и сущему вне мироздания. Нараяне, Вселенной, владыке вселенной поклон, поклон; владыке Шри, Бху и Нилы, Брахману, высшей Душе. Да будет поклон Васудеве, имеющему облик вселенной, носителю Шарнги; владыке трёх Вед, Хари, сущему владыкою вселенной. Поклон тебе, полному бесконечных благих свойств; когда ты, состоящий из мира, уснул, спит и весь мир. Всё, что происходит в мироздании, с движущимся и неподвижным, о владыка мира, — ты и причина, и деятель, и следствие, возникшее из трёх свойств. Ты же творец, созерцатель и устроитель, высший Владыка; ты бодрствуешь, пребывая в чистой саттве, — откуда же у тебя сон, о господин? В тебе, о бог, пребывают вечные миры, в тебе утверждённые».
8a5e42afa60c · published Sep 3, 2026, 4:14:06 AM UTC
Available inRUPage between verses with
Брахма хвалит спящего и тут же оговаривается: откуда у Тебя сон? Хвала оборачивается вопросом, и в этом её честность — сон Господа не похож на сон.