आश्चर्यं हि वचो गृध्र श्रुतमेतन्मुखात्तव । मम चैषां च हृदये प्रतीतिर्नहि जायते ॥
अथान्तरिक्षे वागुच्चैरिति जाता नृपोत्तम । सत्यं सत्यं सत्यमिदं सन्देहो नात्र विद्यते ॥
ततः स पक्षी विप्रर्षे सहसा भार्यया सह । गङ्गामाहात्म्यकथनात्पूर्वस्थित इवाभवत् ॥
दिवि दुन्दुभयो नेदुर्जगुर्गन्धर्वसत्तमाः । ननृतुश्चाप्सरोवर्गा ह्यपतत्पुष्पवर्षणम् ॥
विमानमागतं दिव्यं सर्वभोगसमन्वितम् । समायाता दूतगणाः प्रेषिताः कैटभद्विषा ॥
अथासौ सर्वगो विप्र प्रियया सह भार्यया । सद्यो विमानमारुह्य जगाम भवनं हरेः ॥
एतच्छ्रुत्वाद्भुतं कर्म स राजा द्विजसत्तम । सपुत्रदारः सेवायां गङ्गायास्तत्परोऽभवत् ॥
भागीरथ्या समं तीर्थं नास्ति वै भुवनत्रये । यन्नामोच्चारणादेव सर्वगो मोक्षमाप्तवान् ॥
गङ्गाद्वारस्य माहात्म्यं कथितं ते द्विजोत्तम । समस्तपापविध्वंसि किमन्यच्छ्रोतुमिच्छसि ॥
अध्यायमेतत्परमादरेण पठन्ति ये देवगृहे मनुष्याः । शृण्वन्ति ये च द्विजवर्गभक्ता नश्यन्ति तेषां दुरितानि सद्यः ॥
āścaryaṃ hi vaco gṛdhra śrutametanmukhāttava | mama caiṣāṃ ca hṛdaye pratītirnahi jāyate ||
athāntarikṣe vāguccairiti jātā nṛpottama | satyaṃ satyaṃ satyamidaṃ sandeho nātra vidyate ||
tataḥ sa pakṣī viprarṣe sahasā bhāryayā saha | gaṅgāmāhātmyakathanātpūrvasthita ivābhavat ||
divi dundubhayo nedurjagurgandharvasattamāḥ | nanṛtuścāpsarovargā hyapatatpuṣpavarṣaṇam ||
vimānamāgataṃ divyaṃ sarvabhogasamanvitam | samāyātā dūtagaṇāḥ preṣitāḥ kaiṭabhadviṣā ||
athāsau sarvago vipra priyayā saha bhāryayā | sadyo vimānamāruhya jagāma bhavanaṃ hareḥ ||
etacchrutvādbhutaṃ karma sa rājā dvijasattama | saputradāraḥ sevāyāṃ gaṅgāyāstatparo'bhavat ||
bhāgīrathyā samaṃ tīrthaṃ nāsti vai bhuvanatraye | yannāmoccāraṇādeva sarvago mokṣamāptavān ||
gaṅgādvārasya māhātmyaṃ kathitaṃ te dvijottama | samastapāpavidhvaṃsi kimanyacchrotumicchasi ||
adhyāyametatparamādareṇa paṭhanti ye devagṛhe manuṣyāḥ | śṛṇvanti ye ca dvijavargabhaktā naśyanti teṣāṃ duritāni sadyaḥ ||
«Диво — слово, услышанное мною из твоих уст, о коршун; но ни у меня, ни у этих в сердце не рождается уверенность». Затем в поднебесье родилась громкая речь, о лучший из царей: «Истинно, истинно, истинно это; сомнения здесь нет». Затем та птица, о провидец-брахман, немедля вместе с супругой от возвещения величия Ганги словно стала прежним. В небе загремели литавры, запели лучшие из гандхарвов, заплясали сонмы апсар, пал дождь цветов. Явилась божественная колесница со всеми наслаждениями, явились сонмы посланцев, посланных ненавистником Кайтабхи. Затем тот Сарвага, о брахман, вместе с любимою супругой тотчас взошёл на колесницу и отправился в дом Хари. Услышав это дивное деяние, о лучший из дваждырождённых, тот царь с сыновьями и супругой стал усерден к служению Ганге. Нет ведь в трёх мирах тиртхи, равной Бхагиратхи: от одного произнесения её имени Сарвага обрёл освобождение. Величие Врат Ганги, сокрушающее всякий грех, поведано тебе, о лучший из дваждырождённых; что иное желаешь услышать? Люди, которые с высшим усердием читают эту главу в доме бога, и те, которые слушают её, преданные сонму дваждырождённых, — у них тотчас гибнут злодеяния.
dc5ffc50f782 · published Sep 3, 2026, 4:14:08 AM UTC
Available inRUPage between verses with
Коршун освобождён не омовением и не даром, а тем, что рассказал о реке вслух. Возвещение оказалось действеннее самого пришествия к воде.