प्रभातायां तु शर्वर्यां पृथु वृक्षा महायशाः । उवाच रामः सौमित्रिं लक्ष्मणं शुभलक्षणम् ॥
भास्करोदयकालो ऽयं गता भगवती निशा । असौ सुकृष्णो विहगः कोकिलस् तात कूजति ॥
बर्हिणानां च निर्घोषः श्रूयते नदतां वने । तराम जाह्नवीं सौम्य शीघ्रगां सागरंगमाम् ॥
विज्ञाय रामस्य वचः सौमित्रिर् मित्रनन्दनः । गुहम् आमन्त्र्य सूतं च सो ऽतिष्ठद् भ्रातुर् अग्रतः ॥
ततः कलापान् संनह्य खड्गौ बद्ध्वा च धन्विनौ । जग्मतुर् येन तौ गङ्गां सीतया सह राघवौ ॥
रामम् एव तु धर्मज्ञम् उपगम्य विनीतवत् । किम् अहं करवाणीति सूतः प्राञ्जलिर् अब्रवीत् ॥
निवर्तस्वेत्य् उवाचैनम् एतावद् धि कृतं मम । यानं विहाय पद्भ्यां तु गमिष्यामो महावनम् ॥
prabhātāyāṃ tu śarvaryāṃ pṛthu vṛkṣā mahāyaśāḥ | uvāca rāmaḥ saumitriṃ lakṣmaṇaṃ śubhalakṣaṇam ||
bhāskarodayakālo 'yaṃ gatā bhagavatī niśā | asau sukṛṣṇo vihagaḥ kokilas tāta kūjati ||
barhiṇānāṃ ca nirghoṣaḥ śrūyate nadatāṃ vane | tarāma jāhnavīṃ saumya śīghragāṃ sāgaraṃgamām ||
vijñāya rāmasya vacaḥ saumitrir mitranandanaḥ | guham āmantrya sūtaṃ ca so 'tiṣṭhad bhrātur agrataḥ ||
tataḥ kalāpān saṃnahya khaḍgau baddhvā ca dhanvinau | jagmatur yena tau gaṅgāṃ sītayā saha rāghavau ||
rāmam eva tu dharmajñam upagamya vinītavat | kim ahaṃ karavāṇīti sūtaḥ prāñjalir abravīt ||
nivartasvety uvācainam etāvad dhi kṛtaṃ mama | yānaṃ vihāya padbhyāṃ tu gamiṣyāmo mahāvanam ||
Когда ночь рассвела, великославный Рама, мощный телом, сказал Саумитри Лакшмане, наделённому благими признаками: «Настал час восхода солнца; священная ночь миновала. Вон тёмная кокила подаёт голос, дорогой, и в лесу слышится крик павлинов. Переправимся, о кроткий, через быстротекущую Джахнави, идущую к океану». Поняв слова Рамы, Саумитри, радующий друзей, обратился к Гухе и к вознице и стал перед братом. Затем Рама и Лакшмана, надев колчаны, опоясавшись мечами и взяв луки, вместе с Ситой пошли туда, где была Ганга. Сумантра почтительно подошёл к самому Раме, знающему дхарму, сложил ладони и сказал: «Что мне сделать?» Рама ответил ему: «Возвращайся. Ты уже сделал для меня достаточно; оставив колесницу, мы пойдём пешком в великий лес».
eb78e5cec226 · published Jun 22, 2026, 12:00:00 AM UTC
Available inRUPage between verses with
Утро у Ганги переводит изгнание из решения в необратимый путь. Рама спокойно отделяет то, что было нужно до реки, от того, что должно начаться после неё: колесница и царский возница возвращаются, а лесной обет продолжается пешком.