जानामि परमां भक्तिं मयि ते भर्तृवत्सल । शृणु चापि यदर्थं त्वां प्रेषयामि पुरीम् इतः ॥
नगरीं त्वां गतं दृष्ट्वा जननी मे यवीयसी । कैकेयी प्रत्ययं गच्छेद् इति रामो वनं गतः ॥
परितुष्टा हि सा देवि वनवासं गते मयि । राजानं नातिशङ्केत मिथ्यावादीति धार्मिकम् ॥
एष मे प्रथमः कल्पो यद् अम्बा मे यवीयसी । भरतारक्षितं स्फीतं पुत्रराज्यम् अवाप्नुयात् ॥
मम प्रियार्थं राज्ञश् च सरथस् त्वं पुरीं व्रज । संदिष्टश् चासि यानर्थांस् तांस् तान् ब्रूयास् तथातथा ॥
इत्य् उक्त्वा वचनं सूतं सान्त्वयित्वा पुनः पुनः । गुहं वचनम् अक्लीबं रामो हेतुमद् अब्रवीत् । जटाः कृत्वा गमिष्यामि न्यग्रोधक्षीरम् आनय ॥
तत् क्षीरं राजपुत्राय गुहः क्षिप्रम् उपाहरत् । लक्ष्मणस्यात्मनश् चैव रामस् तेनाकरोज् जटाः ॥
तौ तदा चीरवसनौ जटामण्डलधारिणौ । अशोभेताम् ऋषिसमौ भ्रातरौ रामलक्ष्मणौ ॥
ततो वैखानसं मार्गम् आस्थितः सहलक्ष्मणः । व्रतम् आदिष्टवान् रामः सहायं गुहम् अब्रवीत् ॥
अप्रमत्तो बले कोशे दुर्गे जनपदे तथा । भवेथा गुह राज्यं हि दुरारक्षतमं मतम् ॥
ततस् तं समनुज्ञाय गुहम् इक्ष्वाकुनन्दनः । जगाम तूर्णम् अव्यग्रः सभार्यः सहलक्ष्मणः ॥
jānāmi paramāṃ bhaktiṃ mayi te bhartṛvatsala | śṛṇu cāpi yadarthaṃ tvāṃ preṣayāmi purīm itaḥ ||
nagarīṃ tvāṃ gataṃ dṛṣṭvā jananī me yavīyasī | kaikeyī pratyayaṃ gacched iti rāmo vanaṃ gataḥ ||
parituṣṭā hi sā devi vanavāsaṃ gate mayi | rājānaṃ nātiśaṅketa mithyāvādīti dhārmikam ||
eṣa me prathamaḥ kalpo yad ambā me yavīyasī | bharatārakṣitaṃ sphītaṃ putrarājyam avāpnuyāt ||
mama priyārthaṃ rājñaś ca sarathas tvaṃ purīṃ vraja | saṃdiṣṭaś cāsi yānarthāṃs tāṃs tān brūyās tathātathā ||
ity uktvā vacanaṃ sūtaṃ sāntvayitvā punaḥ punaḥ | guhaṃ vacanam aklībaṃ rāmo hetumad abravīt | jaṭāḥ kṛtvā gamiṣyāmi nyagrodhakṣīram ānaya ||
tat kṣīraṃ rājaputrāya guhaḥ kṣipram upāharat | lakṣmaṇasyātmanaś caiva rāmas tenākaroj jaṭāḥ ||
tau tadā cīravasanau jaṭāmaṇḍaladhāriṇau | aśobhetām ṛṣisamau bhrātarau rāmalakṣmaṇau ||
tato vaikhānasaṃ mārgam āsthitaḥ sahalakṣmaṇaḥ | vratam ādiṣṭavān rāmaḥ sahāyaṃ guham abravīt ||
apramatto bale kośe durge janapade tathā | bhavethā guha rājyaṃ hi durārakṣatamaṃ matam ||
tatas taṃ samanujñāya guham ikṣvākunandanaḥ | jagāma tūrṇam avyagraḥ sabhāryaḥ sahalakṣmaṇaḥ ||
Рама сказал: «Я знаю твою высшую преданность ко мне, о любящий господина. Но выслушай, ради чего я посылаю тебя отсюда в столицу. Увидев, что ты прибыл в город, моя младшая мать Кайкейи поверит: “Рама ушёл в лес”. Удовлетворённая тем, что я отправился в лесное изгнание, эта царица не станет подозревать праведного царя во лжи. Вот мой первый замысел: пусть моя младшая мать получит процветающее царство своего сына, охраняемое Бхаратой. Ради моего блага и ради царя возвращайся в столицу с колесницей. Все порученные тебе вести передай как следует». Сказав это и снова и снова утешив возницу, Рама обратился к Гухе с мужественной и разумной речью: «Я пойду дальше, сделав джаты. Принеси млечный сок баньяна». Гуха быстро принёс этот сок царевичу, и Рама с его помощью сделал джаты себе и Лакшмане. Тогда оба брата, Рама и Лакшмана, одетые в кору и носящие джаты, засияли, подобные риши. После этого Рама вместе с Лакшманой принял путь вайкханасов и установил обет; затем сказал своему помощнику Гухе: «О Гуха, будь бдителен в войске, казне, крепости и стране, ибо царство считается труднейшим для охраны». Затем радость Икшваку попрощался с Гухой и быстро, невозмутимо пошёл дальше вместе с супругой и Лакшманой.
46c0d42f8cfb · published Jun 22, 2026, 12:00:00 AM UTC
Available inRUPage between verses with
Рама объясняет Сумантре не личное удобство, а необходимость свидетельства: возвращение возницы должно подтвердить истину обета и успокоить политический порядок. Джаты и кора затем делают внутреннее решение видимым: царевич принимает форму лесного подвижника.