कल्कांश् चूर्णकषायांश् च स्नानानि विविधानि च । ददृशुर् भाजनस्थानि तीर्थेषु सरितां नराः ॥
शुक्लान् अंशुमतश् चापि दन्तधावनसंचयान् । शुक्लांश् चन्दनकल्कांश् च समुद्गेष्व् अवतिष्ठतः ॥
दर्पणान् परिमृष्टांश् च वाससां चापि संचयान् । पादुकोपानहां चैव युग्मान् यत्र सहस्रशः ॥
आञ्जनीः कङ्कतान् कूर्चांश् छत्राणि च धनूंषि च । मर्मत्राणानि चित्राणि शयनान्य् आसनानि च ॥
प्रतिपानह्रदान् पूर्णान् खरोष्ट्रगजवाजिनाम् । अवगाह्य सुतीर्थांश् च ह्रदान् सोत्पल पुष्करान् ॥
नीलवैदूर्यवर्णांश् च मृदून् यवससंचयान् । निर्वापार्थं पशूनां ते ददृशुस् तत्र सर्वशः ॥
व्यस्मयन्त मनुष्यास् ते स्वप्नकल्पं तद् अद्भुतम् । दृष्ट्वातिथ्यं कृतं तादृग् भरतस्य महर्षिणा ॥
इत्य् एवं रममाणानां देवानाम् इव नन्दने । भरद्वाजाश्रमे रम्ये सा रात्रिर् व्यत्यवर्तत ॥
प्रतिजग्मुश् च ता नद्यो गन्धर्वाश् च यथागतम् । भरद्वाजम् अनुज्ञाप्य ताश् च सर्वा वराङ्गनाः ॥
तथैव मत्ता मदिरोत्कटा नरास्; तथैव दिव्यागुरुचन्दनोक्षिताः । तथैव दिव्या विविधाः स्रगुत्तमाः; पृथक्प्रकीर्णा मनुजैः प्रमर्दिताः ॥
kalkāṃś cūrṇakaṣāyāṃś ca snānāni vividhāni ca | dadṛśur bhājanasthāni tīrtheṣu saritāṃ narāḥ ||
śuklān aṃśumataś cāpi dantadhāvanasaṃcayān | śuklāṃś candanakalkāṃś ca samudgeṣv avatiṣṭhataḥ ||
darpaṇān parimṛṣṭāṃś ca vāsasāṃ cāpi saṃcayān | pādukopānahāṃ caiva yugmān yatra sahasraśaḥ ||
āñjanīḥ kaṅkatān kūrcāṃś chatrāṇi ca dhanūṃṣi ca | marmatrāṇāni citrāṇi śayanāny āsanāni ca ||
pratipānahradān pūrṇān kharoṣṭragajavājinām | avagāhya sutīrthāṃś ca hradān sotpala puṣkarān ||
nīlavaidūryavarṇāṃś ca mṛdūn yavasasaṃcayān | nirvāpārthaṃ paśūnāṃ te dadṛśus tatra sarvaśaḥ ||
vyasmayanta manuṣyās te svapnakalpaṃ tad adbhutam | dṛṣṭvātithyaṃ kṛtaṃ tādṛg bharatasya maharṣiṇā ||
ity evaṃ ramamāṇānāṃ devānām iva nandane | bharadvājāśrame ramye sā rātrir vyatyavartata ||
pratijagmuś ca tā nadyo gandharvāś ca yathāgatam | bharadvājam anujñāpya tāś ca sarvā varāṅganāḥ ||
tathaiva mattā madirotkaṭā narās; tathaiva divyāgurucandanokṣitāḥ | tathaiva divyā vividhāḥ sraguttamāḥ; pṛthakprakīrṇā manujaiḥ pramarditāḥ ||
У речных купален люди увидели в сосудах мази, порошки, настои и разные средства для омовения; белые зубные палочки, белые сандаловые пасты в коробках, начищенные зеркала, запасы одежд, тысячи пар сандалий и обуви, сосуды с сурьмой, гребни, щётки, зонты, луки, пёстрые доспехи, постели и сиденья. Для ослов, верблюдов, слонов и коней были полные водопойные озёра, водоёмы с удобными спусками, утпалами и лотосами, а также мягкие лазурные кучи травы для насыщения животных. Люди изумлялись этому чуду, подобному сну, видя такое гостеприимство, оказанное Бхарате великим риши. Так, радуясь словно боги в Нандане, они провели ту ночь в прекрасном ашраме Бхарадваджи. Затем реки, гандхарвы и все прекрасные женщины, испросив разрешение у Бхарадваджи, вернулись, как пришли. А люди оставались всё так же опьянёнными, возбуждёнными вином, умащёнными небесным агаром и сандалом; повсюду лежали рассыпанные и смятые людьми прекрасные небесные гирлянды.
b94cc61a1d68 · published Jun 22, 2026, 12:00:00 AM UTC
Available inRUPage between verses with
Ночь завершается как сон, но её плод реален: войско увидело силу святости и щедрость дхармы. Всё великолепие исчезает по разрешению мудреца, оставляя Бхарату с очищенным намерением идти к Раме.