क्व चारण्यं क्व च क्षात्रं क्व जटाः क्व च पालनम् । ईदृशं व्याहतं कर्म न भवान् कर्तुम् अर्हति ॥
अथ क्लेशजम् एव त्वं धर्मं चरितुम् इच्छसि । धर्मेण चतुरो वर्णान् पालयन् क्लेशम् आप्नुहि ॥
चतुर्णाम् आश्रमाणां हि गार्हस्थ्यं श्रेष्ठम् आश्रमम् । आहुर् धर्मज्ञ धर्मज्ञास् तं कथं त्यक्तुम् अर्हसि ॥
श्रुतेन बालः स्थानेन जन्मना भवतो ह्य् अहम् । स कथं पालयिष्यामि भूमिं भवति तिष्ठति ॥
हीनबुद्धिगुणो बालो हीनः स्थानेन चाप्य् अहम् । भवता च विना भूतो न वर्तयितुम् उत्सहे ॥
इदं निखिलम् अव्यग्रं पित्र्यं राज्यम् अकण्टकम् । अनुशाधि स्वधर्मेण धर्मज्ञ सह बान्धवैः ॥
इहैव त्वाभिषिञ्चन्तु धर्मज्ञ सह बान्धवैः । ऋत्विजः सवसिष्ठाश् च मन्त्रवन् मन्त्रकोविदाः ॥
अभिषिक्तस् त्वम् अस्माभिर् अयोध्यां पालने व्रज । विजित्य तरसा लोकान् मरुद्भिर् इव वासवः ॥
ऋणानि त्रीण्य् अपाकुर्वन् दुर्हृदः साधु निर्दहन् । सुहृदस् तर्पयन् कामैस् त्वम् एवात्रानुशाधि माम् ॥
अद्यार्य मुदिताः सन्तु सुहृदस् ते ऽभिषेचने । अद्य भीताः पालयन्तां दुर्हृदस् ते दिशो दश ॥
आक्रोशं मम मातुश् च प्रमृज्य पुरुषर्षभ । अद्य तत्र भवन्तं च पितरं रक्ष किल्बिषात् ॥
शिरसा त्वाभियाचे ऽहं कुरुष्व करुणां मयि । बान्धवेषु च सर्वेषु भूतेष्व् इव महेश्वरः ॥
अथ वा पृष्ठतः कृत्वा वनम् एव भवान् इतः । गमिष्यति गमिष्यामि भवता सार्धम् अप्य् अहम् ॥
kva cāraṇyaṃ kva ca kṣātraṃ kva jaṭāḥ kva ca pālanam | īdṛśaṃ vyāhataṃ karma na bhavān kartum arhati ||
atha kleśajam eva tvaṃ dharmaṃ caritum icchasi | dharmeṇa caturo varṇān pālayan kleśam āpnuhi ||
caturṇām āśramāṇāṃ hi gārhasthyaṃ śreṣṭham āśramam | āhur dharmajña dharmajñās taṃ kathaṃ tyaktum arhasi ||
śrutena bālaḥ sthānena janmanā bhavato hy aham | sa kathaṃ pālayiṣyāmi bhūmiṃ bhavati tiṣṭhati ||
hīnabuddhiguṇo bālo hīnaḥ sthānena cāpy aham | bhavatā ca vinā bhūto na vartayitum utsahe ||
idaṃ nikhilam avyagraṃ pitryaṃ rājyam akaṇṭakam | anuśādhi svadharmeṇa dharmajña saha bāndhavaiḥ ||
ihaiva tvābhiṣiñcantu dharmajña saha bāndhavaiḥ | ṛtvijaḥ savasiṣṭhāś ca mantravan mantrakovidāḥ ||
abhiṣiktas tvam asmābhir ayodhyāṃ pālane vraja | vijitya tarasā lokān marudbhir iva vāsavaḥ ||
ṛṇāni trīṇy apākurvan durhṛdaḥ sādhu nirdahan | suhṛdas tarpayan kāmais tvam evātrānuśādhi mām ||
adyārya muditāḥ santu suhṛdas te 'bhiṣecane | adya bhītāḥ pālayantāṃ durhṛdas te diśo daśa ||
ākrośaṃ mama mātuś ca pramṛjya puruṣarṣabha | adya tatra bhavantaṃ ca pitaraṃ rakṣa kilbiṣāt ||
śirasā tvābhiyāce 'haṃ kuruṣva karuṇāṃ mayi | bāndhaveṣu ca sarveṣu bhūteṣv iva maheśvaraḥ ||
atha vā pṛṣṭhataḥ kṛtvā vanam eva bhavān itaḥ | gamiṣyati gamiṣyāmi bhavatā sārdham apy aham ||
«Что общего между лесом и царским долгом? Что общего между джата и защитой подданных? Тебе не подобает совершать такое противоречивое дело. Если же ты хочешь исполнять именно дхарму, рождённую трудом, то прими труд, праведно защищая четыре варны. О знаток дхармы, знатоки дхармы называют жизнь домохозяина лучшим из четырёх ашрамов; как ты можешь оставить её? По учёности, положению и рождению я ниже тебя; как я буду править землёй, когда ты жив? Я младше, уступаю тебе разумом и качествами, ниже по положению, и без тебя не имею сил управлять. Это целое, спокойное, отцовское царство без препятствий правь по своей дхарме вместе с родичами, о знаток дхармы. Пусть здесь же жрецы, знатоки мантр, вместе с Васиштхой и родичами помажут тебя по мантрам. Посвящённый нами на царство, возвращайся в Айодхью ради защиты, побеждая народы силой, как Васава с Марутами. Отдай три долга, праведно сожги врагов, удовлетвори друзей желанными благами и правь здесь именно мной. Пусть сегодня твои близкие радуются твоему помазанию, а твои враги, устрашённые, бегут во все десять сторон. О лучший из людей, сотри поругание с меня и моей матери; сегодня защити и себя, и отца от греха. Я склоняю голову и умоляю тебя: прояви сострадание ко мне и ко всем родичам, как великий владыка ко всем живым. Если же ты всё равно пойдёшь отсюда в лес, оставив меня позади, то и я пойду вместе с тобой».
0a00d9728f55 · published Jun 22, 2026, 12:00:00 AM UTC
Available inRUPage between verses with
Вторая просьба Бхараты становится ещё точнее: он показывает, что дхарма Рамы как кшатрия — не уход от мира, а защита людей. Даже аскетический труд должен быть направлен на служение, если перед человеком стоит царский долг.