ततः पुरुषसिंहानां वृतानां तैः सुहृद्गणैः । शोचताम् एव रजनी दुःखेन व्यत्यवर्तत ॥
रजन्यां सुप्रभातायां भ्रातरस् ते सुहृद्वृताः । मन्दाकिन्यां हुतं जप्यं कृत्वा रामम् उपागमन् ॥
तूष्णीं ते समुपासीना न कश् चित् किं चिद् अब्रवीत् । भरतस् तु सुहृन्मध्ये रामवचनम् अब्रवीत् ॥
सान्त्विता मामिका माता दत्तं राज्यम् इदं मम । तद् ददामि तवैवाहं भुङ्क्ष्व राज्यम् अकण्टकम् ॥
महतेवाम्बुवेगेन भिन्नः सेतुर् जलागमे । दुरावारं त्वदन्येन राज्यखण्डम् इदं महत् ॥
गतिं खर इवाश्वस्य तार्क्ष्यस्येव पतत्रिणः । अनुगन्तुं न शक्तिर् मे गतिं तव महीपते ॥
सुजीवं नित्यशस् तस्य यः परैर् उपजीव्यते । राम तेन तु दुर्जीवं यः परान् उपजीवति ॥
यथा तु रोपितो वृक्षः पुरुषेण विवर्धितः । ह्रस्वकेन दुरारोहो रूढस्कन्धो महाद्रुमः ॥
स यदा पुष्पितो भूत्वा फलानि न विदर्शयेत् । स तां नानुभवेत् प्रीतिं यस्य हेतोः प्रभावितः ॥
एषोपमा महाबाहो त्वम् अर्थं वेत्तुम् अर्हसि । यदि त्वम् अस्मान् ऋषभो भर्ता भृत्यान् न शाधि हि ॥
श्रेणयस् त्वां महाराज पश्यन्त्व् अग्र्याश् च सर्वशः । प्रतपन्तम् इवादित्यं राज्ये स्थितम् अरिंदमम् ॥
तवानुयाने काकुत्ष्ठ मत्ता नर्दन्तु कुञ्जराः । अन्तःपुर गता नार्यो नन्दन्तु सुसमाहिताः ॥
तस्य साध्व् इत्य् अमन्यन्त नागरा विविधा जनाः । भरतस्य वचः श्रुत्वा रामं प्रत्यनुयाचतः ॥
tataḥ puruṣasiṃhānāṃ vṛtānāṃ taiḥ suhṛdgaṇaiḥ | śocatām eva rajanī duḥkhena vyatyavartata ||
rajanyāṃ suprabhātāyāṃ bhrātaras te suhṛdvṛtāḥ | mandākinyāṃ hutaṃ japyaṃ kṛtvā rāmam upāgaman ||
tūṣṇīṃ te samupāsīnā na kaś cit kiṃ cid abravīt | bharatas tu suhṛnmadhye rāmavacanam abravīt ||
sāntvitā māmikā mātā dattaṃ rājyam idaṃ mama | tad dadāmi tavaivāhaṃ bhuṅkṣva rājyam akaṇṭakam ||
mahatevāmbuvegena bhinnaḥ setur jalāgame | durāvāraṃ tvadanyena rājyakhaṇḍam idaṃ mahat ||
gatiṃ khara ivāśvasya tārkṣyasyeva patatriṇaḥ | anugantuṃ na śaktir me gatiṃ tava mahīpate ||
sujīvaṃ nityaśas tasya yaḥ parair upajīvyate | rāma tena tu durjīvaṃ yaḥ parān upajīvati ||
yathā tu ropito vṛkṣaḥ puruṣeṇa vivardhitaḥ | hrasvakena durāroho rūḍhaskandho mahādrumaḥ ||
sa yadā puṣpito bhūtvā phalāni na vidarśayet | sa tāṃ nānubhavet prītiṃ yasya hetoḥ prabhāvitaḥ ||
eṣopamā mahābāho tvam arthaṃ vettum arhasi | yadi tvam asmān ṛṣabho bhartā bhṛtyān na śādhi hi ||
śreṇayas tvāṃ mahārāja paśyantv agryāś ca sarvaśaḥ | pratapantam ivādityaṃ rājye sthitam ariṃdamam ||
tavānuyāne kākutṣṭha mattā nardantu kuñjarāḥ | antaḥpura gatā nāryo nandantu susamāhitāḥ ||
tasya sādhv ity amanyanta nāgarā vividhā janāḥ | bharatasya vacaḥ śrutvā rāmaṃ pratyanuyācataḥ ||
Ночь у львов среди людей, окружённых друзьями, прошла в скорби. Когда рассвело, братья вместе с близкими совершили у Мандакини жертвенное возлияние и молитвенное повторение и пришли к Раме. Все сидели молча; никто ничего не говорил. Тогда Бхарата среди друзей обратился к Раме: «Моя мать была умилостивлена, и это царство дано мне; я отдаю его только тебе. Прими царство без препятствий. Как дамбу прорывает огромный поток во время половодья, так эту великую часть царства невозможно удержать никому, кроме тебя. Я не способен следовать твоему пути, о владыка земли, как осёл не может поспеть за конём, а птица — за Гарудой. Хороша жизнь того, кем поддерживаются другие, о Рама; тяжела жизнь того, кто сам зависит от других. Если человек посадит дерево и вырастит его, а оно станет великим стволом, трудным для восхождения, но, зацветя, не покажет плодов, он не получит той радости, ради которой растил его. О могучерукий, пойми смысл этой притчи: если ты, лучший и господин, не будешь править нами, твоими слугами, труд окажется бесплодным. Пусть общины и лучшие люди увидят тебя, о великий царь, утверждённым на престоле, сияющим как солнце, покорителем врагов. Пусть в твоём шествии трубят опьянённые слоны, о Какутстха, и пусть женщины внутренних покоев радуются в мире и собранности». Услышав, как Бхарата снова умоляет Раму, горожане и разные люди одобрили его слова: «Хорошо сказано».
b5538819b699 · published Jun 22, 2026, 12:00:00 AM UTC
Available inRUPage between verses with
Бхарата говорит не о власти как о праве, а о власти как о плоде воспитания, рода и долга. Если Рама не примет царство, всё, что ради него хранилось и растилось, останется без плода.