अग्रतः प्रययौ रामः सीता मध्ये सुमध्यमा । पृष्ठतस् तु धनुष्पाणिर् लक्ष्मणो ऽनुजगाम ह ॥
तौ पश्यमानौ विविधाञ् शैलप्रस्थान् वनानि च । नदीश् च विविधा रम्या जग्मतुः सह सीतया ॥
सारसांश् चक्रवाकांश् च नदीपुलिनचारिणः । सरांसि च सपद्मानि युतानि जलजैः खगैः ॥
यूथबद्धांश् च पृषतान् मदोन्मत्तान् विषाणिनः । महिषांश् च वराहांश् च गजांश् च द्रुमवैरिणः ॥
ते गत्वा दूरम् अध्वानं लम्बमाने दिवाकरे । ददृशुः सहिता रम्यं तटाकं योजनायतम् ॥
पद्मपुष्करसंबाधं गजयूथैर् अलंकृतम् । सारसैर् हंसकादम्बैः संकुलं जलचारिभिः ॥
प्रसन्नसलिले रम्यतस्मिन् सरसि शुश्रुवे । गीतवादित्रनिर्घोषो न तु कश् चन दृश्यते ॥
ततः कौतूहलाद् रामो लक्ष्मणश् च महारथः । मुनिं धर्मभृतं नाम प्रष्टुं समुपचक्रमे ॥
इदम् अत्यद्भुतं श्रुत्वा सर्वेषां नो महामुने । कौतूहलं महज् जातं किम् इदं साधु कथ्यताम् ॥
तेनैवम् उक्तो धर्मात्मा राघवेण मुनिस् तदा । प्रभावं सरसः कृत्स्नम् आख्यातुम् उपचक्रमे ॥
agrataḥ prayayau rāmaḥ sītā madhye sumadhyamā | pṛṣṭhatas tu dhanuṣpāṇir lakṣmaṇo 'nujagāma ha ||
tau paśyamānau vividhāñ śailaprasthān vanāni ca | nadīś ca vividhā ramyā jagmatuḥ saha sītayā ||
sārasāṃś cakravākāṃś ca nadīpulinacāriṇaḥ | sarāṃsi ca sapadmāni yutāni jalajaiḥ khagaiḥ ||
yūthabaddhāṃś ca pṛṣatān madonmattān viṣāṇinaḥ | mahiṣāṃś ca varāhāṃś ca gajāṃś ca drumavairiṇaḥ ||
te gatvā dūram adhvānaṃ lambamāne divākare | dadṛśuḥ sahitā ramyaṃ taṭākaṃ yojanāyatam ||
padmapuṣkarasaṃbādhaṃ gajayūthair alaṃkṛtam | sārasair haṃsakādambaiḥ saṃkulaṃ jalacāribhiḥ ||
prasannasalile ramyatasmin sarasi śuśruve | gītavāditranirghoṣo na tu kaś cana dṛśyate ||
tataḥ kautūhalād rāmo lakṣmaṇaś ca mahārathaḥ | muniṃ dharmabhṛtaṃ nāma praṣṭuṃ samupacakrame ||
idam atyadbhutaṃ śrutvā sarveṣāṃ no mahāmune | kautūhalaṃ mahaj jātaṃ kim idaṃ sādhu kathyatām ||
tenaivam ukto dharmātmā rāghaveṇa munis tadā | prabhāvaṃ sarasaḥ kṛtsnam ākhyātum upacakrame ||
Рама шёл впереди, Сита с тонкой талией — посередине, а Лакшмана, держа лук в руке, следовал сзади. Они шли вместе, созерцая горные уступы, леса, прекрасные реки, птиц на речных отмелях, лотосные озёра, стада оленей, буйволов, кабанов и слонов, ломающих деревья. Пройдя долгий путь, когда солнце уже клонилось к закату, они увидели чудесный пруд длиной в йоджану: он был полон лотосов, украшен стадами слонов и наполнен водяными птицами. В прозрачных водах того озера слышались пение и звуки инструментов, но никого не было видно. Тогда Рама и великий воин Лакшмана с любопытством спросили мудреца Дхармабхрита: «О великий мудрец, услышав это дивное звучание, мы все преисполнились удивления. Что это? Расскажи нам как следует». Праведный мудрец, услышав вопрос Рагхавы, начал рассказывать о могуществе озера.
7c2b1269406b · published Jun 22, 2026, 12:00:00 AM UTC
Available inRUPage between verses with
Путь Рамы через лес раскрывается не только как география изгнания, но и как вхождение в пространство чудес и скрытой духовной силы. Природа здесь жива, богата и таинственна: слышен звук, но источник его невидим. Для Рамы чудо не становится поводом для суеверия; он спрашивает мудреца, то есть ищет знание у того, кто хранит связь между видимым и невидимым.