श्रुत्वा हिमवतो वाक्यं क्रोधाविष्टः स दुन्दुभिः । जगाम तां पुरीं तस्य किष्किन्धां वालिनस् तदा ॥
धारयन् माहिषं रूपं तीक्ष्णशृङ्गो भयावहः । प्रावृषीव महामेघस् तोयपूर्णो नभस्तले ॥
ततस् तु द्वारम् आगम्य किष्किन्धाया महाबलः । ननर्द कम्पयन् भूमिं दुन्दुभिर् दुन्दुभिर् यथा ॥
समीपजान् द्रुमान् भञ्जन् वसुधां दारयन् खुरैः । विषाणेनोल्लेखन् दर्पात् तद्द्वारं द्विरदो यथा ॥
अन्तःपुरगतो वाली श्रुत्वा शब्दम् अमर्षणः । निष्पपात सह स्त्रीभिस् ताराभिर् इव चन्द्रमाः ॥
मितं व्यक्ताक्षरपदं तम् उवाच स दुन्दुभिम् । हरीणाम् ईश्वरो वाली सर्वेषां वनचारिणाम् ॥
किमर्थं नगरद्वारम् इदं रुद्ध्वा विनर्दसि । दुन्दुभे विदितो मे ऽसि रक्ष प्राणान् महाबल ॥
तस्य तद्वचनं श्रुत्वा वानरेन्द्रस्य धीमतः । उवाच दुन्दुभिर् वाक्यं क्रोधात् संरक्तलोचनः ॥
śrutvā himavato vākyaṃ krodhāviṣṭaḥ sa dundubhiḥ | jagāma tāṃ purīṃ tasya kiṣkindhāṃ vālinas tadā ||
dhārayan māhiṣaṃ rūpaṃ tīkṣṇaśṛṅgo bhayāvahaḥ | prāvṛṣīva mahāmeghas toyapūrṇo nabhastale ||
tatas tu dvāram āgamya kiṣkindhāyā mahābalaḥ | nanarda kampayan bhūmiṃ dundubhir dundubhir yathā ||
samīpajān drumān bhañjan vasudhāṃ dārayan khuraiḥ | viṣāṇenollekhan darpāt taddvāraṃ dvirado yathā ||
antaḥpuragato vālī śrutvā śabdam amarṣaṇaḥ | niṣpapāta saha strībhis tārābhir iva candramāḥ ||
mitaṃ vyaktākṣarapadaṃ tam uvāca sa dundubhim | harīṇām īśvaro vālī sarveṣāṃ vanacāriṇām ||
kimarthaṃ nagaradvāram idaṃ ruddhvā vinardasi | dundubhe vidito me 'si rakṣa prāṇān mahābala ||
tasya tadvacanaṃ śrutvā vānarendrasya dhīmataḥ | uvāca dundubhir vākyaṃ krodhāt saṃraktalocanaḥ ||
«Услышав слова Химавана, Дундубхи, охваченный гневом, отправился в город Вали, Кишкиндху. Он принял буйволиный облик, был остророг, страшен, как большая туча в сезон дождей, полная воды в небе. Придя к воротам Кишкиндхи, великосильный Дундубхи взревел, сотрясая землю, как барабан. Он ломал близлежащие деревья, раздирал землю копытами и из гордости царапал ворота рогом, как слон. Вали был во внутренних покоях; услышав этот звук, нетерпеливый, он выскочил вместе с женщинами, как луна со звёздами. Владыка обезьян Вали, господин всех лесных обитателей, умеренно и ясно сказал Дундубхи: “Зачем ты, загородив эти городские ворота, ревёшь? Дундубхи, ты известен мне. Береги свою жизнь, великосильный”. Услышав слова мудрого владыки обезьян, Дундубхи с глазами, покрасневшими от гнева, ответил».
186ea3e71ebe · published Jun 22, 2026, 12:00:00 AM UTC
Available inRUPage between verses with
Дундубхи приходит к Вали в демонстративной ярости, но Вали встречает его спокойно и ясно. Уже в первой реплике Вали видно превосходство: он не пугается и предупреждает врага сохранить жизнь.