विमानात् तु सुसंक्रम्य प्राकारं हरियूथपः । हनूमान् वेगवान् आसीद् यथा विद्युद्घनान्तरे ॥
संपरिक्रम्य हनुमान् रावणस्य निवेशनान् । अदृष्ट्वा जानकीं सीताम् अब्रवीद् वचनं कपिः ॥
भूयिष्ठं लोडिता लङ्का रामस्य चरता प्रियम् । न हि पश्यामि वैदेहीं सीतां सर्वाङ्गशोभनाम् ॥
पल्वलानि तटाकानि सरांसि सरितस् तथा । नद्यो ऽनूपवनान्ताश् च दुर्गाश् च धरणीधराः । लोडिता वसुधा सर्वा न च पश्यामि जानकीम् ॥
इह संपातिना सीता रावणस्य निवेशने । आख्याता गृध्रराजेन न च पश्यामि ताम् अहम् ॥
किं नु सीताथ वैदेही मैथिली जनकात्मजा । उपतिष्ठेत विवशा रावणं दुष्टचारिणम् ॥
क्षिप्रम् उत्पततो मन्ये सीताम् आदाय रक्षसः । बिभ्यतो रामबाणानाम् अन्तरा पतिता भवेत् ॥
अथ वा ह्रियमाणायाः पथि सिद्धनिषेविते । मन्ये पतितम् आर्याया हृदयं प्रेक्ष्य सागरम् ॥
रावणस्योरुवेगेन भुजाभ्यां पीडितेन च । तया मन्ये विशालाक्ष्या त्यक्तं जीवितम् आर्यया ॥
उपर्य् उपरि वा नूनं सागरं क्रमतस् तदा । विवेष्टमाना पतिता समुद्रे जनकात्मजा ॥
आहो क्षुद्रेण चानेन रक्षन्ती शीलम् आत्मनः । अबन्धुर् भक्षिता सीता रावणेन तपस्विनी ॥
अथ वा राक्षसेन्द्रस्य पत्नीभिर् असितेक्षणा । अदुष्टा दुष्टभावाभिर् भक्षिता सा भविष्यति ॥
संपूर्णचन्द्रप्रतिमं पद्मपत्रनिभेक्षणम् । रामस्य ध्यायती वक्त्रं पञ्चत्वं कृपणा गता ॥
हा राम लक्ष्मणेत्य् एव हायोध्येति च मैथिली । विलप्य बहु वैदेही न्यस्तदेहा भविष्यति ॥
अथ वा निहिता मन्ये रावणस्य निवेशने । नूनं लालप्यते मन्दं पञ्जरस्थेव शारिका ॥
जनकस्य कुले जाता रामपत्नी सुमध्यमा । कथम् उत्पलपत्राक्षी रावणस्य वशं व्रजेत् ॥
विनष्टा वा प्रनष्टा वा मृता वा जनकात्मजा । रामस्य प्रियभार्यस्य न निवेदयितुं क्षमम् ॥
निवेद्यमाने दोषः स्याद् दोषः स्याद् अनिवेदने । कथं नु खलु कर्तव्यं विषमं प्रतिभाति मे ॥
अस्मिन्न् एवंगते कर्ये प्राप्तकालं क्षमं च किम् । भवेद् इति मतिं भूयो हनुमान् प्रविचारयन् ॥
vimānāt tu susaṃkramya prākāraṃ hariyūthapaḥ | hanūmān vegavān āsīd yathā vidyudghanāntare ||
saṃparikramya hanumān rāvaṇasya niveśanān | adṛṣṭvā jānakīṃ sītām abravīd vacanaṃ kapiḥ ||
bhūyiṣṭhaṃ loḍitā laṅkā rāmasya caratā priyam | na hi paśyāmi vaidehīṃ sītāṃ sarvāṅgaśobhanām ||
palvalāni taṭākāni sarāṃsi saritas tathā | nadyo 'nūpavanāntāś ca durgāś ca dharaṇīdharāḥ | loḍitā vasudhā sarvā na ca paśyāmi jānakīm ||
iha saṃpātinā sītā rāvaṇasya niveśane | ākhyātā gṛdhrarājena na ca paśyāmi tām aham ||
kiṃ nu sītātha vaidehī maithilī janakātmajā | upatiṣṭheta vivaśā rāvaṇaṃ duṣṭacāriṇam ||
kṣipram utpatato manye sītām ādāya rakṣasaḥ | bibhyato rāmabāṇānām antarā patitā bhavet ||
atha vā hriyamāṇāyāḥ pathi siddhaniṣevite | manye patitam āryāyā hṛdayaṃ prekṣya sāgaram ||
rāvaṇasyoruvegena bhujābhyāṃ pīḍitena ca | tayā manye viśālākṣyā tyaktaṃ jīvitam āryayā ||
upary upari vā nūnaṃ sāgaraṃ kramatas tadā | viveṣṭamānā patitā samudre janakātmajā ||
āho kṣudreṇa cānena rakṣantī śīlam ātmanaḥ | abandhur bhakṣitā sītā rāvaṇena tapasvinī ||
atha vā rākṣasendrasya patnībhir asitekṣaṇā | aduṣṭā duṣṭabhāvābhir bhakṣitā sā bhaviṣyati ||
saṃpūrṇacandrapratimaṃ padmapatranibhekṣaṇam | rāmasya dhyāyatī vaktraṃ pañcatvaṃ kṛpaṇā gatā ||
hā rāma lakṣmaṇety eva hāyodhyeti ca maithilī | vilapya bahu vaidehī nyastadehā bhaviṣyati ||
atha vā nihitā manye rāvaṇasya niveśane | nūnaṃ lālapyate mandaṃ pañjarastheva śārikā ||
janakasya kule jātā rāmapatnī sumadhyamā | katham utpalapatrākṣī rāvaṇasya vaśaṃ vrajet ||
vinaṣṭā vā pranaṣṭā vā mṛtā vā janakātmajā | rāmasya priyabhāryasya na nivedayituṃ kṣamam ||
nivedyamāne doṣaḥ syād doṣaḥ syād anivedane | kathaṃ nu khalu kartavyaṃ viṣamaṃ pratibhāti me ||
asminn evaṃgate karye prāptakālaṃ kṣamaṃ ca kim | bhaved iti matiṃ bhūyo hanumān pravicārayan ||
Перейдя с виманы на вал, вождь обезьян Хануман был быстр, как молния среди туч. Обойдя жилища Раваны и не увидев Джанаки Ситу, обезьяна сказал: «Почти вся Ланка обыскана мной ради дела, приятного Раме, но я не вижу Вайдехи, Ситу, прекрасную всеми членами. Пруды, водоёмы, озёра, реки, речные заболоченные леса, крепости и горы — вся земля обыскана, но Джанаки я не вижу. Царь грифов Сампати указал, что Сита здесь, в жилище Раваны, но я её не вижу. Неужели Сита, Вайдехи, Майтхили, дочь Джанаки, безвольно служила бы Раване, злодейски поступающему? Думаю, когда ракшас, боясь стрел Рамы, быстро летел, унося Ситу, она могла упасть где-то по дороге. Или, когда её несли по пути, посещаемому сиддхами, сердце благородной, увидев океан, могло разорваться. Думаю, широкоокая благородная Сита, сжатая руками Раваны и увлекаемая его стремительным движением, могла оставить жизнь. Или, когда он пересекал океан высоко в небе, дочь Джанаки, извиваясь, упала в море. Увы, быть может, эта страдалица Сита, беззащитная, хранившая свою чистоту, была съедена низким Раваной. Или невинная черноокая была съедена злонравными жёнами владыки ракшасов. Созерцая лицо Рамы, подобное полной луне, с глазами как лепестки лотоса, несчастная могла умереть. “О Рама! О Лакшмана! О Айодхья!” — так, много плакав, Вайдехи, быть может, оставила тело. Или она спрятана в жилище Раваны и тихо плачет там, как майна в клетке. Рождённая в роду Джанаки, жена Рамы, тонкостанная и лотосоокая, как могла бы она попасть под власть Раваны? Если дочь Джанаки погибла, пропала или умерла, нельзя сообщать об этом Раме, любящему свою жену. Но и при сообщении будет беда, и при несообщении будет беда. Как же поступить? Всё это кажется мне крайне трудным». Так Хануман снова обдумывал, что было бы своевременным и уместным в этом тяжёлом деле.
825d353551eb · published Jun 22, 2026, 12:00:00 AM UTC
Available inRUPage between verses with
Мысль Ханумана мечется между всеми возможными бедами, но в центре остаётся достоинство Ситы. Он не может принять, что она добровольно подчинилась бы Раване, потому что верность Раме для неё глубже страха и смерти.