स पात्यमानैर् गिरिशृङ्गवृक्षैर्; अचिन्तयंस् तान् विपुलान् प्रहारान् । निद्राक्षयात् क्षुद्भयपीडितश् च; विजृम्भमाणः सहसोत्पपात ॥
स नागभोगाचलशृङ्गकल्पौ; विक्षिप्य बाहू गिरिशृङ्गसारौ । विवृत्य वक्त्रं वडवामुखाभं; निशाचरो ऽसौ विकृतं जजृम्भे ॥
तस्य जाजृम्भमाणस्य वक्त्रं पातालसंनिभम् । ददृशे मेरुशृङ्गाग्रे दिवाकर इवोदितः ॥
विजृम्भमाणो ऽतिबलः प्रतिबुद्धो निशाचरः । निश्वासश् चास्य संजज्ञे पर्वताद् इव मारुतः ॥
रूपम् उत्तिष्ठतस् तस्य कुम्भकर्णस्य तद् बभौ । तपान्ते सबलाकस्य मेघस्येव विवर्षतः ॥
तस्य दीप्ताग्निसदृशे विद्युत्सदृशवर्चसी । ददृशाते महानेत्रे दीप्ताव् इव महाग्रहौ ॥
आदद् बुभुक्षितो मांसं शोणितं तृषितो ऽपिबत् । मेदः कुम्भं च मद्यं च पपौ शक्ररिपुस् तदा ॥
ततस् तृप्त इति ज्ञात्वा समुत्पेतुर् निशाचराः । शिरोभिश् च प्रणम्यैनं सर्वतः पर्यवारयन् ॥
स सर्वान् सान्त्वयाम् आस नैरृतान् नैरृतर्षभः । बोधनाद् विस्मितश् चापि राक्षसान् इदम् अब्रवीत् ॥
किमर्थम् अहम् आहत्य भवद्भिः प्रतिबोधितः । कच्चित् सुकुशलं राज्ञो भयं वा नेह किं चन ॥
अथ वा ध्रुवम् अन्येभ्यो भयं परम् उपस्थितम् । यदर्थम् एव त्वरितैर् भवद्भिः प्रतिबोधितः ॥
अद्य राक्षसराजस्य भयम् उत्पाटयाम्य् अहम् । पातयिष्ये महेन्द्रं वा शातयिष्ये तथानलम् ॥
न ह्य् अल्पकारणे सुप्तं बोधयिष्यति मां भृशम् । तद् आख्यातार्थतत्त्वेन मत्प्रबोधनकारणम् ॥
sa pātyamānair giriśṛṅgavṛkṣair; acintayaṃs tān vipulān prahārān | nidrākṣayāt kṣudbhayapīḍitaś ca; vijṛmbhamāṇaḥ sahasotpapāta ||
sa nāgabhogācalaśṛṅgakalpau; vikṣipya bāhū giriśṛṅgasārau | vivṛtya vaktraṃ vaḍavāmukhābhaṃ; niśācaro 'sau vikṛtaṃ jajṛmbhe ||
tasya jājṛmbhamāṇasya vaktraṃ pātālasaṃnibham | dadṛśe meruśṛṅgāgre divākara ivoditaḥ ||
vijṛmbhamāṇo 'tibalaḥ pratibuddho niśācaraḥ | niśvāsaś cāsya saṃjajñe parvatād iva mārutaḥ ||
rūpam uttiṣṭhatas tasya kumbhakarṇasya tad babhau | tapānte sabalākasya meghasyeva vivarṣataḥ ||
tasya dīptāgnisadṛśe vidyutsadṛśavarcasī | dadṛśāte mahānetre dīptāv iva mahāgrahau ||
ādad bubhukṣito māṃsaṃ śoṇitaṃ tṛṣito 'pibat | medaḥ kumbhaṃ ca madyaṃ ca papau śakraripus tadā ||
tatas tṛpta iti jñātvā samutpetur niśācarāḥ | śirobhiś ca praṇamyainaṃ sarvataḥ paryavārayan ||
sa sarvān sāntvayām āsa nairṛtān nairṛtarṣabhaḥ | bodhanād vismitaś cāpi rākṣasān idam abravīt ||
kimartham aham āhatya bhavadbhiḥ pratibodhitaḥ | kaccit sukuśalaṃ rājño bhayaṃ vā neha kiṃ cana ||
atha vā dhruvam anyebhyo bhayaṃ param upasthitam | yadartham eva tvaritair bhavadbhiḥ pratibodhitaḥ ||
adya rākṣasarājasya bhayam utpāṭayāmy aham | pātayiṣye mahendraṃ vā śātayiṣye tathānalam ||
na hy alpakāraṇe suptaṃ bodhayiṣyati māṃ bhṛśam | tad ākhyātārthatattvena matprabodhanakāraṇam ||
Не обращая внимания на огромные удары горными вершинами и деревьями, Кумбхакарна, когда сон иссяк и его стал мучить страшный голод, зевнул и внезапно вскочил. Он раскинул руки, подобные змеиным кольцам и горным вершинам, раскрыл пасть, похожую на пасть подземного огня, и безобразно зевнул. Его пасть, подобная Патале, казалась солнцем, восходящим над вершиной Меру. Дыхание пробудившегося ночного скитальца было как ветер с горы; его вставший облик сиял как дождевая туча в конце жары. Его два огромных глаза, подобные пылающему огню и сверкающие как молния, были как две пылающие планеты. Голодный, он ел мясо; жаждущий, пил кровь, жир и вино. Когда ракшасы поняли, что он насытился, они подскочили, поклонились ему головами и окружили со всех сторон. Кумбхакарна успокоил их и, удивлённый тем, что его разбудили, спросил: «Зачем вы разбудили меня ударами? Всё ли хорошо у царя? Нет ли здесь страха? Или, наверное, пришла великая опасность, ради которой вы спешно меня пробудили. Сегодня я вырву страх царя ракшасов, хоть бы пришлось низвергнуть Махендру или уничтожить Огонь. Не по малой причине стали бы так сильно будить меня спящего. Скажите мне истинную суть дела и причину моего пробуждения».
f4bb4fbc2e40 · published Jun 22, 2026, 12:00:00 AM UTC
Available inRUPage between verses with
Кумбхакарна просыпается как воплощённая грубая мощь: сначала голод, потом речь о защите брата. В нём есть прямота и сила, но они ещё не освещены правильным пониманием причины беды.