एवं विलपमानस्य रावणस्य दुरात्मनः । श्रुत्वा शोकाभितप्तस्य त्रिशिरा वाक्यम् अब्रवीत् ॥
एवम् एव महावीर्यो हतो नस् तात मध्यमः । न तु सत्पुरुषा राजन् विलपन्ति यथा भवान् ॥
नूनं त्रिभुवणस्यापि पर्याप्तस् त्वम् असि प्रभो । स कस्मात् प्राकृत इव शोकस्यात्मानम् ईदृशम् ॥
ब्रह्मदत्तास्ति ते शक्तिः कवचः सायको धनुः । सहस्रखरसंयुक्तो रथो मेघसमस्वनः ॥
त्वयासकृद् विशस्त्रेण विशस्ता देवदानवाः । स सर्वायुधसंपन्नो राघवं शास्तुम् अर्हसि ॥
कामं तिष्ठ महाराजनिर्गमिष्याम्य् अहं रणम् । उद्धरिष्यामि ते शत्रून् गरुडः पन्नगान् इह ॥
शम्बरो देवराजेन नरको विष्णुना यथा । तथाद्य शयिता रामो मया युधि निपातितः ॥
श्रुत्वा त्रिशिरसो वाक्यं रावणो राक्षसाधिपः । पुनर् जातम् इवात्मानं मन्यते कालचोदितः ॥
श्रुत्वा त्रिशिरसो वाक्यं देवान्तकनरान्तकौ । अतिकायश् च तेजस्वी बभूवुर् युद्धहर्षिताः ॥
ततो ऽहम् अहम् इत्य् एवं गर्जन्तो नैरृतर्षभाः । रावणस्य सुता वीराः शक्रतुल्यपराक्रमाः ॥
अन्तरिक्षचराः सर्वे सर्वे माया विशारदाः । सर्वे त्रिदशदर्पघ्नाः सर्वे च रणदुर्मदाः ॥
सर्वे ऽस्त्रबलसंपन्नाः सर्वे विस्तीर्ण कीर्तयः । सर्वे समरम् आसाद्य न श्रूयन्ते स्म निर्जिताः ॥
सर्वे ऽस्त्रविदुषो वीराः सर्वे युद्धविशारदाः । सर्वे प्रवरजिज्ञानाः सर्वे लब्धवरास् तथा ॥
स तैस् तथा भास्करतुल्यवर्चसैः; सुतैर् वृतः शत्रुबलप्रमर्दनैः । रराज राजा मघवान् यथामरैर्; वृतो महादानवदर्पनाशनैः ॥
स पुत्रान् संपरिष्वज्य भूषयित्वा च भूषणैः । आशीर्भिश् च प्रशस्ताभिः प्रेषयाम् आस संयुगे ॥
महोदरमहापार्श्वौ भ्रातरौ चापि रावणः । रक्षणार्थं कुमाराणां प्रेषयाम् आस संयुगे ॥
ते ऽभिवाद्य महात्मानं रावणं रिपुरावणम् । कृत्वा प्रदक्षिणं चैव महाकायाः प्रतस्थिरे ॥
सर्वौषधीभिर् गन्धैश् च समालभ्य महाबलाः । निर्जग्मुर् नैरृतश्रेष्ठाः षड् एते युद्धकाङ्क्षिणः ॥
evaṃ vilapamānasya rāvaṇasya durātmanaḥ | śrutvā śokābhitaptasya triśirā vākyam abravīt ||
evam eva mahāvīryo hato nas tāta madhyamaḥ | na tu satpuruṣā rājan vilapanti yathā bhavān ||
nūnaṃ tribhuvaṇasyāpi paryāptas tvam asi prabho | sa kasmāt prākṛta iva śokasyātmānam īdṛśam ||
brahmadattāsti te śaktiḥ kavacaḥ sāyako dhanuḥ | sahasrakharasaṃyukto ratho meghasamasvanaḥ ||
tvayāsakṛd viśastreṇa viśastā devadānavāḥ | sa sarvāyudhasaṃpanno rāghavaṃ śāstum arhasi ||
kāmaṃ tiṣṭha mahārājanirgamiṣyāmy ahaṃ raṇam | uddhariṣyāmi te śatrūn garuḍaḥ pannagān iha ||
śambaro devarājena narako viṣṇunā yathā | tathādya śayitā rāmo mayā yudhi nipātitaḥ ||
śrutvā triśiraso vākyaṃ rāvaṇo rākṣasādhipaḥ | punar jātam ivātmānaṃ manyate kālacoditaḥ ||
śrutvā triśiraso vākyaṃ devāntakanarāntakau | atikāyaś ca tejasvī babhūvur yuddhaharṣitāḥ ||
tato 'ham aham ity evaṃ garjanto nairṛtarṣabhāḥ | rāvaṇasya sutā vīrāḥ śakratulyaparākramāḥ ||
antarikṣacarāḥ sarve sarve māyā viśāradāḥ | sarve tridaśadarpaghnāḥ sarve ca raṇadurmadāḥ ||
sarve 'strabalasaṃpannāḥ sarve vistīrṇa kīrtayaḥ | sarve samaram āsādya na śrūyante sma nirjitāḥ ||
sarve 'straviduṣo vīrāḥ sarve yuddhaviśāradāḥ | sarve pravarajijñānāḥ sarve labdhavarās tathā ||
sa tais tathā bhāskaratulyavarcasaiḥ; sutair vṛtaḥ śatrubalapramardanaiḥ | rarāja rājā maghavān yathāmarair; vṛto mahādānavadarpanāśanaiḥ ||
sa putrān saṃpariṣvajya bhūṣayitvā ca bhūṣaṇaiḥ | āśīrbhiś ca praśastābhiḥ preṣayām āsa saṃyuge ||
mahodaramahāpārśvau bhrātarau cāpi rāvaṇaḥ | rakṣaṇārthaṃ kumārāṇāṃ preṣayām āsa saṃyuge ||
te 'bhivādya mahātmānaṃ rāvaṇaṃ ripurāvaṇam | kṛtvā pradakṣiṇaṃ caiva mahākāyāḥ pratasthire ||
sarvauṣadhībhir gandhaiś ca samālabhya mahābalāḥ | nirjagmur nairṛtaśreṣṭhāḥ ṣaḍ ete yuddhakāṅkṣiṇaḥ ||
Когда злодушный Равана так плакал, сожжённый скорбью, Тришира сказал: «Да, отец, наш средний, великодоблестный, убит; но благие мужи не плачут так, как ты, царь. Ты, владыка, несомненно, способен одолеть даже три мира. Почему же ты отдаёшь себя такой скорби, словно простой человек? У тебя есть сила, данная Брахмой, броня, стрела, лук и колесница, запряжённая тысячей ослов и гремящая как туча. Ты не раз без оружия рубил богов и данавов; теперь, обладая всем оружием, ты должен наказать Рагхаву. О великий царь, оставайся: я выйду в битву и искореню твоих врагов, как Гаруда здесь искореняет змей. Как Шамбара был сражён владыкой богов и Нарака — Вишну, так сегодня Рама, поверженный мной в битве, будет лежать на земле». Услышав слово Триширы, Равана, владыка ракшасов, побуждаемый временем, почувствовал себя словно заново рождённым. Девантака, Нарантака и сияющий Атикая тоже обрадовались битве. Затем героические сыновья Раваны, быки найрритов, подвигом равные Шакре, стали рычать: «Я! Я!» Все они могли ходить по небу, все были искусны в иллюзии, все сокрушали гордость богов и были опьянены битвой. Все владели силой оружия, обладали широкой славой, знали оружие, были искусны в войне, знали превосходные средства и получили дары; достигнув битвы, они никогда не слыли побеждёнными. Окружённый этими сыновьями, сияющими как солнце и сокрушающими силу врагов, царь Равана сиял как Магхаван среди бессмертных, сокрушителей гордости великих данавов. Он обнял сыновей, украсил их украшениями и с благими благословениями послал в сражение. Маходару и Махапаршву, своих братьев, Равана тоже послал в бой ради защиты царевичей. Огромнотелые герои поклонились великому Раване, устрашающему врагов, обошли его справа, умастились травами и ароматами, и эти шестеро лучших найрритов, желая битвы, вышли.
1a9ab89216a5 · published Jun 22, 2026, 12:00:00 AM UTC
Available inRUPage between verses with
После краткого признания вины Равана снова поднимается не к покаянию, а к новой волне войны. Слова Триширы возвращают ему бодрость, но это бодрость, посланная временем к дальнейшему падению.