भवता रक्षणं कार्यं तत् तावत् कर्तुम् अर्हसि निरुद्विग्नस् तपश् चर्तुं न हि शक्नोमि पार्थिव ॥
ममाश्रमसमीपे वै समेषु मरुधन्वसु समुद्रो वालुकापूर्ण उज्जानक इति स्मृतः ॥
देवतानाम् अवध्यश् च महाकायो महाबलः अन्तर्भूमिगतस् तत्र वालुकान्तर्हितो महान् ॥
राक्षसस्य मधोः पुत्रो धुन्धुर् नाम सुदारुणः शेते लोकविनाशाय तप आस्थाय दारुणम् ॥
संवत्सरस्य पर्यन्ते स निःश्वासं विमुञ्चति यदा तदा मही तात चलति स्म सकानना ॥
तस्य निःश्वासवातेन रज उद्धूयते महत् आदित्यपथम् आवृत्य सप्ताहं भूमिकम्पनम् ॥
सविस्फुलिङ्गं साङ्गारं सधूमम् अतिदारुणम् तेन तात न शक्नोमि तस्मिन् स्थातुं स्व आश्रमे ॥
तं वारय महाकायं लोकानां हितकाम्यया लोकाः स्वस्था भवन्त्व् अद्य तस्मिन् विनिहते त्वया ॥
त्वं हि तस्य वधायैकः समर्थः पृथिवीपते विष्णुना च वरो दत्तो मह्यं पूर्वं ततो ऽनध तेजसा स्वेन ते विष्णुस् तेज आप्याययिष्यति ॥
न हि धुन्धुर् महातेजास् तेजसाल्पेन शक्यते निर्दग्धुं पृथिवीपाल चिरं युगशतैर् अपि वीर्यं हि सुमहत् तस्य देवैर् अपि दुरासदम् ॥
स एवम् उक्तो राजर्षिर् उत्तङ्केन महात्मना कुवलाश्वं सुतं प्रादात् तस्मै धुन्धुनिबर्हणे ॥
bhavatā rakṣaṇaṃ kāryaṃ tat tāvat kartum arhasi nirudvignas tapaś cartuṃ na hi śaknomi pārthiva ||
mamāśramasamīpe vai sameṣu marudhanvasu samudro vālukāpūrṇa ujjānaka iti smṛtaḥ ||
devatānām avadhyaś ca mahākāyo mahābalaḥ antarbhūmigatas tatra vālukāntarhito mahān ||
rākṣasasya madhoḥ putro dhundhur nāma sudāruṇaḥ śete lokavināśāya tapa āsthāya dāruṇam ||
saṃvatsarasya paryante sa niḥśvāsaṃ vimuñcati yadā tadā mahī tāta calati sma sakānanā ||
tasya niḥśvāsavātena raja uddhūyate mahat ādityapatham āvṛtya saptāhaṃ bhūmikampanam ||
savisphuliṅgaṃ sāṅgāraṃ sadhūmam atidāruṇam tena tāta na śaknomi tasmin sthātuṃ sva āśrame ||
taṃ vāraya mahākāyaṃ lokānāṃ hitakāmyayā lokāḥ svasthā bhavantv adya tasmin vinihate tvayā ||
tvaṃ hi tasya vadhāyaikaḥ samarthaḥ pṛthivīpate viṣṇunā ca varo datto mahyaṃ pūrvaṃ tato 'nadha tejasā svena te viṣṇus teja āpyāyayiṣyati ||
na hi dhundhur mahātejās tejasālpena śakyate nirdagdhuṃ pṛthivīpāla ciraṃ yugaśatair api vīryaṃ hi sumahat tasya devair api durāsadam ||
sa evam ukto rājarṣir uttaṅkena mahātmanā kuvalāśvaṃ sutaṃ prādāt tasmai dhundhunibarhaṇe ||
Уттанка сказал: «Тебе следует совершить защиту; прежде исполни это. О царь, я не могу спокойно совершать тапас. Возле моего ашрама, на ровных пустынных землях, есть песчаный океан, известный как Удджанака. Там, под землёй, скрытый песком, лежит великий, огромнотелый и великосильный демон, неуязвимый для богов. Это ужасный Дхундху, сын ракшаса Мадху; он совершает страшную аскезу ради гибели миров. В конце каждого года он выпускает дыхание, и тогда, дорогой, земля вместе с лесами сотрясается. Ветром его дыхания поднимается огромная пыль, закрывается солнечный путь, и семь дней длится землетрясение; всё становится с искрами, углями, дымом и крайне страшным. Поэтому, дорогой, я не могу пребывать там, в своём ашраме. Останови этого исполина ради блага миров; пусть сегодня миры станут спокойны, когда он будет убит тобой. О владыка земли, только ты способен убить его. Некогда Вишну дал мне дар, о безупречный: Вишну собственной силой наполнит твою мощь. О защитник земли, Дхундху, наделённого великим сиянием, невозможно сжечь малой силой даже за сотни юг: ведь сила его огромна и недоступна даже богам». Когда великодушный Уттанка сказал так царственному риши, тот передал ему своего сына Кувалашву для уничтожения Дхундху.
72f2a273ebb4 · publicado 22 jun 2026, 3:30:35 UTC
Disponible enRUPasa de verso en verso con
Уттанка показывает, что угроза Дхундху космическая, а не местная: его аскеза сотрясает землю и закрывает солнечный путь. Царская дхарма требует не ухода от мира, а защиты условий, в которых мудрец может совершать тапас. Поэтому Вишну усиливает царя: праведная защита получает божественную поддержку.