उग्रसेनसुतायाथ कंसायानकदुंदुभिः निवेदयाम्_आस तदा कन्यां तां वरवर्णिनीम् ॥
तच् छ्रुत्वा त्वरितः कंसो रक्षिभिः सह वेगितः आजगाम गृहद्वारं वसुदेवस्य वीर्यवान् ॥
स तत्र त्वरितो द्वारि किं जातम् इति चाब्रवीत् दीयतां शीघ्रम् इत्य् एवं वाग्भिः समभितर्जयत् ॥
ततो हाहाकृताः सर्वा देवकीप्रमुखाः स्त्रियः दारिका पुत्र जातेति कंसं तूवाच देवकी ॥
श्रीमन्तो मे हताः सप्त पुत्रगर्भास् त्वया विभो दारिकेयं हतैवैषा पश्यस्व यदि मन्यसे ॥
दृष्ट्वा कंसस् तु तां कन्याम् अहृष्यत मुदा युतः हतैवैषा यदा कन्या जातेत्य् उक्त्वा वृथामतिः ॥
सा गर्भशयने क्लिष्टा गर्भाम्बुक्लिन्नमूर्धजा कंसस्य पुरतो न्यस्ता पृथिव्यां पृथिवीसमा ॥
पादे तां गृह्य पुरुषः समाविध्यावधूय च उद्यच्छन्न् एव सहसा शिलायां समपोथयत् सावधूता शिलापृष्ठे ऽनिष्पिष्टा दिवम् उत्पतत् ॥
हित्वा गर्भतनुं चापि सहसा मुक्तमूर्धजा जगामाकाशम् आविश्य दिव्यस्रगनुलेपना कन्यैव चाभवन् नित्यं दिव्या देवैर् अभिष्टुता ॥
नीलपीताम्बरधरा गजकुम्भोपमस्तनी रथविस्तीर्णजघना चन्द्रवक्त्रा चतुर्भुजा ॥
विद्युद्विस्पष्टवर्णाभा बालार्कसदृशेक्षणा पयोधरस्वनवती संध्येव सपयोधरा ॥
सा वै निशि तमोग्रस्ते बभौ भूतगणाकुले नृत्यती हसती चैव विपरीतेन भास्वती ॥
विहायसगता रौद्रा पपौ पानम् अनुत्तमम् जहास च महाहासं कंसं च रुषिताब्रवीत् ॥
कंस कंस विनाशाय यद् अहं घातिता त्वया सहसा च समुत्क्षिप्य शिलायां विनिपातिता ॥
तस्मात् तवान्तकाले ऽहं कृष्यमाणस्य शत्रुणा पाटयित्वा करैर् देहम् उष्णं पास्यामि शोणितम् ॥
एवम् उक्त्वा वचो घोरं सा यथेष्टेन वर्त्मना खं सा देवालयं देवी सगणा विचचार ह ॥
ugrasenasutāyātha kaṃsāyānakaduṃdubhiḥ nivedayām_āsa tadā kanyāṃ tāṃ varavarṇinīm ||
tac chrutvā tvaritaḥ kaṃso rakṣibhiḥ saha vegitaḥ ājagāma gṛhadvāraṃ vasudevasya vīryavān ||
sa tatra tvarito dvāri kiṃ jātam iti cābravīt dīyatāṃ śīghram ity evaṃ vāgbhiḥ samabhitarjayat ||
tato hāhākṛtāḥ sarvā devakīpramukhāḥ striyaḥ dārikā putra jāteti kaṃsaṃ tūvāca devakī ||
śrīmanto me hatāḥ sapta putragarbhās tvayā vibho dārikeyaṃ hataivaiṣā paśyasva yadi manyase ||
dṛṣṭvā kaṃsas tu tāṃ kanyām ahṛṣyata mudā yutaḥ hataivaiṣā yadā kanyā jātety uktvā vṛthāmatiḥ ||
sā garbhaśayane kliṣṭā garbhāmbuklinnamūrdhajā kaṃsasya purato nyastā pṛthivyāṃ pṛthivīsamā ||
pāde tāṃ gṛhya puruṣaḥ samāvidhyāvadhūya ca udyacchann eva sahasā śilāyāṃ samapothayat sāvadhūtā śilāpṛṣṭhe 'niṣpiṣṭā divam utpatat ||
hitvā garbhatanuṃ cāpi sahasā muktamūrdhajā jagāmākāśam āviśya divyasraganulepanā kanyaiva cābhavan nityaṃ divyā devair abhiṣṭutā ||
nīlapītāmbaradharā gajakumbhopamastanī rathavistīrṇajaghanā candravaktrā caturbhujā ||
vidyudvispaṣṭavarṇābhā bālārkasadṛśekṣaṇā payodharasvanavatī saṃdhyeva sapayodharā ||
sā vai niśi tamograste babhau bhūtagaṇākule nṛtyatī hasatī caiva viparītena bhāsvatī ||
vihāyasagatā raudrā papau pānam anuttamam jahāsa ca mahāhāsaṃ kaṃsaṃ ca ruṣitābravīt ||
kaṃsa kaṃsa vināśāya yad ahaṃ ghātitā tvayā sahasā ca samutkṣipya śilāyāṃ vinipātitā ||
tasmāt tavāntakāle 'haṃ kṛṣyamāṇasya śatruṇā pāṭayitvā karair deham uṣṇaṃ pāsyāmi śoṇitam ||
evam uktvā vaco ghoraṃ sā yatheṣṭena vartmanā khaṃ sā devālayaṃ devī sagaṇā vicacāra ha ||
Тогда Анакадундубхи сообщил Камсе, сыну Уграсены, о прекрасной девочке. Услышав это, могучий Камса поспешно пришёл с охранниками к дверям дома Васудевы и, стоя у входа, угрожающе спросил: «Что родилось? Дайте скорее!» Все женщины во главе с Деваки закричали, и Деваки сказала Камсе: «Сын, родилась девочка. Семь моих прекрасных сыновних плодов ты убил, владыка. Эта девочка уже как убитая; посмотри, если хочешь». Увидев девочку, Камса, пустоумный, обрадовался и подумал: «Раз родилась девочка, она уже убита». Младенца, измученную родами, с волосами, мокрыми родовыми водами, положили перед Камсой на землю. Он схватил её за ноги, раскрутил, встряхнул и с силой ударил о камень; но она, не раздавленная, взлетела в небо. Оставив утробное тело, с распущенными волосами, украшенная божественными гирляндами и умащениями, она вошла в небо и стала вечной божественной девой, восхваляемой богами. Она носила синюю и жёлтую одежду, была четырёхрукой, луноликой, с мощной грудью и широкими бёдрами; сияла как молния, с глазами как юное солнце и голосом как туча. В тёмной ночи, среди сонмов существ, она сияла, танцевала, смеялась и в грозном облике поднялась в небо. Выпив превосходный напиток, она громко рассмеялась и гневно сказала Камсе: «Камса, Камса! Ты поднял меня и бросил на камень, желая моей гибели. Поэтому в час твоего конца, когда враг потащит тебя, я разорву твоё тело руками и выпью горячую кровь». Сказав эти страшные слова, богиня со своей свитой отправилась по желанному пути в небо, обитель богов.
3c6f37fa72af · publicado 22 jun 2026, 3:44:05 UTC
Disponible enRUPasa de verso en verso con
Камса снова пытается убить младенца, но перед ним раскрывается не беспомощная девочка, а сила Господа. Его насилие оборачивается откровением: тот, кого он хотел раздавить, уже вне его власти и возвещает его конец.