तम् अब्रवीद् धर्मराजः प्रहस्य; विराटम् आर्तं कुरुभिः प्रतप्तम् ॥
बृहन्नडा सारथिश् चेन् नरेन्द्र; परे न नेष्यन्ति तवाद्य गास् ताः ॥
सर्वान् महीपान् सहितान् कुरूंश् च; तथैव देवासुरयक्षनागान् ॥
अलं विजेतुं समरे सुतस् ते; स्वनुष्ठितः सारथिना हि तेन ॥
अथोत्तरेण प्रहिता दूतास् ते शीघ्रगामिनः ॥
विराटनगरं प्राप्य जयम् आवेदयंस् तदा ॥
राज्ञस् ततः समाचख्यौ मन्त्री विजयम् उत्तमम् ॥
पराजयं कुरूणां चाप्य् उपायान्तं तथोत्तरम् ॥
सर्वा विनिर्जिता गावः कुरवश् च पराजिताः ॥
उत्तरः सह सूतेन कुशली च परंतप ॥
कङ्क उवाच
दिष्ट्या ते निर्जिता गावः कुरवश् च पराजिताः ॥
दिष्ट्या ते जीवितः पुत्रः श्रूयते पार्थिवर्षभ ॥
नाद्भुतं त्व् एव मन्ये ऽहं यत् ते पुत्रो ऽजयत् कुरून् ॥
ध्रुव एव जयस् तस्य यस्य यन्ता बृहन्नडा ॥
tam abravīd dharmarājaḥ prahasya; virāṭam ārtaṃ kurubhiḥ prataptam ||
bṛhannaḍā sārathiś cen narendra; pare na neṣyanti tavādya gās tāḥ ||
sarvān mahīpān sahitān kurūṃś ca; tathaiva devāsurayakṣanāgān ||
alaṃ vijetuṃ samare sutas te; svanuṣṭhitaḥ sārathinā hi tena ||
athottareṇa prahitā dūtās te śīghragāminaḥ ||
virāṭanagaraṃ prāpya jayam āvedayaṃs tadā ||
rājñas tataḥ samācakhyau mantrī vijayam uttamam ||
parājayaṃ kurūṇāṃ cāpy upāyāntaṃ tathottaram ||
sarvā vinirjitā gāvaḥ kuravaś ca parājitāḥ ||
uttaraḥ saha sūtena kuśalī ca paraṃtapa ||
kaṅka uvāca
diṣṭyā te nirjitā gāvaḥ kuravaś ca parājitāḥ ||
diṣṭyā te jīvitaḥ putraḥ śrūyate pārthivarṣabha ||
nādbhutaṃ tv eva manye 'haṃ yat te putro 'jayat kurūn ||
dhruva eva jayas tasya yasya yantā bṛhannaḍā ||
Dharmaraja, smiling, said to the troubled Virata, stricken by the news about the Kurus: "O king, if Brihannada is the charioteer, today the enemies will not carry off your cows. Your son, guided by such a charioteer, is able in battle to defeat all kings together with the Kurus, and the gods, asuras, yakshas, and nagas as well." Then swift messengers, sent by Uttara, reached Viratanagara and announced the victory: "All the cows have been recovered, the Kurus are defeated, Uttara is safe together with his charioteer, o destroyer of foes." Kanka said: "Fortunately your cows are won back and the Kurus defeated. Fortunately it is heard that your son lives, o best of kings. I do not consider it strange that your son defeated the Kurus: victory is certain for one whose charioteer is Brihannada."
fa81efd064c0 · publicado 16 jul 2026, 18:42:56 UTC
Disponible enRUENPasa de verso en verso con
Yudhishthira speaks the truth concealed beneath the name Brihannada. His smile holds the balance between secrecy and joy.