तयोश् चैतद् अवज्ञानं यत् सा कृष्णा सभागता ॥
दुःशासनश् च यद् भीमं कटुकान्य् अभ्यभाषत ॥
पश्यतां कुरुवीराणां तच् च संस्मारयेः पुनः ॥
पाण्डवान् कुशलं पृच्छेः सपुत्रान् कृष्णया सह ॥
मां च कुशलिनीं ब्रूयास् तेषु भूयो जनार्दन ॥
अरिष्टं गच्छ पन्थानं पुत्रान् मे परिपालय ॥
वैशंपायन उवाच
अभिवाद्याथ तां कृष्णः कृत्वा चाभिप्रदक्षिणम् ॥
निश्चक्राम महाबाहुः सिंहखेलगतिस् ततः ॥
ततो विसर्जयाम् आस भीष्मादीन् कुरुपुंगवान् ॥
आरोप्य च रथे कर्णं प्रायात् सात्यकिना सह ॥
ततः प्रयाते दाशार्हे कुरवः संगता मिथः ॥
जजल्पुर् महद् आश्चर्यं केशवे परमाद्भुतम् ॥
tayoś caitad avajñānaṃ yat sā kṛṣṇā sabhāgatā ||
duḥśāsanaś ca yad bhīmaṃ kaṭukāny abhyabhāṣata ||
paśyatāṃ kuruvīrāṇāṃ tac ca saṃsmārayeḥ punaḥ ||
pāṇḍavān kuśalaṃ pṛccheḥ saputrān kṛṣṇayā saha ||
māṃ ca kuśalinīṃ brūyās teṣu bhūyo janārdana ||
ariṣṭaṃ gaccha panthānaṃ putrān me paripālaya ||
vaiśaṃpāyana uvāca
abhivādyātha tāṃ kṛṣṇaḥ kṛtvā cābhipradakṣiṇam ||
niścakrāma mahābāhuḥ siṃhakhelagatis tataḥ ||
tato visarjayām āsa bhīṣmādīn kurupuṃgavān ||
āropya ca rathe karṇaṃ prāyāt sātyakinā saha ||
tataḥ prayāte dāśārhe kuravaḥ saṃgatā mithaḥ ||
jajalpur mahad āścaryaṃ keśave paramādbhutam ||
"And remind them again of this insult of theirs — that Krishna was brought into the assembly, and that Duhshasana spoke harsh words to Bhima before the eyes of the heroes of Kuru. Ask after the well-being of the Pandavas together with their sons and with Krishna-Draupadi, and tell them once more, O Janardana, that I am well. Go your way unharmed, and protect my sons." Vaishampayana said: Then Krishna bowed to her, circled her respectfully, and went out, the mighty-armed one, with the gait of a playful lion. He then took leave of Bhishma and the other bulls among the Kurus, seated Karna in his chariot, and set out together with Satyaki. Then, once the Dasharha had departed, the Kurus, gathered among themselves, spoke of the great and utterly astonishing wonder of Keshava.
7a7e66f53ad6 · publicado 17 jul 2026, 5:59:56 UTC
Disponible enRUENPasa de verso en verso con
Kunti closes her message not with a complaint but with a precise reminder of duty: Arjuna must fulfil the prophecy, Bhima must not forget the humiliation, Draupadi must be honored, and Krishna becomes the keeper of this memory before the Pandavas.