प्रभज्यमानं सैन्यं तु दृष्ट्वा यादवनन्दनः ॥
उवाच पार्थं बीभत्सुं निगृह्य रथम् उत्तमम् ॥
अयं स कालः संप्राप्तः पार्थ यः काङ्क्षितस् तव ॥
प्रहरास्मै नरव्याघ्र न चेन् मोहात् प्रमुह्यसे ॥
यत् पुरा कथितं वीर त्वया राज्ञां समागमे ॥
विराटनगरे पार्थ संजयस्य समीपतः ॥
भीष्मद्रोणमुखान् सर्वान् धार्तराष्ट्रस्य सैनिकान् ॥
सानुबन्धान् हनिष्यामि ये मां योत्स्यन्ति संयुगे ॥
इति तत् कुरु कौन्तेय सत्यं वाक्यम् अरिंदम ॥
क्षत्रधर्मम् अनुस्मृत्य युध्यस्व भरतर्षभ ॥
prabhajyamānaṃ sainyaṃ tu dṛṣṭvā yādavanandanaḥ ||
uvāca pārthaṃ bībhatsuṃ nigṛhya ratham uttamam ||
ayaṃ sa kālaḥ saṃprāptaḥ pārtha yaḥ kāṅkṣitas tava ||
praharāsmai naravyāghra na cen mohāt pramuhyase ||
yat purā kathitaṃ vīra tvayā rājñāṃ samāgame ||
virāṭanagare pārtha saṃjayasya samīpataḥ ||
bhīṣmadroṇamukhān sarvān dhārtarāṣṭrasya sainikān ||
sānubandhān haniṣyāmi ye māṃ yotsyanti saṃyuge ||
iti tat kuru kaunteya satyaṃ vākyam ariṃdama ||
kṣatradharmam anusmṛtya yudhyasva bharatarṣabha ||
Seeing that the army was breaking apart, the joy of the Yadavas, reining in his excellent chariot, said to Partha-Bibhatsu: 'Partha, the very hour has come that you longed for. Strike him, tiger among men, if you are not lost in delusion. What you once declared, hero, at the assembly of kings, in the city of Virata, in the presence of Sanjaya — "I will destroy all the soldiers of Dhritarashtra's son, led by Bhishma and Drona, together with their allies, if they fight against me" — fulfil that now, son of Kunti. Make your word true, tamer of foes. Remembering the kshatriya's duty, fight, O bull of the Bharatas.'
55cccee02339 · publicado 17 jul 2026, 21:55:41 UTC
Disponible enRUENPasa de verso en verso con
Krishna does not substitute his own will for Arjuna's decision: he reminds him of his own promise and his own duty. Spiritual guidance here is not gentle comfort but a call back to the warrior's responsibility for what he has said and what he has undertaken.