संजय उवाच
ततः पिता तव क्रुद्धो निशितैः सायकोत्तमैः ॥
आजघान रणे पार्थान् सहसेनान् समन्ततः ॥
भीमं द्वादशभिर् विद्ध्वा सात्यकिं नवभिः शरैः ॥
नकुलं च त्रिभिर् बाणैः सहदेवं च सप्तभिः ॥
युधिष्ठिरं द्वादशभिर् बाह्वोर् उरसि चार्पयत् ॥
धृष्टद्युम्नं ततो विद्ध्वा विननाद महाबलः ॥
तं द्वादशार्धैर् नकुलो माधवश् च त्रिभिः शरैः ॥
धृष्टद्युम्नश् च सप्तत्या भीमसेनश् च पञ्चभिः ॥
युधिष्ठिरो द्वादशभिः प्रत्यविध्यत् पितामहम् ॥
द्रोणस् तु सात्यकिं विद्ध्वा भीमसेनम् अविध्यत ॥
एकैकं पञ्चभिर् बाणैर् यमदण्डोपमैः शितैः ॥
तौ च तं प्रत्यविध्येतां त्रिभिस् त्रिभिर् अजिह्मगैः ॥
तोत्त्रैर् इव महानागं द्रोणं ब्राह्मणपुंगवम् ॥
सौवीराः कितवाः प्राच्याः प्रतीच्योदीच्यमालवाः ॥
अभीषाहाः शूरसेनाः शिबयो ऽथ वसातयः ॥
संग्रामे नाजहुर् भीष्मं वध्यमानाः शितैः शरैः ॥
तथैवान्ये वध्यमानाः पाण्डवेयैर् महात्मभिः ॥
पाण्डवान् अभ्यवर्तन्त विविधायुधपाणयः ॥
तथैव पाण्डवा राजन् परिवव्रुः पितामहम् ॥
saṃjaya uvāca
tataḥ pitā tava kruddho niśitaiḥ sāyakottamaiḥ ||
ājaghāna raṇe pārthān sahasenān samantataḥ ||
bhīmaṃ dvādaśabhir viddhvā sātyakiṃ navabhiḥ śaraiḥ ||
nakulaṃ ca tribhir bāṇaiḥ sahadevaṃ ca saptabhiḥ ||
yudhiṣṭhiraṃ dvādaśabhir bāhvor urasi cārpayat ||
dhṛṣṭadyumnaṃ tato viddhvā vinanāda mahābalaḥ ||
taṃ dvādaśārdhair nakulo mādhavaś ca tribhiḥ śaraiḥ ||
dhṛṣṭadyumnaś ca saptatyā bhīmasenaś ca pañcabhiḥ ||
yudhiṣṭhiro dvādaśabhiḥ pratyavidhyat pitāmaham ||
droṇas tu sātyakiṃ viddhvā bhīmasenam avidhyata ||
ekaikaṃ pañcabhir bāṇair yamadaṇḍopamaiḥ śitaiḥ ||
tau ca taṃ pratyavidhyetāṃ tribhis tribhir ajihmagaiḥ ||
tottrair iva mahānāgaṃ droṇaṃ brāhmaṇapuṃgavam ||
sauvīrāḥ kitavāḥ prācyāḥ pratīcyodīcyamālavāḥ ||
abhīṣāhāḥ śūrasenāḥ śibayo 'tha vasātayaḥ ||
saṃgrāme nājahur bhīṣmaṃ vadhyamānāḥ śitaiḥ śaraiḥ ||
tathaivānye vadhyamānāḥ pāṇḍaveyair mahātmabhiḥ ||
pāṇḍavān abhyavartanta vividhāyudhapāṇayaḥ ||
tathaiva pāṇḍavā rājan parivavruḥ pitāmaham ||
Sanjaya said: 'Then your father, enraged, struck the Parthas together with their armies on all sides with sharp, excellent arrows. He wounded Bhima with twelve arrows, Satyaki with nine, Nakula with three, Sahadeva with seven, and drove twelve arrows into Yudhishthira's arms and chest. Then, having wounded Dhrishtadyumna, mighty Bhishma roared loudly. Nakula struck him with six arrows, Madhava-Satyaki with three, Dhrishtadyumna with seventy, Bhimasena with five, and Yudhishthira with twelve; thus they wounded the grandsire in return. Drona, having wounded Satyaki, struck Bhimasena, hitting each of them with five sharp arrows like the staff of Yama. And the two of them pierced Drona, the finest of brahmins, in return, each with three straight arrows, as if with goads upon a great elephant. The Sauviras, Kitavas, easterners, westerners, northerners, the Malavas, Abhishahas, Shurasenas, Shibis, and Vasatis, though struck by sharp arrows, did not abandon Bhishma in the battle. Likewise the others, though beaten by the great-souled Pandavas, advanced upon the Pandavas with weapons of every kind in hand, while the Pandavas, O king, surrounded the grandsire.'
672b620aa569 · publicado 17 jul 2026, 21:55:41 UTC
Disponible enRUENPasa de verso en verso con
The opening of the chapter shows both forces at once: Bhishma and Drona rain blows on the Pandavas, yet the Pandavas do not give up their encirclement of Bhishma. The center of the battle remains the same — the grandsire, around whom loyalty, duty, and danger converge.