कलाविशेषं प्रहिता यत्र बोद्धुं विरिञ्चिना । तारा इव विराजन्ते हंसा याताः समन्ततः ॥
स्थलपद्मानि दृश्यन्ते करस्पर्शसुखानि च । शयनाय नितम्बिन्या यस्मिन्दानववैरिणा ॥
उपन्यासैर्द्विजातीनां यत्र न श्रूयते स्फुटम् । मूकोऽपि निर्जरो वाचा पदकल्लोलडम्बरः ॥
यस्मिन्नध्वरधूमेन व्याप्तं गगनमण्डलम् । अपि च क्षालितं मेघैः कालिमानं न मुञ्चति ॥
गलितायाः सुधायास्तु यत्राध्वरमहार्चिषा । लाञ्छितं छद्मना स्थानं दृश्यते तुहिनत्विषि ॥
जन्माभ्यासवशादेव पठन्ति बटवः स्वयम् । यत्रोपाध्यायसान्निध्यमाश्रित्य सकलाः कलाः ॥
यत्र ब्राह्मणपत्नीनां कङ्कणध्वनिहुङ्कृतिः । लुम्पत्यनुदिनं भ्राम्यद्भ्रमराणां च गर्जितम् ॥
यत्र ब्राह्मणपत्नीनां कपोलफलकं मुहुः । स्पृशन्समीरणो मन्दं वाति शापभयादिव ॥
kalāviśeṣaṃ prahitā yatra boddhuṃ viriñcinā | tārā iva virājante haṃsā yātāḥ samantataḥ ||
sthalapadmāni dṛśyante karasparśasukhāni ca | śayanāya nitambinyā yasmindānavavairiṇā ||
upanyāsairdvijātīnāṃ yatra na śrūyate sphuṭam | mūko'pi nirjaro vācā padakallolaḍambaraḥ ||
yasminnadhvaradhūmena vyāptaṃ gaganamaṇḍalam | api ca kṣālitaṃ meghaiḥ kālimānaṃ na muñcati ||
galitāyāḥ sudhāyāstu yatrādhvaramahārciṣā | lāñchitaṃ chadmanā sthānaṃ dṛśyate tuhinatviṣi ||
janmābhyāsavaśādeva paṭhanti baṭavaḥ svayam | yatropādhyāyasānnidhyamāśritya sakalāḥ kalāḥ ||
yatra brāhmaṇapatnīnāṃ kaṅkaṇadhvanihuṅkṛtiḥ | lumpatyanudinaṃ bhrāmyadbhramarāṇāṃ ca garjitam ||
yatra brāhmaṇapatnīnāṃ kapolaphalakaṃ muhuḥ | spṛśansamīraṇo mandaṃ vāti śāpabhayādiva ||
Лебеди, слетевшиеся отовсюду, сияют там, как звёзды, будто посланные Виринчи постичь особое искусство. Видны и наземные лотосы, приятные на ощупь, что расстелил там для ложа красавицы враг данавов. Из-за речей дваждырождённых там явственно не слышен и бог: в грохоте волн словес он будто нем. Небесный свод, покрытый дымом жертв, даже омытый тучами, не теряет черноты; а на хладнолучистом месяце видно пятно — будто место, отмеченное под личиной великим пламенем жертв, откуда источается амрита. Отроки там читают сами, одною привычкою от рождения, и все искусства обретаются близостью учителя. Гул звона браслетов на руках жён брахманов изо дня в день заглушает гудение кружащих пчёл, а ветер, то и дело касаясь округлости их щёк, веет тихо — будто из страха проклятия.
a44c2f6111d7 · publicado 3 sept 2026, 4:14:03 UTC
Disponible enRUPasa de verso en verso con
Даже ветер там осторожен: касаясь жён брахманов, дует тихо, боясь проклятия. Шутка эта говорит о крае больше, чем перечень храмов: сила его не в богатстве, а в том, с кем там приходится считаться.