नारद उवाच
तेनौषधेन तस्यास्तु गर्भस्रावोऽभवत्तदा । मासे तृतीये न ज्ञातं चिह्नं पुरुषकन्ययोः
तदा सा मद्गृहं प्राप्ता विषण्णा गर्भस्रावतः । अथार्थयत्सुवर्णं तन्निराशा पुत्रजन्मनि
तदाहमिष्टकाचूर्णं भस्मना च समन्वितम् । हरिद्राचूर्णसंयुक्तं साम्बु तस्या अदर्शयम्
एतच्चूर्णं कृतं मातस्त्वत्पुत्रोत्पत्तये मया । त्वद्दानाद्द्विगुणं द्रव्यं लब्धमेतस्य साधने
इत्युक्त्वा सा मया तात त्यक्त्वा चूर्णं गृहं ययौ । मामुक्त्वेति ग्रहीष्यामि काले त्वत्तो द्विजोत्तम
एवं मया कृता तात भ्रूणहत्यातिदारुणा । ययातिकुत्सिते योनित्रितये भ्रमितं मया
त्वत्प्रसादादहं मुक्तः साम्प्रतं स्थावरत्वतः । देह्यनुज्ञां मुनिश्रेष्ठ याम्यहं ह्यलकां शुभाम्
एवमुक्त्वा तु राजेन्द्र तस्य तु प्रपितामहः । तेनाभिवन्दितो मूर्ध्ना प्रययौ दिशमुत्तराम्
विमानेन विचित्रेण किङ्किणीजालमालिना । नृत्यद्गन्धर्वजुष्टेन मणिप्राकारशोभिना
अथ तस्य महाराज विप्रस्य प्रपितामही । उवाच स्वप्रपौत्रं तं विमानवरमास्थिता
नान्यत्र कुत्र गन्तासि पुण्येनानेन सुव्रत । विना पद्मापतेः पादपद्मचिह्नितमन्दिरम्
अयं मम पतिः पापो मुने त्वत्प्रपितामहः । वारितोऽपि मया पापमाचचार सुदुष्टधीः
सोऽपि त्वयातिपापात्मा तारितो दुःखसागरात् । शक्यते केन वै कर्तुं तावकं गुणवर्णनम्
इत्युक्त्वा सापि राजेन्द्र पतिलोकं जगाम ह । अलकायां चिरं पत्या तेनैव मुमुदे सह
अथ ते मुनिपुत्रस्य सर्वे मातामहादयः । सपत्नीकाः समारुह्य विमानेषु ययुर्दिवम्
सोऽपि द्विजवरस्तस्मात्तीर्थात्स्वपितुराश्रमम् । गत्वा तं स्ववृत्तान्तं स्वपित्रे समवर्णयत्
tenauṣadhena tasyāstu garbhasrāvo'bhavattadā | māse tṛtīye na jñātaṃ cihnaṃ puruṣakanyayoḥ
tadā sā madgṛhaṃ prāptā viṣaṇṇā garbhasrāvataḥ | athārthayatsuvarṇaṃ tannirāśā putrajanmani
tadāhamiṣṭakācūrṇaṃ bhasmanā ca samanvitam | haridrācūrṇasaṃyuktaṃ sāmbu tasyā adarśayam
etaccūrṇaṃ kṛtaṃ mātastvatputrotpattaye mayā | tvaddānāddviguṇaṃ dravyaṃ labdhametasya sādhane
ityuktvā sā mayā tāta tyaktvā cūrṇaṃ gṛhaṃ yayau | māmuktveti grahīṣyāmi kāle tvatto dvijottama
evaṃ mayā kṛtā tāta bhrūṇahatyātidāruṇā | yayātikutsite yonitritaye bhramitaṃ mayā
tvatprasādādahaṃ muktaḥ sāmprataṃ sthāvaratvataḥ | dehyanujñāṃ muniśreṣṭha yāmyahaṃ hyalakāṃ śubhām
evamuktvā tu rājendra tasya tu prapitāmahaḥ | tenābhivandito mūrdhnā prayayau diśamuttarām
vimānena vicitreṇa kiṅkiṇījālamālinā | nṛtyadgandharvajuṣṭena maṇiprākāraśobhinā
atha tasya mahārāja viprasya prapitāmahī | uvāca svaprapautraṃ taṃ vimānavaramāsthitā
nānyatra kutra gantāsi puṇyenānena suvrata | vinā padmāpateḥ pādapadmacihnitamandiram
ayaṃ mama patiḥ pāpo mune tvatprapitāmahaḥ | vārito'pi mayā pāpamācacāra suduṣṭadhīḥ
so'pi tvayātipāpātmā tārito duḥkhasāgarāt | śakyate kena vai kartuṃ tāvakaṃ guṇavarṇanam
ityuktvā sāpi rājendra patilokaṃ jagāma ha | alakāyāṃ ciraṃ patyā tenaiva mumude saha
atha te muniputrasya sarve mātāmahādayaḥ | sapatnīkāḥ samāruhya vimāneṣu yayurdivam
so'pi dvijavarastasmāttīrthātsvapiturāśramam | gatvā taṃ svavṛttāntaṃ svapitre samavarṇayat
«Тем снадобьем у неё случился выкидыш; на третьем месяце не был распознан признак — мужской или женский. Тогда, удручённая выкидышем и потерявшая надежду на рождение сына, она пришла в мой дом и потребовала то золото. И я показал ей толчёный кирпич, смешанный с золой и порошком куркумы, разведённый водою: «Этот порошок сделан мною, о мать, для рождения твоего сына; на его изготовление издержано вдвое больше средств, чем твой дар». Услышав это от меня, сын, она оставила порошок и ушла домой, сказав мне: «Возьму его у тебя в срок, о лучший из брахманов». Так совершено было мною страшнейшее убийство зародыша, которым я и скитался в наигнуснейшей тройной череде рождений. Твоею милостью ныне освобождён я от неподвижности; дай дозволение, о лучший из мудрецов, — иду я в благую Алаку». Сказав так, о владыка царей, прадед его, почтённый им поклоном, отправился в северную сторону на дивной колеснице, увитой сетью колокольцев, полной пляшущих гандхарвов, блистающей самоцветной оградой. Затем прабабка того брахмана, о великий царь, пребывая на превосходной колеснице, сказала своему правнуку: «Никуда иначе не пойдёшь ты с этой заслугой, о твёрдый в обете, как в чертог владыки Падмы, отмеченный лотосами Его стоп. Этот грешный муж мой, о мудрец, твой прадед, — хоть я и удерживала его, с испорченным разумом совершил он грех. И он, крайне грешный душою, спасён тобою из океана горя; кем же возможно описать твои достоинства?» Сказав так, о владыка царей, и она ушла в мир мужа и долго радовалась в Алаке вместе с тем же мужем. Затем все родные сына мудреца — дед по матери и прочие — с супругами взошли на колесницы и ушли на небо. А тот лучший из брахманов пришёл из той тиртхи в обитель своего отца и изложил ему свою повесть.
4ba03069cb5c · publicado 3 sept 2026, 4:14:05 UTC
Disponible enRUPasa de verso en verso con
Обман доведён до конца: женщине подсунут крашеный кирпич взамен обещанного, и она уходит, снова поверив. Прадед рассказывает это без смягчения — и оттого спасение его выглядит не наградой за раскаяние, а чистым делом внука.