दृष्ट्वा शतक्रतुं तत्र रामो लक्ष्मणम् अब्रवीत् । ये हयाः पुरुहूतस्य पुरा शक्रस्य नः श्रुताः । अन्तरिक्षगता दिव्यास् त इमे हरयो ध्रुवम् ॥
इमे च पुरुषव्याघ्र ये तिष्ठन्त्य् अभितो रथम् । शतं शतं कुण्डलिनो युवानः खड्गपाणयः ॥
उरोदेशेषु सर्वेषां हारा ज्वलनसंनिभाः । रूपं बिभ्रति सौमित्रे पञ्चविंशतिवार्षिकम् ॥
एतद् धि किल देवानां वयो भवति नित्यदा । यथेमे पुरुषव्याघ्रा दृश्यन्ते प्रियदर्शनाः ॥
इहैव सह वैदेह्या मुहूर्तं तिष्ठ लक्ष्मण । यावज् जनाम्य् अहं व्यक्तं क एष द्युतिमान् रथे ॥
तम् एवम् उक्त्वा सौमित्रिम् इहैव स्थीयताम् इति । अभिचक्राम काकुत्स्थः शरभङ्गाश्रमं प्रति ॥
ततः समभिगच्छन्तं प्रेक्ष्य रामं शचीपतिः । शरभङ्गम् अनुज्ञाप्य विबुधान् इदम् अब्रवीत् ॥
इहोपयात्य् असौ रामो यावन् मां नाभिभाषते । निष्ठां नयत तावत् तु ततो मां द्रष्टुम् अर्हति ॥
जितवन्तं कृतार्थं च द्रष्टाहम् अचिराद् इमम् । कर्म ह्य् अनेन कर्तव्यं महद् अन्यैः सुदुष्करम् ॥
इति वज्री तम् आमन्त्र्य मानयित्वा च तापसं । रथेन हरियुक्तेन ययौ दिवम् अरिंदमः ॥
dṛṣṭvā śatakratuṃ tatra rāmo lakṣmaṇam abravīt | ye hayāḥ puruhūtasya purā śakrasya naḥ śrutāḥ | antarikṣagatā divyās ta ime harayo dhruvam ||
ime ca puruṣavyāghra ye tiṣṭhanty abhito ratham | śataṃ śataṃ kuṇḍalino yuvānaḥ khaḍgapāṇayaḥ ||
urodeśeṣu sarveṣāṃ hārā jvalanasaṃnibhāḥ | rūpaṃ bibhrati saumitre pañcaviṃśativārṣikam ||
etad dhi kila devānāṃ vayo bhavati nityadā | yatheme puruṣavyāghrā dṛśyante priyadarśanāḥ ||
ihaiva saha vaidehyā muhūrtaṃ tiṣṭha lakṣmaṇa | yāvaj janāmy ahaṃ vyaktaṃ ka eṣa dyutimān rathe ||
tam evam uktvā saumitrim ihaiva sthīyatām iti | abhicakrāma kākutsthaḥ śarabhaṅgāśramaṃ prati ||
tataḥ samabhigacchantaṃ prekṣya rāmaṃ śacīpatiḥ | śarabhaṅgam anujñāpya vibudhān idam abravīt ||
ihopayāty asau rāmo yāvan māṃ nābhibhāṣate | niṣṭhāṃ nayata tāvat tu tato māṃ draṣṭum arhati ||
jitavantaṃ kṛtārthaṃ ca draṣṭāham acirād imam | karma hy anena kartavyaṃ mahad anyaiḥ suduṣkaram ||
iti vajrī tam āmantrya mānayitvā ca tāpasaṃ | rathena hariyuktena yayau divam ariṃdamaḥ ||
Увидев там Шатакрату, Рама сказал Лакшмане: «Те божественные кони Многопризываемого Шакры, идущие по воздуху, о которых мы прежде слышали, несомненно, вот эти гнедые кони. И эти юные воины с серьгами и мечами в руках, стоящие сотнями вокруг колесницы, о тигр среди людей, все носят на груди ожерелья, сверкающие как огонь, и имеют, о Саумитри, облик двадцатипятилетних. Именно таков, говорят, вечный возраст богов, как эти прекрасные воины и выглядят. О Лакшмана, останься здесь на мгновение вместе с Вайдехи, пока я точно не узнаю, кто этот сияющий на колеснице». Сказав Саумитри: «Оставайся здесь», Какутстха направился к ашраму Шарабханги. Увидев приближающегося Раму, муж Шачи получил разрешение у Шарабханги и сказал богам: «Этот Рама подходит сюда. Пока он не заговорил со мной, доведите дело до завершения; затем он будет достоин увидеть меня. Вскоре я увижу его победившим и достигшим цели, потому что ему предстоит совершить великое дело, очень трудное для других». Так носитель ваджры попрощался с подвижником, почтил его и, покоритель врагов, отправился на небо на колеснице, запряжённой гнедыми конями.
ade263ca5a3b · publicado 22 jun 2026, 0:00:00 UTC
Disponible enRUPasa de verso en verso con
Индра не встречается с Рамой преждевременно: небесный владыка признаёт, что у Рамы ещё есть великое дело в мире. Божественное знание здесь не отменяет человеческого пути Рамы, а ждёт его завершения.