प्रयाते तु सहस्राक्षे राघवः सपरिच्छदः । अग्निहोत्रम् उपासीनं शरभङ्गम् उपागमत् ॥
तस्य पादौ च संगृह्य रामः सीता च लक्ष्मणः । निषेदुस् तदनुज्ञाता लब्धवासा निमन्त्रिताः ॥
ततः शक्रोपयानं तु पर्यपृच्छत् स राघवः । शरभङ्गश् च तत् सर्वं राघवाय न्यवेदयत् ॥
माम् एष वरदो राम ब्रह्मलोकं निनीषति । जितम् उग्रेण तपसा दुष्प्रापम् अकृतात्मभिः ॥
अहं ज्ञात्वा नरव्याघ्र वर्तमानम् अदूरतः । ब्रह्मलोकं न गच्छामि त्वाम् अदृष्ट्वा प्रियातिथिम् ॥
समागम्य गमिष्यामि त्रिदिवं देवसेवितम् । अक्षया नरशार्दूल जिता लोका मया शुभाः । ब्राह्म्याश् च नाकपृष्ठ्याश् च प्रतिगृह्णीष्व मामकान् ॥
एवम् उक्तो नरव्याघ्रः सर्वशास्त्रविशारदः । ऋषिणा शरभङ्गेन राघवो वाक्यम् अब्रवीत् ॥
अहम् एवाहरिष्यामि सर्वांल् लोकान् महामुने । आवासं त्व् अहम् इच्छामि प्रदिष्टम् इह कानने ॥
राघवेणैवम् उक्तस् तु शक्रतुल्यबलेन वै । शरभङ्गो महाप्राज्ञः पुनर् एवाब्रवीद् वचः ॥
सुतीक्ष्णम् अभिगच्छ त्वं शुचौ देशे तपस्विनम् । रमणीये वनोद्देशे स ते वासं विधास्यति ॥
एष पन्था नरव्याघ्र मुहूर्तं पश्य तात माम् । यावज् जहामि गात्राणि जीर्णं त्वचम् इवोरगः ॥
prayāte tu sahasrākṣe rāghavaḥ saparicchadaḥ | agnihotram upāsīnaṃ śarabhaṅgam upāgamat ||
tasya pādau ca saṃgṛhya rāmaḥ sītā ca lakṣmaṇaḥ | niṣedus tadanujñātā labdhavāsā nimantritāḥ ||
tataḥ śakropayānaṃ tu paryapṛcchat sa rāghavaḥ | śarabhaṅgaś ca tat sarvaṃ rāghavāya nyavedayat ||
mām eṣa varado rāma brahmalokaṃ ninīṣati | jitam ugreṇa tapasā duṣprāpam akṛtātmabhiḥ ||
ahaṃ jñātvā naravyāghra vartamānam adūrataḥ | brahmalokaṃ na gacchāmi tvām adṛṣṭvā priyātithim ||
samāgamya gamiṣyāmi tridivaṃ devasevitam | akṣayā naraśārdūla jitā lokā mayā śubhāḥ | brāhmyāś ca nākapṛṣṭhyāś ca pratigṛhṇīṣva māmakān ||
evam ukto naravyāghraḥ sarvaśāstraviśāradaḥ | ṛṣiṇā śarabhaṅgena rāghavo vākyam abravīt ||
aham evāhariṣyāmi sarvāṃl lokān mahāmune | āvāsaṃ tv aham icchāmi pradiṣṭam iha kānane ||
rāghaveṇaivam uktas tu śakratulyabalena vai | śarabhaṅgo mahāprājñaḥ punar evābravīd vacaḥ ||
sutīkṣṇam abhigaccha tvaṃ śucau deśe tapasvinam | ramaṇīye vanoddeśe sa te vāsaṃ vidhāsyati ||
eṣa panthā naravyāghra muhūrtaṃ paśya tāta mām | yāvaj jahāmi gātrāṇi jīrṇaṃ tvacam ivoragaḥ ||
Когда Тысячеокий ушёл, Рагхава со спутниками подошёл к Шарабханге, сидевшему у огненного жертвоприношения. Рама, Сита и Лакшмана почтительно коснулись его стоп и, получив разрешение, приглашённые и получившие место, сели. Затем Рагхава расспросил о приходе Шакры, и Шарабханга всё рассказал Раме: «О Рама, этот дарующий благо хочет отвести меня в мир Брахмы, труднодостижимый для тех, кто не очистил себя, но завоёванный мной суровой аскезой. О тигр среди людей, узнав, что ты находишься недалеко, я не пошёл в Брахмалоку, не увидев тебя, дорогого гостя. Встретившись с тобой, я отправлюсь в небеса, посещаемые богами. О тигр среди людей, мной завоёваны нетленные благие миры, брахмические и высшие небесные; прими их как мои». Когда риши Шарабханга сказал так, Рагхава, тигр среди людей и знаток всех шастр, ответил: «О великий мудрец, все миры я обрету сам. Но я желаю, чтобы мне было указано место жительства здесь, в лесу». Тогда великомудрый Шарабханга, услышав слова Рагхавы, равного Шакре силой, снова сказал: «Иди к подвижнику Сутикшне, живущему в чистом и прекрасном лесном месте. Он устроит тебе жилище. Вот путь, о тигр среди людей. Дитя, посмотри на меня мгновение, пока я оставлю это тело, как змей старую кожу».
e3b5b77c38f4 · publicado 22 jun 2026, 0:00:00 UTC
Disponible enRUPasa de verso en verso con
Шарабханга предлагает Раме миры, завоёванные аскезой, но Рама не принимает чужой духовный плод: он просит только путь и место для исполнения собственного долга. Так подчёркивается его независимая миссия — не присвоить заслуги риши, а защитить путь дхармы.