अथासनात् समुत्पत्य स्रजं मणिकृतान्तराम् । आबबन्ध महातेजाः कुम्भकर्णस्य रावणः ॥
अङ्गदान् अङ्गुलीवेष्टान् वराण्य् आभरणानि च । हारं च शशिसंकाशम् आबबन्ध महात्मनः ॥
दिव्यानि च सुगन्धीनि माल्यदामानि रावणः । श्रोत्रे चासज्जयाम् आस श्रीमती चास्य कुण्डले ॥
काञ्चनाङ्गदकेयूरो निष्काभरणभूषितः । कुम्भकर्णो बृहत्कर्णः सुहुतो ऽग्निर् इवाबभौ ॥
श्रोणीसूत्रेण महता मेचकेन विराजितः । अमृतोत्पादने नद्धो भुजंगेनेव मन्दरः ॥
स काञ्चनं भारसहं निवातं; विद्युत्प्रभं दीप्तम् इवात्मभासा । आबध्यमानः कवचं रराज; संध्याभ्रसंवीत इवाद्रिराजः ॥
सर्वाभरणनद्धाङ्गः शूलपाणिः स राक्षसः । त्रिविक्रमकृतोत्साहो नारायण इवाबभौ ॥
भ्रातरं संपरिष्वज्य कृत्वा चापि प्रदक्षिणम् । प्रणम्य शिरसा तस्मै संप्रतस्थे महाबलिः । तम् आशीर्भिः प्रशस्ताभिः प्रेषयाम् आस रावणः ॥
शङ्खदुन्दुभिनिर्घोषैः सैन्यैश् चापि वरायुधैः । तं गजैश् च तुरंगैश् च स्यन्दनैश् चाम्बुदस्वनैः । अनुजग्मुर् महात्मानं रथिनो रथिनां वरम् ॥
सर्पैर् उष्ट्रैः खरैर् अश्वैः सिंहद्विपमृगद्विजैः । अनुजग्मुश् च तं घोरं कुम्भकर्णं महाबलम् ॥
स पुष्पवर्णैर् अवकीर्यमाणो; धृतातपत्रः शितशूलपाणिः । मदोत्कटः शोणितगन्धमत्तो; विनिर्ययौ दानवदेवशत्रुः ॥
athāsanāt samutpatya srajaṃ maṇikṛtāntarām | ābabandha mahātejāḥ kumbhakarṇasya rāvaṇaḥ ||
aṅgadān aṅgulīveṣṭān varāṇy ābharaṇāni ca | hāraṃ ca śaśisaṃkāśam ābabandha mahātmanaḥ ||
divyāni ca sugandhīni mālyadāmāni rāvaṇaḥ | śrotre cāsajjayām āsa śrīmatī cāsya kuṇḍale ||
kāñcanāṅgadakeyūro niṣkābharaṇabhūṣitaḥ | kumbhakarṇo bṛhatkarṇaḥ suhuto 'gnir ivābabhau ||
śroṇīsūtreṇa mahatā mecakena virājitaḥ | amṛtotpādane naddho bhujaṃgeneva mandaraḥ ||
sa kāñcanaṃ bhārasahaṃ nivātaṃ; vidyutprabhaṃ dīptam ivātmabhāsā | ābadhyamānaḥ kavacaṃ rarāja; saṃdhyābhrasaṃvīta ivādrirājaḥ ||
sarvābharaṇanaddhāṅgaḥ śūlapāṇiḥ sa rākṣasaḥ | trivikramakṛtotsāho nārāyaṇa ivābabhau ||
bhrātaraṃ saṃpariṣvajya kṛtvā cāpi pradakṣiṇam | praṇamya śirasā tasmai saṃpratasthe mahābaliḥ | tam āśīrbhiḥ praśastābhiḥ preṣayām āsa rāvaṇaḥ ||
śaṅkhadundubhinirghoṣaiḥ sainyaiś cāpi varāyudhaiḥ | taṃ gajaiś ca turaṃgaiś ca syandanaiś cāmbudasvanaiḥ | anujagmur mahātmānaṃ rathino rathināṃ varam ||
sarpair uṣṭraiḥ kharair aśvaiḥ siṃhadvipamṛgadvijaiḥ | anujagmuś ca taṃ ghoraṃ kumbhakarṇaṃ mahābalam ||
sa puṣpavarṇair avakīryamāṇo; dhṛtātapatraḥ śitaśūlapāṇiḥ | madotkaṭaḥ śoṇitagandhamatto; viniryayau dānavadevaśatruḥ ||
Тогда великосияющий Равана вскочил с сиденья и повязал Кумбхакарне гирлянду, разделённую драгоценными камнями. Он надел на великого браслеты, кольца, лучшие украшения и ожерелье, подобное луне; прикрепил к его ушам дивные благоуханные гирлянды и прекрасные серьги. Большоухий Кумбхакарна, украшенный золотыми браслетами, запястьями и золотыми украшениями, сиял как хорошо возлитый огонь. Он блистал чёрным великим поясом на бёдрах, как гора Мандара, обвитая змеем при добывании амриты. Надевая золотую, крепкую, непроницаемую броню, сверкающую как молния и сияющую собственным блеском, он выглядел как царь гор, окутанный вечерним облаком. Покрытый всеми украшениями, с копьём в руке, этот ракшас сиял как Нараяна, поднявшийся на подвиг Тривикрамы. Обняв брата, обойдя его справа и поклонившись ему головой, могучий Кумбхакарна отправился, а Равана проводил его благими благословениями. За ним последовали войска с лучшим оружием под грохот раковин и барабанов; слоны, кони и колесницы, грохочущие как тучи; воины-колесничие шли за великим, лучшим среди колесничих. За ужасным могучим Кумбхакарной двигались змеи, верблюды, ослы, кони, львы, слоны, звери и птицы. Осыпать его стали цветными цветами; под царским зонтом, с острым копьём в руке, опьянённый яростью и запахом крови, враг данавов и богов вышел из города.
847fd9616a5f · publicado 22 jun 2026, 0:00:00 UTC
Disponible enRUPasa de verso en verso con
Равана украшает Кумбхакарну почти как жертвенное орудие. Эпический блеск здесь двусмыслен: тело сияет, оружие сияет, но всё это движется навстречу знамениям гибели.