आपपाताथ संक्रुद्धो दशग्रीवेण चोदितः । तीक्ष्णकार्मुकनाराचैस् तीक्ष्णस् त्व् इन्द्ररिपू रणे ॥
स ददर्श महावीर्यौ नागौ त्रिशिरसाव् इव । सृजन्ताव् इषुजालानि वीरौ वानरमध्यगौ ॥
इमौ ताव् इति संचिन्त्य सज्यं कृत्वा च कार्मुकम् । संततानेषुधाराभिः पर्जन्य इव वृष्टिमान् ॥
स तु वैहायसं प्राप्य सरथो रामलक्ष्मणौ । अचक्षुर् विषये तिष्ठन् विव्याध निशितैः शरैः ॥
तौ तस्य शरवेगेन परीतौ रामलक्ष्मणौ । धनुषी सशरे कृत्वा दिव्यम् अस्त्रं प्रचक्रतुः ॥
प्रच्छादयन्तौ गगनं शरजालैर् महाबलौ । तम् अस्त्रैः सुरसंकाशौ नैव पस्पर्शतुः शरैः ॥
स हि धूमान्धकारं च चक्रे प्रच्छादयन् नभः । दिशश् चान्तर्दधे श्रीमान् नीहारतमसावृतः ॥
नैव ज्यातलनिर्घोषो न च नेमिखुरस्वनः । शुश्रुवे चरतस् तस्य न च रूपं प्रकाशते ॥
घनान्धकारे तिमिरे शरवर्षम् इवाद्भुतम् । स ववर्ष महाबाहुर् नाराचशरवृष्टिभिः ॥
स रामं सूर्यसंकाशैः शरैर् दत्तवरो भृशम् । विव्याध समरे क्रुद्धः सर्वगात्रेषु रावणिः ॥
तौ हन्यमानौ नाराचैर् धाराभिर् इव पर्वतौ । हेमपुङ्खान् नरव्याघ्रौ तिग्मान् मुमुचतुः शरान् ॥
अन्तरिक्षं समासाद्य रावणिं कङ्कपत्रिणः । निकृत्य पतगा भूमौ पेतुस् ते शोणितोक्षिताः ॥
अतिमात्रं शरौघेण पीड्यमानौ नरोत्तमौ । तान् इषून् पततो भल्लैर् अनेकैर् निचकर्ततुः ॥
यतो हि ददृशाते तौ शरान् निपतिताञ् शितान् । ततस् ततो दाशरथी ससृजाते ऽस्त्रम् उत्तमम् ॥
रावणिस् तु दिशः सर्वा रथेनातिरथः पतन् । विव्याध तौ दाशरथी लघ्व् अस्त्रो निशितैः शरैः ॥
तेनातिविद्धौ तौ वीरौ रुक्मपुङ्खैः सुसंहतैः । बभूवतुर् दाशरथी पुष्पिताव् इव किंशुकौ ॥
नास्य वेद गतिं कश् चिन् न च रूपं धनुः शरान् । न चान्यद् विदितं किं चित् सूर्यस्येवाभ्रसंप्लवे ॥
तेन विद्धाश् च हरयो निहताश् च गतासवः । बभूवुः शतशस् तत्र पतिता धरणीतले ॥
āpapātātha saṃkruddho daśagrīveṇa coditaḥ | tīkṣṇakārmukanārācais tīkṣṇas tv indraripū raṇe ||
sa dadarśa mahāvīryau nāgau triśirasāv iva | sṛjantāv iṣujālāni vīrau vānaramadhyagau ||
imau tāv iti saṃcintya sajyaṃ kṛtvā ca kārmukam | saṃtatāneṣudhārābhiḥ parjanya iva vṛṣṭimān ||
sa tu vaihāyasaṃ prāpya saratho rāmalakṣmaṇau | acakṣur viṣaye tiṣṭhan vivyādha niśitaiḥ śaraiḥ ||
tau tasya śaravegena parītau rāmalakṣmaṇau | dhanuṣī saśare kṛtvā divyam astraṃ pracakratuḥ ||
pracchādayantau gaganaṃ śarajālair mahābalau | tam astraiḥ surasaṃkāśau naiva pasparśatuḥ śaraiḥ ||
sa hi dhūmāndhakāraṃ ca cakre pracchādayan nabhaḥ | diśaś cāntardadhe śrīmān nīhāratamasāvṛtaḥ ||
naiva jyātalanirghoṣo na ca nemikhurasvanaḥ | śuśruve caratas tasya na ca rūpaṃ prakāśate ||
ghanāndhakāre timire śaravarṣam ivādbhutam | sa vavarṣa mahābāhur nārācaśaravṛṣṭibhiḥ ||
sa rāmaṃ sūryasaṃkāśaiḥ śarair dattavaro bhṛśam | vivyādha samare kruddhaḥ sarvagātreṣu rāvaṇiḥ ||
tau hanyamānau nārācair dhārābhir iva parvatau | hemapuṅkhān naravyāghrau tigmān mumucatuḥ śarān ||
antarikṣaṃ samāsādya rāvaṇiṃ kaṅkapatriṇaḥ | nikṛtya patagā bhūmau petus te śoṇitokṣitāḥ ||
atimātraṃ śaraugheṇa pīḍyamānau narottamau | tān iṣūn patato bhallair anekair nicakartatuḥ ||
yato hi dadṛśāte tau śarān nipatitāñ śitān | tatas tato dāśarathī sasṛjāte 'stram uttamam ||
rāvaṇis tu diśaḥ sarvā rathenātirathaḥ patan | vivyādha tau dāśarathī laghv astro niśitaiḥ śaraiḥ ||
tenātividdhau tau vīrau rukmapuṅkhaiḥ susaṃhataiḥ | babhūvatur dāśarathī puṣpitāv iva kiṃśukau ||
nāsya veda gatiṃ kaś cin na ca rūpaṃ dhanuḥ śarān | na cānyad viditaṃ kiṃ cit sūryasyevābhrasaṃplave ||
tena viddhāś ca harayo nihatāś ca gatāsavaḥ | babhūvuḥ śataśas tatra patitā dharaṇītale ||
Побуждённый Десятиглавым, разгневанный враг Индры ринулся в бой с острым луком и нарачами. Он увидел двух великодоблестных героев среди ванаров: они испускали сети стрел и были похожи на двух трёхголовых змеев. Подумав: «Это они», он натянул лук и, как дождливая туча, развернул потоки стрел. Поднявшись вместе с колесницей в воздух и оставаясь вне области зрения, он пронзил Раму и Лакшману острыми стрелами. Окружённые скоростью его стрел, Рама и Лакшмана взяли луки со стрелами и применили божественное оружие; могучие, богам подобные, они закрывали небо сетями стрел, но не могли коснуться его своими стрелами. Он создал дым и тьму, покрывая небо; славный воин, скрытый туманом и мраком, спрятал стороны света. Не было слышно ни звука его тетивы, ни шума обода и копыт, и его облик не проявлялся. В плотной тёмной мгле могучерукий проливал чудесный дождь нарачей и стрел. Получивший дар, разгневанный сын Раваны сильно пронзил Раму солнцеподобными стрелами во все члены. Рама и Лакшмана, два тигра среди людей, поражаемые нарачами как горы потоками, выпускали острые золотопёрые стрелы. Но, достигнув воздуха, их стрелы с перьями канки, изрезанные у Индраджита, падали на землю, облитые кровью. Чрезмерно мучимые потоком стрел, два лучших человека многими бхаллами разрезали падающие стрелы. Откуда они видели падающие острые стрелы, туда сыновья Дашаратхи выпускали лучшее оружие. Но сын Раваны, великий колесничий, летая на колеснице по всем сторонам, быстрым оружием и острыми стрелами пронзал обоих Дашаратхичей. Сильно пронзённые им золотопёрыми плотными стрелами, два героя, сыновья Дашаратхи, стали похожи на два цветущих кимшука. Никто не знал его движения, ни его облика, ни лука, ни стрел, ни вообще чего-либо о нём — как не видно солнца при наплыве облаков. Обезьяны, пронзённые им, сотнями лежали там на земле, убитые и лишённые жизни.
e4a8cec4766a · publicado 22 jun 2026, 0:00:00 UTC
Disponible enRUPasa de verso en verso con
Скрытая атака Индраджита показывает силу майи: удар виден по последствиям, но источник остаётся закрытым. Рама и Лакшмана отвечают оружием, но ещё не нарушают меру дхармы ради быстрого результата.