स संख्ये रामम् आसाद्य क्रोधसंरक्तलोचनः । व्यसृजच् छरवर्णानि रावणो राघवोपरि ॥
शरधारास् ततो रामो रावणस्य धनुश्च्युताः । दृष्ट्वैवापतिताः शीघ्रं भल्लाञ् जग्राह सत्वरम् ॥
ताञ् शरौघांस् ततो भल्लैस् तीक्ष्णैश् चिच्छेद राघवः । दीप्यमानान् महावेगान् क्रुद्धान् आशीविषान् इव ॥
राघवो रावणं तूर्णं रावणो राघवं तथा । अन्योन्यं विविधैस् तीक्ष्णैः शरैर् अभिववर्षतुः ॥
चेरतुश् च चिरं चित्रं मण्डलं सव्यदक्षिणम् । बाणवेगान् समुदीक्ष्य समरेष्व् अपराजितौ ॥
तयोर् भूतानि वित्रेषुर् युगपत् संप्रयुध्यतोः । रौद्रयोः सायकमुचोर् यमान्तकनिकाशयोः ॥
संततं विविधैर् बाणैर् बभूव गगनं तदा । घनैर् इवातपापाये विद्युन्मालासमाकुलैः ॥
गवाक्षितम् इवाकाशं बभूव शूरवृष्टिभिः । महावेगैः सुतीक्ष्णाग्रैर् गृध्रपत्रैः सुवाजितैः ॥
शरान्धकारं तौ भीमं चक्रतुः परमं तदा । गते ऽस्तं तपने चापि महामेघाव् इवोत्थितौ ॥
बभूव तुमुलं युद्धम् अन्योन्यवधकाङ्क्षिणोः । अनासाद्यम् अचिन्त्यं च वृत्रवासवयोर् इव ॥
उभौ हि परमेष्वासाव् उभौ शस्त्रविशारदौ । उभौ चास्त्रविदां मुख्याव् उभौ युद्धे विचेरतुः ॥
उभौ हि येन व्रजतस् तेन तेन शरोर्मयः । ऊर्मयो वायुना विद्धा जग्मुः सागरयोर् इव ॥
sa saṃkhye rāmam āsādya krodhasaṃraktalocanaḥ | vyasṛjac charavarṇāni rāvaṇo rāghavopari ||
śaradhārās tato rāmo rāvaṇasya dhanuścyutāḥ | dṛṣṭvaivāpatitāḥ śīghraṃ bhallāñ jagrāha satvaram ||
tāñ śaraughāṃs tato bhallais tīkṣṇaiś ciccheda rāghavaḥ | dīpyamānān mahāvegān kruddhān āśīviṣān iva ||
rāghavo rāvaṇaṃ tūrṇaṃ rāvaṇo rāghavaṃ tathā | anyonyaṃ vividhais tīkṣṇaiḥ śarair abhivavarṣatuḥ ||
ceratuś ca ciraṃ citraṃ maṇḍalaṃ savyadakṣiṇam | bāṇavegān samudīkṣya samareṣv aparājitau ||
tayor bhūtāni vitreṣur yugapat saṃprayudhyatoḥ | raudrayoḥ sāyakamucor yamāntakanikāśayoḥ ||
saṃtataṃ vividhair bāṇair babhūva gaganaṃ tadā | ghanair ivātapāpāye vidyunmālāsamākulaiḥ ||
gavākṣitam ivākāśaṃ babhūva śūravṛṣṭibhiḥ | mahāvegaiḥ sutīkṣṇāgrair gṛdhrapatraiḥ suvājitaiḥ ||
śarāndhakāraṃ tau bhīmaṃ cakratuḥ paramaṃ tadā | gate 'staṃ tapane cāpi mahāmeghāv ivotthitau ||
babhūva tumulaṃ yuddham anyonyavadhakāṅkṣiṇoḥ | anāsādyam acintyaṃ ca vṛtravāsavayor iva ||
ubhau hi parameṣvāsāv ubhau śastraviśāradau | ubhau cāstravidāṃ mukhyāv ubhau yuddhe viceratuḥ ||
ubhau hi yena vrajatas tena tena śarormayaḥ | ūrmayo vāyunā viddhā jagmuḥ sāgarayor iva ||
Достигнув Рамы в бою, Равана, с глазами, покрасневшими от гнева, выпустил на Рагхаву ливни стрел. Рама лишь увидел, как потоки стрел сорвались с лука Раваны и падают на него, и тотчас быстро взял бхаллы. Острыми бхаллами Рагхава рассёк эти пылающие, великостремительные потоки стрел, подобные разгневанным ядовитым змеям. Рагхава быстро осыпал Равану, а Равана так же осыпал Рагхаву различными острыми стрелами. Два непобеждённых воина долго двигались в чудесном круге вправо и влево, следя за натисками стрел. Когда они одновременно сражались, все существа дрожали перед двумя грозными стрелометателями, подобными Яме и Антаке. Небо тогда стало сплошь заполнено различными стрелами, как тучами в конце жары, наполненными гирляндами молний. От дождей великостремительных, остроконечных, хорошо направленных стрел с перьями грифов небо стало словно прорезанным множеством окон. Они создали страшную тьму из стрел, подобно двум великим тучам, поднявшимся после захода солнца. Бурная битва двух воинов, желавших убить друг друга, стала недоступной и непостижимой, как битва Вритры и Индры. Оба были превосходными лучниками, оба искусными в оружии, оба главными знатоками божественных оружий, и оба двигались в бою; куда бы они ни шли, туда катились волны стрел, словно волны двух океанов, гонимые ветром.
dc508c06efc9 · publicado 22 jun 2026, 0:00:00 UTC
Disponible enRUPasa de verso en verso con
Схватка Рамы и Раваны описана как космическое столкновение: небо темнеет, существа дрожат, стрелы становятся океанскими волнами. Но в центре этого ужаса Рама сохраняет точность и ясность действия.