एवं तु ब्रुवतस् तस्य मैत्रेयस्य विशां पते ॥
ऊरुं गजकराकारं करेणाभिजघान सः ॥
दुर्योधनः स्मितं कृत्वा चरणेनालिखन् महीम् ॥
न किं चिद् उक्त्वा दुर्मेधास् तस्थौ किं चिद् अवाङ्मुखः ॥
तम् अशुश्रूषमाणं तु विलिखन्तं वसुंधराम् ॥
दृष्ट्वा दुर्योधनं राजन् मैत्रेयं कोप आविशत् ॥
स कोपवशम् आपन्नो मैत्रेयो मुनिसत्तमः ॥
विधिना संप्रयुक्तश् च शापायास्य मनो दधे ॥
ततः स वार्य् उपस्पृश्य कोपसंरक्तलोचनः ॥
मैत्रेयो धार्तराष्ट्रं तम् अशपद् दुष्टचेतसम् ॥
यस्मात् त्वं माम् अनादृत्य नेमां वाचं चिकीर्षसि ॥
तस्माद् अस्याभिमानस्य सद्यः फलम् अवाप्नुहि ॥
त्वदभिद्रोहसंयुक्तं युद्धम् उत्पत्स्यते महत् ॥
यत्र भीमो गदापातैस् तवोरुं भेत्स्यते बली ॥
इत्य् एवम् उक्ते वचने धृतराष्ट्रो महीपतिः ॥
प्रसादयाम् आस मुनिं नैतद् एवं भवेद् इति ॥
evaṃ tu bruvatas tasya maitreyasya viśāṃ pate ||
ūruṃ gajakarākāraṃ kareṇābhijaghāna saḥ ||
duryodhanaḥ smitaṃ kṛtvā caraṇenālikhan mahīm ||
na kiṃ cid uktvā durmedhās tasthau kiṃ cid avāṅmukhaḥ ||
tam aśuśrūṣamāṇaṃ tu vilikhantaṃ vasuṃdharām ||
dṛṣṭvā duryodhanaṃ rājan maitreyaṃ kopa āviśat ||
sa kopavaśam āpanno maitreyo munisattamaḥ ||
vidhinā saṃprayuktaś ca śāpāyāsya mano dadhe ||
tataḥ sa vāry upaspṛśya kopasaṃraktalocanaḥ ||
maitreyo dhārtarāṣṭraṃ tam aśapad duṣṭacetasam ||
yasmāt tvaṃ mām anādṛtya nemāṃ vācaṃ cikīrṣasi ||
tasmād asyābhimānasya sadyaḥ phalam avāpnuhi ||
tvadabhidrohasaṃyuktaṃ yuddham utpatsyate mahat ||
yatra bhīmo gadāpātais tavoruṃ bhetsyate balī ||
ity evam ukte vacane dhṛtarāṣṭro mahīpatiḥ ||
prasādayām āsa muniṃ naitad evaṃ bhaved iti ||
As Maitreya spoke thus, Duryodhana only smiled, struck his thigh — shaped like an elephant's trunk — with his hand, and began scratching the ground with his foot. Saying nothing, the evil-minded one stood with his face somewhat lowered. Seeing that he would not listen and kept scratching the earth, anger entered Maitreya. Having touched water, his eyes reddened with anger, he cursed the son of Dhritarashtra: 'Since you disregard me and refuse to heed this word, obtain at once the fruit of your pride. A great war born of your enmity will arise, in which mighty Bhima will shatter your thigh with blows of his mace.' When this had been said, Dhritarashtra began to appease the sage: 'Let this not come to pass.'
bb25b8ffb004 · प्रकाशित 16 जुल॰ 2026, 4:44:34 pm UTC
उपलब्ध भाषाएँRUENश्लोक बदलें इन कुंजियों से
Duryodhana answers not with argument but with a gesture of contempt. The very thigh he demonstratively strikes becomes the place of Bhima's future blow. In the epic, karma often speaks through such precision: pride itself points to where it will be broken.