संजय उवाच
केशवस्य तु तद् वाक्यं कर्णः श्रुत्वा हितं शुभम् ॥
अब्रवीद् अभिसंपूज्य कृष्णं मधुनिषूदनम् ॥
जानन् मां किं महाबाहो संमोहयितुम् इच्छसि ॥
यो ऽयं पृथिव्याः कार्त्स्न्येन विनाशः समुपस्थितः ॥
निमित्तं तत्र शकुनिर् अहं दुःशासनस् तथा ॥
दुर्योधनश् च नृपतिर् धृतराष्ट्रसुतो ऽभवत् ॥
असंशयम् इदं कृष्ण महद् युद्धम् उपस्थितम् ॥
पाण्डवानां कुरूणां च घोरं रुधिरकर्दमम् ॥
राजानो राजपुत्राश् च दुर्योधनवशानुगाः ॥
रणे शस्त्राग्निना दग्धाः प्राप्स्यन्ति यमसादनम् ॥
स्वप्ना हि बहवो घोरा दृश्यन्ते मधुसूदन ॥
निमित्तानि च घोराणि तथोत्पाताः सुदारुणाः ॥
saṃjaya uvāca
keśavasya tu tad vākyaṃ karṇaḥ śrutvā hitaṃ śubham ||
abravīd abhisaṃpūjya kṛṣṇaṃ madhuniṣūdanam ||
jānan māṃ kiṃ mahābāho saṃmohayitum icchasi ||
yo 'yaṃ pṛthivyāḥ kārtsnyena vināśaḥ samupasthitaḥ ||
nimittaṃ tatra śakunir ahaṃ duḥśāsanas tathā ||
duryodhanaś ca nṛpatir dhṛtarāṣṭrasuto 'bhavat ||
asaṃśayam idaṃ kṛṣṇa mahad yuddham upasthitam ||
pāṇḍavānāṃ kurūṇāṃ ca ghoraṃ rudhirakardamam ||
rājāno rājaputrāś ca duryodhanavaśānugāḥ ||
raṇe śastrāgninā dagdhāḥ prāpsyanti yamasādanam ||
svapnā hi bahavo ghorā dṛśyante madhusūdana ||
nimittāni ca ghorāṇi tathotpātāḥ sudāruṇāḥ ||
Sanjaya said: Having heard the beneficial and auspicious words of Keshava, Karna respectfully greeted Krishna, the slayer of Madhu, and said: "O mighty-armed one, knowing me as you do, why do you wish to delude me? The destruction of the whole earth has already drawn near; the cause of it are Shakuni, myself, Duhshasana, and King Duryodhana, son of Dhritarashtra. Without doubt, O Krishna, a great and terrible battle between the Pandavas and the Kurus has arrived, one filled with a mire of blood. Kings and princes who follow Duryodhana's will shall be burned in battle by the fire of weapons and shall reach the abode of Yama. Many terrible dreams are seen, O Madhusudana, along with dreadful omens and most severe calamitous signs."
fc8cb8995453 · प्रकाशित 17 जुल॰ 2026, 6:17:17 am UTC
उपलब्ध भाषाएँRUENश्लोक बदलें इन कुंजियों से
Karna no longer argues against Krishna's truth; instead he reads the world as a field of inevitable omens. His speech joins astrological signs, prophetic dreams, and moral insight: victory follows dharma, yet his own attachment and debt of gratitude keep him from changing sides.