यदादित्यम् इवापश्यत् पतितं भुवि संजय ॥
दुर्योधनः शांतनवं किं तदा प्रत्यपद्यत ॥
नाहं स्वेषां परेषां वा बुद्ध्या संजय चिन्तयन् ॥
शेषं किं चित् प्रपश्यामि प्रत्यनीके महीक्षिताम् ॥
दारुणः क्षत्रधर्मो ऽयम् ऋषिभिः संप्रदर्शितः ॥
यत्र शांतनवं हत्वा राज्यम् इच्छन्ति पाण्डवाः ॥
वयं वा राज्यम् इच्छामो घातयित्वा पितामहम् ॥
क्षत्रधर्मे स्थिताः पार्था नापराध्यन्ति पुत्रकाः ॥
एतद् आर्येण कर्तव्यं कृच्छ्रास्व् आपत्सु संजय ॥
पराक्रमः परं शक्त्या तच् च तस्मिन् प्रतिष्ठितम् ॥
अनीकानि विनिघ्नन्तं ह्रीमन्तम् अपराजितम् ॥
कथं शांतनवं तात पाण्डुपुत्रा न्यपातयन् ॥
कथं युक्तान्य् अनीकानि कथं युद्धं महात्मभिः ॥
कथं वा निहतो भीष्मः पिता संजय मे परैः ॥
दुर्योधनश् च कर्णश् च शकुनिश् चापि सौबलः ॥
दुःशासनश् च कितवो हते भीष्मे किम् अब्रुवन् ॥
यच् छरीरैर् उपस्तीर्णां नरवारणवाजिनाम् ॥
शरशक्तिगदाखड्गतोमराक्षां भयावहाम् ॥
प्राविशन् कितवा मन्दाः सभां युधि दुरासदाम् ॥
प्राणद्यूते प्रतिभये के ऽदीव्यन्त नरर्षभाः ॥
के ऽजयन् के जितास् तत्र हृतलक्षा निपातिताः ॥
अन्ये भीष्माच् छांतनवात् तन् ममाचक्ष्व संजय ॥
yadādityam ivāpaśyat patitaṃ bhuvi saṃjaya ||
duryodhanaḥ śāṃtanavaṃ kiṃ tadā pratyapadyata ||
nāhaṃ sveṣāṃ pareṣāṃ vā buddhyā saṃjaya cintayan ||
śeṣaṃ kiṃ cit prapaśyāmi pratyanīke mahīkṣitām ||
dāruṇaḥ kṣatradharmo 'yam ṛṣibhiḥ saṃpradarśitaḥ ||
yatra śāṃtanavaṃ hatvā rājyam icchanti pāṇḍavāḥ ||
vayaṃ vā rājyam icchāmo ghātayitvā pitāmaham ||
kṣatradharme sthitāḥ pārthā nāparādhyanti putrakāḥ ||
etad āryeṇa kartavyaṃ kṛcchrāsv āpatsu saṃjaya ||
parākramaḥ paraṃ śaktyā tac ca tasmin pratiṣṭhitam ||
anīkāni vinighnantaṃ hrīmantam aparājitam ||
kathaṃ śāṃtanavaṃ tāta pāṇḍuputrā nyapātayan ||
kathaṃ yuktāny anīkāni kathaṃ yuddhaṃ mahātmabhiḥ ||
kathaṃ vā nihato bhīṣmaḥ pitā saṃjaya me paraiḥ ||
duryodhanaś ca karṇaś ca śakuniś cāpi saubalaḥ ||
duḥśāsanaś ca kitavo hate bhīṣme kim abruvan ||
yac charīrair upastīrṇāṃ naravāraṇavājinām ||
śaraśaktigadākhaḍgatomarākṣāṃ bhayāvahām ||
prāviśan kitavā mandāḥ sabhāṃ yudhi durāsadām ||
prāṇadyūte pratibhaye ke 'dīvyanta nararṣabhāḥ ||
ke 'jayan ke jitās tatra hṛtalakṣā nipātitāḥ ||
anye bhīṣmāc chāṃtanavāt tan mamācakṣva saṃjaya ||
"When Duryodhana saw the son of Shantanu fallen to the ground like the sun cast down, what did he then do, Sanjaya? Pondering with my own mind, I can see no strength remaining, neither among ours nor among the enemy, in the opposing ranks of kings. Harsh indeed is this duty of kshatriyas, declared by the sages, if the Pandavas desire the kingdom by slaying the son of Shantanu. Or do we ourselves desire the kingdom, having destroyed our grandsire? If the Parthas stand firm in the duty of kshatriyas, they commit no wrong, my children; thus should the noble act in grievous misfortune, Sanjaya — to exert oneself to the utmost of one's strength, and that was firmly established in Bhishma. How did the sons of Pandu cast down the son of Shantanu, noble and unconquered, who was destroying the ranks of the enemy? How were the armies arrayed, how was the battle of the great souls fought, and how was Bhishma, my father, slain by the foe, Sanjaya? What did Duryodhana, Karna, Shakuni the son of Subala, and the gambler Duhshasana say when Bhishma was slain? The battlefield was a dreadful gaming-hall, strewn with the bodies of men, elephants, and horses, its bones made of arrows, spears, maces, swords, and lances. What foolish gamblers entered this impregnable hall of war? Who played the terrible game where life itself was the stake? Who won, who was defeated and cast down, besides Bhishma, the son of Shantanu? Tell me all of this, Sanjaya."
fe3fed26d989 · प्रकाशित 17 जुल॰ 2026, 8:47:27 pm UTC
उपलब्ध भाषाएँRUENश्लोक बदलें इन कुंजियों से
The metaphor of the dice game brings Dhritarashtra back to the first sin of the conflict: the game of chance has now revealed itself as a game staked on life. What began in the assembly hall as deceit has become, on the battlefield, a reckoning in blood.