Vedawordएक वैदिक पुस्तकालय
खोज
प्रवेश
महाभारत
Bhīṣmārjunayuddham (The Battle of Bhishma and Arjuna)6.55.63-85
5641 / 15823
महाभारत · 6.55.63-85
॥
देवनागरी

ततः कृष्णस् तु समरे दृष्ट्वा भीष्मपराक्रमम् ॥
संप्रेक्ष्य च महाबाहुः पार्थस्य मृदुयुद्धताम् ॥
भीष्मं च शरवर्षाणि सृजन्तम् अनिशं युधि ॥
प्रतपन्तम् इवादित्यं मध्यम् आसाद्य सेनयोः ॥
वरान् वरान् विनिघ्नन्तं पाण्डुपुत्रस्य सैनिकान् ॥
युगान्तम् इव कुर्वाणं भीष्मं यौधिष्ठिरे बले ॥
अमृष्यमाणो भगवान् केशवः परवीरहा ॥
अचिन्तयद् अमेयात्मा नास्ति यौधिष्ठिरं बलम् ॥
एकाह्ना हि रणे भीष्मो नाशयेद् देवदानवान् ॥
किम् उ पाण्डुसुतान् युद्धे सबलान् सपदानुगान् ॥
द्रवते च महत् सैन्यं पाण्डवस्य महात्मनः ॥
एते च कौरवास् तूर्णं प्रभग्नान् दृश्य सोमकान् ॥
आद्रवन्ति रणे हृष्टा हर्षयन्तः पितामहम् ॥
सो ऽहं भीष्मं निहन्म्य् अद्य पाण्डवार्थाय दंशितः ॥
भारम् एतं विनेष्यामि पाण्डवानां महात्मनाम् ॥
अर्जुनो ऽपि शरैस् तीक्ष्णैर् वध्यमानो हि संयुगे ॥
कर्तव्यं नाभिजानाति रणे भीष्मस्य गौरवात् ॥
तथा चिन्तयतस् तस्य भूय एव पितामहः ॥
प्रेषयाम् आस संक्रुद्धः शरान् पार्थरथं प्रति ॥
तेषां बहुत्वाद् धि भृशं शराणां; दिशो ऽथ सर्वाः पिहिता बभूवुः ॥
न चान्तरिक्षं न दिशो न भूमिर्; न भास्करो ऽदृश्यत रश्मिमाली ॥
ववुश् च वातास् तुमुलाः सधूमा; दिशश् च सर्वाः क्षुभिता बभूवुः ॥
द्रोणो विकर्णो ऽथ जयद्रथश् च; भूरिश्रवाः कृतवर्मा कृपश् च ॥
श्रुतायुर् अम्बष्ठपतिश् च राजा; विन्दानुविन्दौ च सुदक्षिणश् च ॥
प्राच्याश् च सौवीरगणाश् च सर्वे; वसातयः क्षुद्रकमालवाश् च ॥
किरीटिनं त्वरमाणाभिसस्रुर्; निदेशगाः शांतनवस्य राज्ञः ॥
तं वाजिपादातरथौघजालैर्; अनेकसाहस्रशतैर् ददर्श ॥
किरीटिनं संपरिवार्यमाणं; शिनेर् नप्ता वारणयूथपैश् च ॥
ततस् तु दृष्ट्वार्जुनवासुदेवौ; पदातिनागाश्वरथैः समन्तात् ॥
अभिद्रुतौ शस्त्रभृतां वरिष्ठौ; शिनिप्रवीरो ऽभिससार तूर्णम् ॥
स तान्य् अनीकानि महाधनुष्माञ्; शिनिप्रवीरः सहसाभिपत्य ॥
चकार साहाय्यम् अथार्जुनस्य; विष्णुर् यथा वृत्रनिषूदनस्य ॥
विशीर्णनागाश्वरथध्वजौघं; भीष्मेण वित्रासितसर्वयोधम् ॥
युधिष्ठिरानीकम् अभिद्रवन्तं; प्रोवाच संदृश्य शिनिप्रवीरः ॥
क्व क्षत्रिया यास्यथ नैष धर्मः; सतां पुरस्तात् कथितः पुराणैः ॥
मा स्वां प्रतिज्ञां जहत प्रवीराः; स्वं वीरधर्मं परिपालयध्वम् ॥
तान् वासवान् अन्तरजो निशम्य; नरेन्द्रमुख्यान् द्रवतः समन्तात् ॥
पार्थस्य दृष्ट्वा मृदुयुद्धतां च; भीष्मं च संख्ये समुदीर्यमाणम् ॥
अमृष्यमाणः स ततो महात्मा; यशस्विनं सर्वदशार्हभर्ता ॥
उवाच शैनेयम् अभिप्रशंसन्; दृष्ट्वा कुरून् आपततः समन्तात् ॥
ये यान्ति यान्त्व् एव शिनिप्रवीर; ये ऽपि स्थिताः सात्वत ते ऽपि यान्तु ॥
भीष्मं रथात् पश्य निपात्यमानं; द्रोणं च संख्ये सगणं मयाद्य ॥
नासौ रथः सात्वत कौरवाणां; क्रुद्धस्य मुच्येत रणे ऽद्य कश् चित् ॥
तस्माद् अहं गृह्य रथाङ्गम् उग्रं; प्राणं हरिष्यामि महाव्रतस्य ॥
निहत्य भीष्मं सगणं तथाजौ; द्रोणं च शैनेय रथप्रवीरम् ॥
प्रीतिं करिष्यामि धनंजयस्य; राज्ञश् च भीमस्य तथाश्विनोश् च ॥
निहत्य सर्वान् धृतराष्ट्रपुत्रांस्; तत्पक्षिणो ये च नरेन्द्रमुख्याः ॥
राज्येन राजानम् अजातशत्रुं; संपादयिष्याम्य् अहम् अद्य हृष्टः ॥

लिप्यंतरण (IAST)

tataḥ kṛṣṇas tu samare dṛṣṭvā bhīṣmaparākramam ||
saṃprekṣya ca mahābāhuḥ pārthasya mṛduyuddhatām ||
bhīṣmaṃ ca śaravarṣāṇi sṛjantam aniśaṃ yudhi ||
pratapantam ivādityaṃ madhyam āsādya senayoḥ ||
varān varān vinighnantaṃ pāṇḍuputrasya sainikān ||
yugāntam iva kurvāṇaṃ bhīṣmaṃ yaudhiṣṭhire bale ||
amṛṣyamāṇo bhagavān keśavaḥ paravīrahā ||
acintayad ameyātmā nāsti yaudhiṣṭhiraṃ balam ||
ekāhnā hi raṇe bhīṣmo nāśayed devadānavān ||
kim u pāṇḍusutān yuddhe sabalān sapadānugān ||
dravate ca mahat sainyaṃ pāṇḍavasya mahātmanaḥ ||
ete ca kauravās tūrṇaṃ prabhagnān dṛśya somakān ||
ādravanti raṇe hṛṣṭā harṣayantaḥ pitāmaham ||
so 'haṃ bhīṣmaṃ nihanmy adya pāṇḍavārthāya daṃśitaḥ ||
bhāram etaṃ vineṣyāmi pāṇḍavānāṃ mahātmanām ||
arjuno 'pi śarais tīkṣṇair vadhyamāno hi saṃyuge ||
kartavyaṃ nābhijānāti raṇe bhīṣmasya gauravāt ||
tathā cintayatas tasya bhūya eva pitāmahaḥ ||
preṣayām āsa saṃkruddhaḥ śarān pārtharathaṃ prati ||
teṣāṃ bahutvād dhi bhṛśaṃ śarāṇāṃ; diśo 'tha sarvāḥ pihitā babhūvuḥ ||
na cāntarikṣaṃ na diśo na bhūmir; na bhāskaro 'dṛśyata raśmimālī ||
vavuś ca vātās tumulāḥ sadhūmā; diśaś ca sarvāḥ kṣubhitā babhūvuḥ ||
droṇo vikarṇo 'tha jayadrathaś ca; bhūriśravāḥ kṛtavarmā kṛpaś ca ||
śrutāyur ambaṣṭhapatiś ca rājā; vindānuvindau ca sudakṣiṇaś ca ||
prācyāś ca sauvīragaṇāś ca sarve; vasātayaḥ kṣudrakamālavāś ca ||
kirīṭinaṃ tvaramāṇābhisasrur; nideśagāḥ śāṃtanavasya rājñaḥ ||
taṃ vājipādātarathaughajālair; anekasāhasraśatair dadarśa ||
kirīṭinaṃ saṃparivāryamāṇaṃ; śiner naptā vāraṇayūthapaiś ca ||
tatas tu dṛṣṭvārjunavāsudevau; padātināgāśvarathaiḥ samantāt ||
abhidrutau śastrabhṛtāṃ variṣṭhau; śinipravīro 'bhisasāra tūrṇam ||
sa tāny anīkāni mahādhanuṣmāñ; śinipravīraḥ sahasābhipatya ||
cakāra sāhāyyam athārjunasya; viṣṇur yathā vṛtraniṣūdanasya ||
viśīrṇanāgāśvarathadhvajaughaṃ; bhīṣmeṇa vitrāsitasarvayodham ||
yudhiṣṭhirānīkam abhidravantaṃ; provāca saṃdṛśya śinipravīraḥ ||
kva kṣatriyā yāsyatha naiṣa dharmaḥ; satāṃ purastāt kathitaḥ purāṇaiḥ ||
mā svāṃ pratijñāṃ jahata pravīrāḥ; svaṃ vīradharmaṃ paripālayadhvam ||
tān vāsavān antarajo niśamya; narendramukhyān dravataḥ samantāt ||
pārthasya dṛṣṭvā mṛduyuddhatāṃ ca; bhīṣmaṃ ca saṃkhye samudīryamāṇam ||
amṛṣyamāṇaḥ sa tato mahātmā; yaśasvinaṃ sarvadaśārhabhartā ||
uvāca śaineyam abhipraśaṃsan; dṛṣṭvā kurūn āpatataḥ samantāt ||
ye yānti yāntv eva śinipravīra; ye 'pi sthitāḥ sātvata te 'pi yāntu ||
bhīṣmaṃ rathāt paśya nipātyamānaṃ; droṇaṃ ca saṃkhye sagaṇaṃ mayādya ||
nāsau rathaḥ sātvata kauravāṇāṃ; kruddhasya mucyeta raṇe 'dya kaś cit ||
tasmād ahaṃ gṛhya rathāṅgam ugraṃ; prāṇaṃ hariṣyāmi mahāvratasya ||
nihatya bhīṣmaṃ sagaṇaṃ tathājau; droṇaṃ ca śaineya rathapravīram ||
prītiṃ kariṣyāmi dhanaṃjayasya; rājñaś ca bhīmasya tathāśvinoś ca ||
nihatya sarvān dhṛtarāṣṭraputrāṃs; tatpakṣiṇo ye ca narendramukhyāḥ ||
rājyena rājānam ajātaśatruṃ; saṃpādayiṣyāmy aham adya hṛṣṭaḥ ||

शब्दशः अर्थ
संस्कृतIASTअर्थ
ततः कृष्णः तु समरेtataḥ kṛṣṇaḥ tu samarethen Krishna in the battle; after this, Krishna in the fight
दृष्ट्वा भीष्मपराक्रमम्dṛṣṭvā bhīṣmaparākramamhaving seen Bhishma's prowess; beholding Bhishma's might
संप्रेक्ष्य च महाबाहुःsaṃprekṣya ca mahābāhuḥand having observed, the mighty-armed one; and closely noting, the strong-armed one
पार्थस्य मृदुयुद्धताम्pārthasya mṛduyuddhatāmthe mildness of Partha's fighting; Arjuna's restrained combat
भीष्मम् च शरवर्षाणिbhīṣmam ca śaravarṣāṇiand Bhishma, showers of arrows; Bhishma, torrents of arrows
सृजन्तम् अनिशम् युधिsṛjantam aniśam yudhipouring forth ceaselessly in battle; incessantly releasing in the fight
प्रतपन्तम् इव आदित्यम्pratapantam iva ādityamblazing like the sun; burning like Aditya
मध्यम् आसाद्य सेनयोःmadhyam āsādya senayoḥhaving reached the middle of the two armies; standing between the armies
वरान् वरान् विनिघ्नन्तम्varān varān vinighnantamslaying the best of the best; striking down the finest warriors
पाण्डुपुत्रस्य सैनिकान्pāṇḍuputrasya sainikānthe soldiers of the son of Pandu; the soldiers of the Pandava
युगान्तम् इव कुर्वाणम्yugāntam iva kurvāṇammaking it as though the end of the age; as though bringing about the end of the yuga
भीष्मम् यौधिष्ठिरे बलेbhīṣmam yaudhiṣṭhire baleBhishma among Yudhishthira's forces; Bhishma amid Yudhishthira's army
अमृष्यमाणः भगवान्amṛṣyamāṇaḥ bhagavānunable to bear it, the Blessed One; not enduring this, the Lord
केशवः परवीरहाkeśavaḥ paravīrahāKeshava, slayer of enemy heroes; Krishna, killer of hostile warriors
अचिन्तयत् अमेयात्माacintayat ameyātmāthe immeasurable-souled one thought; the unfathomable one pondered
न अस्ति यौधिष्ठिरम् बलम्na asti yaudhiṣṭhiram balamYudhishthira's army will be no more; the army of Yudhishthira will not remain
एकाह्ना हि रणे भीष्मःekāhnā hi raṇe bhīṣmaḥfor in a single day of battle Bhishma; Bhishma, in one day of fighting
नाशयेत् देवदानवान्nāśayet devadānavāncould destroy gods and danavas; might annihilate gods and demons
किम् उ पाण्डुसुतान् युद्धेkim u pāṇḍusutān yuddhehow much more the sons of Pandu in war; let alone the Pandavas in battle
सबलान् सपदानुगान्sabalān sapadānugānwith their army and followers; with all their forces and retinue
द्रवते च महत् सैन्यम्dravate ca mahat sainyamand the great army flees; the vast army is retreating
पाण्डवस्य महात्मनःpāṇḍavasya mahātmanaḥof the great-souled Pandava; of the great son of Pandu
एते च कौरवाः तूर्णम्ete ca kauravāḥ tūrṇamand these Kauravas swiftly; and these Kurus rapidly
प्रभग्नान् दृश्य सोमकान्prabhagnān dṛśya somakānseeing the Somakas broken; seeing the Somakas shattered
आद्रवन्ति रणे हृष्टाःādravanti raṇe hṛṣṭāḥrush forward in battle, rejoicing; joyfully charge in the fight
हर्षयन्तः पितामहम्harṣayantaḥ pitāmahamdelighting the grandsire; gladdening Bhishma
सः अहम् भीष्मम् निहन्मि अद्यsaḥ aham bhīṣmam nihanmi adyaso I myself shall slay Bhishma today; I myself will strike down Bhishma
पाण्डवार्थाय दंशितःpāṇḍavārthāya daṃśitaḥarmed for the sake of the Pandavas; having taken up arms for the Pandavas' good
भारम् एतम् विनेष्यामिbhāram etam vineṣyāmiI shall remove this burden; I will lift this weight
पाण्डवानाम् महात्मनाम्pāṇḍavānām mahātmanāmfrom the great-souled Pandavas; for the great sons of Pandu
अर्जुनः अपि शरैः तीक्ष्णैःarjunaḥ api śaraiḥ tīkṣṇaiḥand Arjuna, by sharp arrows; even Arjuna, by keen shafts
वध्यमानः हि संयुगेvadhyamānaḥ hi saṃyugebeing struck in the fight; being battered in the encounter
कर्तव्यम् न अभिजानातिkartavyam na abhijānātidoes not know what should be done; cannot discern his duty
रणे भीष्मस्य गौरवात्raṇe bhīṣmasya gauravātin battle, out of reverence for Bhishma; from respect for Bhishma
तथा चिन्तयतः तस्यtathā cintayataḥ tasyaas He was thinking thus; while He was so reflecting
भूयः एव पितामहःbhūyaḥ eva pitāmahaḥonce again the grandsire; once more Bhishma
प्रेषयाम् आस संक्रुद्धःpreṣayām āsa saṃkruddhaḥsent forth, enraged; dispatched, in fury
शरान् पार्थरथम् प्रतिśarān pārtharatham pratiarrows toward Partha's chariot; shafts at Arjuna's chariot
तेषाम् बहुत्वात् हि भृशम्teṣām bahutvāt hi bhṛśambecause of the very great abundance; from the sheer multitude of them
शराणाम्śarāṇāmof arrows; of those arrows
दिशः अथ सर्वाःdiśaḥ atha sarvāḥthen all the quarters; all directions then
पिहिता बभूवुःpihitā babhūvuḥbecame covered; were obscured
न च अन्तरिक्षम्na ca antarikṣamand neither the sky; nor the airy space
न दिशः न भूमिःna diśaḥ na bhūmiḥnor the quarters, nor the earth; nor directions, nor ground
न भास्करः अदृश्यतna bhāskaraḥ adṛśyatanor was the sun seen; the luminary could not be seen
रश्मिमालीraśmimālīcrowned with rays; possessor of a garland of rays
ववुः च वाताः तुमुलाःvavuḥ ca vātāḥ tumulāḥand tumultuous winds blew; wild winds arose
सधूमाःsadhūmāḥladen with smoke; smoky
दिशः च सर्वाःdiśaḥ ca sarvāḥand all the quarters; all the directions
क्षुभिता बभूवुःkṣubhitā babhūvuḥbecame agitated; fell into turmoil
द्रोणः विकर्णः अथ जयद्रथः चdroṇaḥ vikarṇaḥ atha jayadrathaḥ caDrona, Vikarna, and Jayadratha; Drona with Vikarna and Jayadratha
भूरिश्रवाः कृतवर्मा कृपः चbhūriśravāḥ kṛtavarmā kṛpaḥ caBhurishravas, Kritavarman, and Kripa; Bhurishravas with Kritavarman and Kripa
श्रुतायुः अम्बष्ठपतिः च राजाśrutāyuḥ ambaṣṭhapatiḥ ca rājāShrutayus and the king of the Ambashthas; Shrutayus, lord of the Ambashthas
विन्दानुविन्दौ च सुदक्षिणः चvindānuvindau ca sudakṣiṇaḥ caVinda and Anuvinda, and Sudakshina; Vinda with Anuvinda, and Sudakshina
प्राच्याः च सौवीरगणाः च सर्वेprācyāḥ ca sauvīragaṇāḥ ca sarvethe easterners and all the Sauviras; the eastern warriors and the Sauviras
वसातयः क्षुद्रकमालवाः चvasātayaḥ kṣudrakamālavāḥ cathe Vasatis and the Kshudraka-Malavas; the Vasatis, Kshudrakas, Malavas
किरीटिनम् त्वरमाणा अभिसस्रुःkirīṭinam tvaramāṇā abhisasruḥrushed swiftly upon the diademed one; hastened toward Arjuna
निदेशगाः शांतनवस्य राज्ञःnideśagāḥ śāṃtanavasya rājñaḥobedient to the command of King Shantanava; carrying out Bhishma's order
तम् वाजिपादातरथौघजालैःtam vājipādātarathaughajālaiḥwith masses of horses, foot, and chariots; with streams of cavalry, infantry, and chariots
अनेकसाहस्रशतैः ददर्शanekasāhasraśataiḥ dadarśasaw amid many hundred thousands; beheld among many thousands
किरीटिनम् संपरिवार्यमाणम्kirīṭinam saṃparivāryamāṇamthe diademed one being surrounded; Arjuna, being encircled on every side
शिनेः नप्ता वारणयूथपैः चśineḥ naptā vāraṇayūthapaiḥ cathe grandson of Shini, and by the leaders of elephants; Satyaki, together with the elephant-commanders
ततः तु दृष्ट्वा अर्जुनवासुदेवौtataḥ tu dṛṣṭvā arjunavāsudevauthen, having seen Arjuna and Vasudeva; after this, seeing the two of them
पदातिनागाश्वरथैः समन्तात्padātināgāśvarathaiḥ samantātby infantry, elephants, horses, and chariots on every side; surrounded by foot, elephants, horses, chariots
अभिद्रुतौ शस्त्रभृताम् वरिष्ठौabhidrutau śastrabhṛtām variṣṭhauthe two best of weapon-bearers, assailed; the two finest warriors, being attacked
शिनिप्रवीरः अभिसासार तूर्णम्śinipravīraḥ abhisāsāra tūrṇamthe hero of Shini swiftly hastened; Satyaki quickly came to their aid
स तानि अनीकानि महाधनुष्मान्sa tāni anīkāni mahādhanuṣmānhe, the great archer, upon those forces; he, the mighty bowman, against those ranks
शिनिप्रवीरः सहसा अभिपत्यśinipravīraḥ sahasā abhipatyathe hero of Shini, suddenly attacking; Satyaki, having charged at once
चकार साहाय्यम् अथ अर्जुनस्यcakāra sāhāyyam atha arjunasyathen gave help to Arjuna; went on to assist Arjuna
विष्णुः यथा वृत्रनिषूदनस्यviṣṇuḥ yathā vṛtraniṣūdanasyaas Vishnu did for the slayer of Vritra; as Vishnu helped Indra
विशीर्णनागाश्वरथध्वजौघम्viśīrṇanāgāśvarathadhvajaughamwith elephants, horses, chariots, and banners shattered; with its ranks of elephants, horses, chariots, standards scattered
भीष्मेण वित्रासितसर्वयोधम्bhīṣmeṇa vitrāsitasarvayodhamits whole host terrified by Bhishma; wholly panic-stricken by Bhishma
युधिष्ठिरानीकम् अभिद्रवन्तम्yudhiṣṭhirānīkam abhidravantamfleeing toward Yudhishthira's army; rushing to Yudhishthira's camp
प्रोवाच संदृश्य शिनिप्रवीरःprovāca saṃdṛśya śinipravīraḥthe hero of Shini said, having seen; Satyaki saw and spoke
क्व क्षत्रिया यास्यथkva kṣatriyā yāsyathawhere, O kshatriyas, will you go; where are you fleeing, kshatriyas
न एष धर्मःna eṣa dharmaḥthis is not dharma; this is not the proper duty
सताम् पुरस्तात् कथितःsatām purastāt kathitaḥproclaimed before the virtuous; declared before the good
पुराणैःpurāṇaiḥby the ancients; by the sages of old
मा स्वाम् प्रतिज्ञाम् जहतmā svām pratijñām jahatado not abandon your own vow; do not forsake your own pledge
प्रवीराःpravīrāḥO foremost heroes; O excellent warriors
स्वम् वीरधर्मम् परिपालयध्वम्svam vīradharmam paripālayadhvamuphold your own warrior's dharma; fulfill the duty of a hero
तान् वासवान् अन्तरजः निशम्यtān vāsavān antarajaḥ niśamyahaving heard those chief kings, the offspring of Vasava; the son of Indra, hearing them
नरेन्द्रमुख्यान् द्रवतः समन्तात्narendramukhyān dravataḥ samantātthe foremost kings fleeing on every side; the lords fleeing all around
पार्थस्य दृष्ट्वा मृदुयुद्धताम् चpārthasya dṛṣṭvā mṛduyuddhatām caand having seen the mildness of Partha's fighting; noting Arjuna's restraint
भीष्मम् च संख्ये समुदीर्यमाणम्bhīṣmam ca saṃkhye samudīryamāṇamand Bhishma growing stronger in battle; Bhishma, pressing ever harder
अमृष्यमाणः स ततः महात्माamṛṣyamāṇaḥ sa tataḥ mahātmāthe great-souled one, unable to bear it; he then, not enduring it
यशस्विनम् सर्वदशार्हभर्ताyaśasvinam sarvadaśārhabhartāthe glorious lord of all the Dasharhas; the renowned ruler of the Dasharhas
उवाच शैनेयम् अभिप्रशंसन्uvāca śaineyam abhipraśaṃsanspoke to the grandson of Shini, praising him; addressed Satyaki with praise
दृष्ट्वा कुरून् आपततः समन्तात्dṛṣṭvā kurūn āpatataḥ samantātseeing the Kurus attacking on every side; beholding the Kurus' onslaught
ये यान्ति यान्तु एवye yānti yāntu evalet those who flee simply flee; whoever runs, let him run
शिनिप्रवीरśinipravīraO hero of Shini; O valiant Satyaki
ये अपि स्थिताः सात्वतye api sthitāḥ sātvataand whoever still stands, O Satvata; and those who stand, O Satvata
ते अपि यान्तुte api yāntulet them too go; let them flee as well
भीष्मम् रथात् पश्यbhīṣmam rathāt paśyawatch Bhishma be cast from his chariot; see how Bhishma
निपात्यमानम्nipātyamānambeing brought down; being felled
द्रोणम् च संख्ये सगणम्droṇam ca saṃkhye sagaṇamand Drona in battle, with his troop; Drona together with his host
मया अद्यmayā adyaby me today; today by my hand
न असौ रथः सात्वतna asau rathaḥ sātvatanot that chariot, O Satvata; no chariot, O Satvata
कौरवाणाम्kauravāṇāmof the Kauravas; of the Kuru army
क्रुद्धस्य मुच्येत रणेkruddhasya mucyeta raṇeshall escape my wrath in battle; shall escape my fury
अद्य कः चित्adya kaḥ cittoday any at all; today even one
तस्मात् अहम् गृह्यtasmāt aham gṛhyatherefore, having seized; so I shall take
रथाङ्गम् उग्रम्rathāṅgam ugramthe terrible wheel of the chariot; the dread chariot-wheel
प्राणम् हरिष्यामिprāṇam hariṣyāmiI shall take his life; I will take away his life
महाव्रतस्यmahāvratasyaof the one of the great vow; of the keeper of the great vow
निहत्य भीष्मम् सगणम्nihatya bhīṣmam sagaṇamhaving slain Bhishma with his troop; having struck down Bhishma with his host
तथा आजौtathā ājaualso in the fight; and in the battle
द्रोणम् च शैनेयdroṇam ca śaineyaand Drona, O grandson of Shini; and Drona, O Satyaki
रथप्रवीरम्rathapravīramthe foremost of charioteers; the outstanding chariot-warrior
प्रीतिम् करिष्यामि धनंजयस्यprītim kariṣyāmi dhanaṃjayasyaI shall bring joy to Dhananjaya; I will please Arjuna
राज्ञः च भीमस्यrājñaḥ ca bhīmasyaand to the king, and to Bhima; as well as to the king and Bhima
तथा अश्विनोः चtathā aśvinoḥ caand likewise to the two Ashvins; and to both sons of Madri
निहत्य सर्वान् धृतराष्ट्रपुत्रान्nihatya sarvān dhṛtarāṣṭraputrānhaving slain all the sons of Dhritarashtra; having struck down all the Dhartarashtras
तत्पक्षिणः ये चtatpakṣiṇaḥ ye caand those on their side; and their followers
नरेन्द्रमुख्याःnarendramukhyāḥthe foremost kings; the chief rulers
राज्येन राजानम् अजातशत्रुम्rājyena rājānam ajātaśatrumwith the kingdom, King Ajatashatru; Yudhishthira, with sovereignty
संपादयिष्यामि अहम् अद्यsaṃpādayiṣyāmi aham adyaI shall endow today; today I shall provide
हृष्टःhṛṣṭaḥjoyful; filled with joy
अनुवाद

Then Krishna, seeing Bhishma's prowess, noting the mighty-armed Partha's restrained fighting, and watching how Bhishma, standing between the two armies, poured forth ceaseless showers of arrows in battle, blazed like the sun, and struck down the finest warriors of the son of Pandu as though bringing about the end of an age within Yudhishthira's army, could not bear it any longer. The Blessed Keshava, slayer of enemy heroes, immeasurable in spirit, thought: 'Yudhishthira's army will be no more. For in a single day of battle Bhishma could destroy gods and demons — how much more the Pandavas with their army and followers. The great army of the Pandava is fleeing; these Kauravas, seeing the Somakas broken, rush forward joyfully, delighting the grandsire. Therefore I myself, armed today for the sake of the Pandavas, will slay Bhishma and lift this burden from the great-souled sons of Pandu. Yet Arjuna, though struck by sharp arrows, out of reverence for Bhishma does not know what he must do in this battle.' While He was so reflecting, the enraged grandsire once again sent arrows toward Partha's chariot. From the sheer multitude of these arrows all the quarters became covered; neither the sky, nor the directions, nor the earth, nor the radiant sun could be seen. Tumultuous, smoke-laden winds blew, and every quarter fell into turmoil. Drona, Vikarna, Jayadratha, Bhurishravas, Kritavarman, Kripa, Shrutayus, the king of the Ambashthas, Vinda and Anuvinda, Sudakshina, the eastern warriors, all the Sauviras, the Vasatis, the Kshudrakas, and the Malavas, obeying the command of King Shantanava, rushed swiftly upon the diademed Arjuna. The grandson of Shini saw Arjuna surrounded by many hundreds of thousands of streams of cavalry, infantry, and chariots, and by the leaders of elephants. Seeing that Arjuna and Vasudeva, the finest of weapon-bearers, were assailed on every side by foot soldiers, elephants, horses, and chariots, the hero of Shini quickly came to their aid. The great archer Satyaki charged swiftly at these battle-lines and gave help to Arjuna, as Vishnu once helped the slayer of Vritra. Then the hero of Shini saw Yudhishthira's army — its elephants, horses, chariots, and banners shattered, wholly terrified by Bhishma, and fleeing toward its own camp — and said: 'Where are you fleeing, kshatriyas? This is not the dharma proclaimed by the ancients before the virtuous. Do not abandon your own vow, O foremost heroes; uphold your own warrior's dharma.' Hearing this, the offspring of Vasava, seeing the foremost kings fleeing on every side, noting the mildness of Partha's fighting and Bhishma's ever-mounting assault, could bear it no longer. The glorious lord of all the Dasharhas, watching the Kurus advancing from every direction, addressed the grandson of Shini with praise: 'Let those who flee simply flee, O hero of Shini; let those who still stand, O Satvata, flee as well. Watch: today I myself will cast Bhishma down from his chariot in battle, and Drona together with his troop. No chariot of the Kauravas shall escape my wrath today, O Satvata. Therefore I shall seize the terrible chariot-wheel and take the life of the keeper of the great vow. Having slain Bhishma with his troop in battle, and Drona, the foremost of charioteers, O grandson of Shini, I shall bring joy to Dhananjaya, to the king, to Bhima, and to both sons of Madri. Having slain all the sons of Dhritarashtra and the chief kings on their side, I shall today, rejoicing, bestow the kingdom upon King Ajatashatru.'

संस्करण

3a734d599680 · प्रकाशित 17 जुल॰ 2026, 9:22:45 pm UTC

उपलब्ध भाषाएँRUEN
पिछलाश्लोक 6.55.47-62

श्लोक बदलें इन कुंजियों से