भीष्मस्य धनुषश् छेदं नामृष्यन्त महारथाः ॥
द्रोणश् च कृतवर्मा च सैन्धवश् च जयद्रथः ॥
भूरिश्रवाः शलः शल्यो भगदत्तस् तथैव च ॥
सप्तैते परमक्रुद्धाः किरीटिनम् अभिद्रुताः ॥
उत्तमास्त्राणि दिव्यानि दर्शयन्तो महारथाः ॥
अभिपेतुर् भृशं क्रुद्धाश् छादयन्त स्म पाण्डवान् ॥
तेषाम् आपततां शब्दः शुश्रुवे फल्गुनं प्रति ॥
उद्वृत्तानां यथा शब्दः समुद्राणां युगक्षये ॥
हतानयत गृह्णीत युध्यतापि च कृन्तत ॥
इत्य् आसीत् तुमुलः शब्दः फल्गुनस्य रथं प्रति ॥
तं शब्दं तुमुलं श्रुत्वा पाण्डवानां महारथाः ॥
अभ्यधावन् परीप्सन्तः फल्गुनं भरतर्षभ ॥
सात्यकिर् भीमसेनश् च धृष्टद्युम्नश् च पार्षतः ॥
विराटद्रुपदौ चोभौ राक्षसश् च घटोत्कचः ॥
अभिमन्युश् च संक्रुद्धः सप्तैते क्रोधमूर्छिताः ॥
समभ्यधावंस् त्वरिताश् चित्रकार्मुकधारिणः ॥
तेषां समभवद् युद्धं तुमुलं लोमहर्षणम् ॥
संग्रामे भरतश्रेष्ठ देवानां दानवैर् इव ॥
शिखण्डी तु रथश्रेष्ठो रक्ष्यमाणः किरीटिना ॥
अविध्यद् दशभिर् भीष्मं छिन्नधन्वानम् आहवे ॥
सारथिं दशभिश् चास्य ध्वजं चैकेन चिच्छिदे ॥
सो ऽन्यत् कार्मुकम् आदाय गाङ्गेयो वेगवत्तरम् ॥
तद् अप्य् अस्य शितैर् भल्लैस् त्रिभिश् चिच्छेद फल्गुनः ॥
एवं स पाण्डवः क्रुद्ध आत्तम् आत्तं पुनः पुनः ॥
धनुर् भीष्मस्य चिच्छेद सव्यसाची परंतपः ॥
स च्छिन्नधन्वा संक्रुद्धः सृक्किणी परिसंलिहन् ॥
शक्तिं जग्राह संक्रुद्धो गिरीणाम् अपि दारणीम् ॥
तां च चिक्षेप संक्रुद्धः फल्गुनस्य रथं प्रति ॥
ताम् आपतन्तीं संप्रेक्ष्य ज्वलन्तीम् अशनीम् इव ॥
समादत्त शितान् भल्लान् पञ्च पाण्डवनन्दनः ॥
तस्य चिच्छेद तां शक्तिं पञ्चधा पञ्चभिः शरैः ॥
संक्रुद्धो भरतश्रेष्ठ भीष्मबाहुबलेरिताम् ॥
सा पपात परिच्छिन्ना संक्रुद्धेन किरीटिना ॥
मेघवृन्दपरिभ्रष्टा विच्छिन्नेव शतह्रदा ॥
छिन्नां तां शक्तिम् आलोक्य भीष्मः क्रोधसमन्वितः ॥
अचिन्तयद् रणे वीरो बुद्ध्या परपुरंजयः ॥
bhīṣmasya dhanuṣaś chedaṃ nāmṛṣyanta mahārathāḥ ||
droṇaś ca kṛtavarmā ca saindhavaś ca jayadrathaḥ ||
bhūriśravāḥ śalaḥ śalyo bhagadattas tathaiva ca ||
saptaite paramakruddhāḥ kirīṭinam abhidrutāḥ ||
uttamāstrāṇi divyāni darśayanto mahārathāḥ ||
abhipetur bhṛśaṃ kruddhāś chādayanta sma pāṇḍavān ||
teṣām āpatatāṃ śabdaḥ śuśruve phalgunaṃ prati ||
udvṛttānāṃ yathā śabdaḥ samudrāṇāṃ yugakṣaye ||
hatānayata gṛhṇīta yudhyatāpi ca kṛntata ||
ity āsīt tumulaḥ śabdaḥ phalgunasya rathaṃ prati ||
taṃ śabdaṃ tumulaṃ śrutvā pāṇḍavānāṃ mahārathāḥ ||
abhyadhāvan parīpsantaḥ phalgunaṃ bharatarṣabha ||
sātyakir bhīmasenaś ca dhṛṣṭadyumnaś ca pārṣataḥ ||
virāṭadrupadau cobhau rākṣasaś ca ghaṭotkacaḥ ||
abhimanyuś ca saṃkruddhaḥ saptaite krodhamūrchitāḥ ||
samabhyadhāvaṃs tvaritāś citrakārmukadhāriṇaḥ ||
teṣāṃ samabhavad yuddhaṃ tumulaṃ lomaharṣaṇam ||
saṃgrāme bharataśreṣṭha devānāṃ dānavair iva ||
śikhaṇḍī tu rathaśreṣṭho rakṣyamāṇaḥ kirīṭinā ||
avidhyad daśabhir bhīṣmaṃ chinnadhanvānam āhave ||
sārathiṃ daśabhiś cāsya dhvajaṃ caikena cicchide ||
so 'nyat kārmukam ādāya gāṅgeyo vegavattaram ||
tad apy asya śitair bhallais tribhiś ciccheda phalgunaḥ ||
evaṃ sa pāṇḍavaḥ kruddha āttam āttaṃ punaḥ punaḥ ||
dhanur bhīṣmasya ciccheda savyasācī paraṃtapaḥ ||
sa cchinnadhanvā saṃkruddhaḥ sṛkkiṇī parisaṃlihan ||
śaktiṃ jagrāha saṃkruddho girīṇām api dāraṇīm ||
tāṃ ca cikṣepa saṃkruddhaḥ phalgunasya rathaṃ prati ||
tām āpatantīṃ saṃprekṣya jvalantīm aśanīm iva ||
samādatta śitān bhallān pañca pāṇḍavanandanaḥ ||
tasya ciccheda tāṃ śaktiṃ pañcadhā pañcabhiḥ śaraiḥ ||
saṃkruddho bharataśreṣṭha bhīṣmabāhubaleritām ||
sā papāta paricchinnā saṃkruddhena kirīṭinā ||
meghavṛndaparibhraṣṭā vicchinneva śatahradā ||
chinnāṃ tāṃ śaktim ālokya bhīṣmaḥ krodhasamanvitaḥ ||
acintayad raṇe vīro buddhyā parapuraṃjayaḥ ||
The great warriors could not bear the cutting of Bhishma's bow: Drona, Kritavarman, Jayadratha lord of Sindhu, Bhurishravas, Shala, Shalya, and Bhagadatta - these seven, in utmost fury, rushed upon Kiritin. Displaying the finest divine astras, the great chariot-fighters attacked fiercely and covered the Pandavas with missiles. The roar of their onslaught against Phalguna was heard like the surging of oceans at the end of an age. "Kill! Seize! Capture! Fight and cut down!" - such was the tumultuous cry around Phalguna's chariot. Hearing this din, the great warriors of the Pandavas rushed to save Phalguna, O bull of the Bharatas: Satyaki, Bhimasena, Dhrishtadyumna son of Prishata, both King Virata and King Drupada, the rakshasa Ghatotkacha, and the enraged Abhimanyu. These seven, overcome by wrath and bearing many-colored bows, hastened forward. Among them a tumultuous, hair-raising battle broke out, O best of the Bharatas, like a battle of gods against danavas. Shikhandin, the finest of chariot-warriors, protected by Kiritin, pierced Bhishma - now deprived of his bow - with ten arrows, his charioteer with ten, and cut down his banner with one. The son of Ganga took up another, still mightier bow, but Phalguna severed that too with three sharp bhallas. Thus the enraged Pandava, Savyasachin, scorcher of foes, cut down every bow that Bhishma took up, again and again. Then Bhishma, bowless and enraged, licking the corners of his mouth, seized a shakti capable of splitting even mountains and hurled it at Phalguna's chariot. Seeing it come flying, blazing like lightning, the joy of the Pandavas took up five sharp bhallas. The enraged Kiritin, O best of the Bharatas, with five arrows cut that shakti - hurled by the strength of Bhishma's arm - into five pieces. Severed by the furious Arjuna, it fell like a bolt of lightning broken loose from a mass of clouds. Seeing his shakti cut down, the hero Bhishma, conqueror of enemy cities, fell to pondering in the midst of battle."
624b0cbaba75 · प्रकाशित 17 जुल॰ 2026, 10:03:50 pm UTC
उपलब्ध भाषाएँRUENश्लोक बदलें इन कुंजियों से
Bhishma's guard still strives to shield his warrior's inviolability, but Arjuna methodically breaks every weapon he takes up - bow after bow, then even the mountain-splitting shakti. Bhishma's strength has not failed him, yet he now sees that the turn of fate has come.