संजय उवाच
ततो दुर्योधनो भूयो मद्रराजं तरस्विनम् ॥
उवाच राजन् संग्रामे संयच्छन्तं हयोत्तमान् ॥
त्वयाभिगुप्तो राधेयो विजेष्यति धनंजयम् ॥
इत्य् उक्तो रथम् आस्थाय तथेति प्राह भारत ॥
शल्ये ऽभ्युपगते कर्णः सारथिं सुमनो ऽब्रवीत् ॥
स्वं सूत स्यन्दनं मह्यं कल्पयेत्य् असकृत् त्वरन् ॥
ततो जैत्रं रथवरं गन्धर्वनगरोपमम् ॥
विधिवत् कल्पितं भर्त्रे जयेत्य् उक्त्वा न्यवेदयत् ॥
तं रथं रथिनां श्रेष्ठः कर्णो ऽभ्यर्च्य यथाविधि ॥
संपादितं ब्रह्मविदा पूर्वम् एव पुरोधसा ॥
कृत्वा प्रदक्षिणं यत्नाद् उपस्थाय च भास्करम् ॥
समीपस्थं मद्रराजं समारोपयद् अग्रतः ॥
ततः कर्णस्य दुर्धर्षं स्यन्दनप्रवरं महत् ॥
आरुरोह महातेजाः शल्यः सिंह इवाचलम् ॥
ततः शल्यास्थितं राजन् कर्णः स्वरथम् उत्तमम् ॥
अध्यतिष्ठद् यथाम्भोदं विद्युत्वन्तं दिवाकरः ॥
ताव् एकरथम् आरूढाव् आदित्याग्निसमत्विषौ ॥
व्यभ्राजेतां यथा मेघं सूर्याग्नी सहितौ दिवि ॥
संस्तूयमानौ तौ वीरौ तदास्तां द्युतिमत्तरौ ॥
ऋत्विक् सदस्यैर् इन्द्राग्नी हूयमानाव् इवाध्वरे ॥
स शल्यसंगृहीताश्वे रथे कर्णः स्थितो ऽभवत् ॥
धनुर् विस्फारयन् घोरं परिवेषीव भास्करः ॥
आस्थितः स रथश्रेष्ठं कर्णः शरगभस्तिमान् ॥
प्रबभौ पुरुषव्याघ्रो मन्दरस्थ इवांशुमान् ॥
saṃjaya uvāca
tato duryodhano bhūyo madrarājaṃ tarasvinam ||
uvāca rājan saṃgrāme saṃyacchantaṃ hayottamān ||
tvayābhigupto rādheyo vijeṣyati dhanaṃjayam ||
ity ukto ratham āsthāya tatheti prāha bhārata ||
śalye 'bhyupagate karṇaḥ sārathiṃ sumano 'bravīt ||
svaṃ sūta syandanaṃ mahyaṃ kalpayety asakṛt tvaran ||
tato jaitraṃ rathavaraṃ gandharvanagaropamam ||
vidhivat kalpitaṃ bhartre jayety uktvā nyavedayat ||
taṃ rathaṃ rathināṃ śreṣṭhaḥ karṇo 'bhyarcya yathāvidhi ||
saṃpāditaṃ brahmavidā pūrvam eva purodhasā ||
kṛtvā pradakṣiṇaṃ yatnād upasthāya ca bhāskaram ||
samīpasthaṃ madrarājaṃ samāropayad agrataḥ ||
tataḥ karṇasya durdharṣaṃ syandanapravaraṃ mahat ||
āruroha mahātejāḥ śalyaḥ siṃha ivācalam ||
tataḥ śalyāsthitaṃ rājan karṇaḥ svaratham uttamam ||
adhyatiṣṭhad yathāmbhodaṃ vidyutvantaṃ divākaraḥ ||
tāv ekaratham ārūḍhāv ādityāgnisamatviṣau ||
vyabhrājetāṃ yathā meghaṃ sūryāgnī sahitau divi ||
saṃstūyamānau tau vīrau tadāstāṃ dyutimattarau ||
ṛtvik sadasyair indrāgnī hūyamānāv ivādhvare ||
sa śalyasaṃgṛhītāśve rathe karṇaḥ sthito 'bhavat ||
dhanur visphārayan ghoraṃ pariveṣīva bhāskaraḥ ||
āsthitaḥ sa rathaśreṣṭhaṃ karṇaḥ śaragabhastimān ||
prababhau puruṣavyāghro mandarastha ivāṃśumān ||
Санджая сказал: «Затем Дурьодхана снова сказал стремительному царю мадров, который уже правил лучшими конями в бою: “Под твоей защитой Радхея победит Дхананджаю”. Услышав это, Шалья взошёл на колесницу и сказал: “Да будет так”, о Бхарата. Когда Шалья согласился, Карна, радостный и спешащий, многократно велел своему вознице: “Приготовь мне мою колесницу”. Тогда возница, сказав “Победа!”, представил господину победоносную лучшую колесницу, подобную городу гандхарвов, приготовленную по правилу. Карна, лучший среди ратхинов, почтил эту колесницу как положено; она была заранее освящена знающим Брахман пурохитой. Старательно обойдя её справа и поклонившись Солнцу, Карна посадил стоявшего рядом царя мадров впереди. После этого великосияющий Шалья взошёл на великую, неудержимую, превосходную колесницу Карны, как лев всходит на гору. Когда Шалья занял место, Карна взошёл на свою лучшую колесницу, словно солнце на молниеносное облако. Они двое, поднявшись на одну колесницу и сияя как Солнце и Огонь, засияли, словно эти два светила вместе в небе. Восхваляемые герои стояли тогда ещё блистательнее, как Индра и Агни, призываемые жрецами и участниками на жертвоприношении. Карна стоял на колеснице с конями, удерживаемыми Шальей, и, натягивая грозный лук, был подобен солнцу в ореоле. Взойдя на лучшую колесницу, тигр среди людей Карна, лучистый стрелами, засиял, словно Солнце на Мандаре».
6c7497ee12fa · प्रकाशित 20 जून 2026, 5:08:55 am UTC
उपलब्ध भाषाएँRUश्लोक बदलें इन कुंजियों से
Обрядовый подъём Карны на колесницу создаёт почти жертвенную сцену: поклон Солнцу, обход, восхваление, сияние двух героев. Но эта красота стоит на пороге гибели.