Vedawordएक वैदिक पुस्तकालय
खोज
प्रवेश
महाभारत
Karṇa Sets Out with Śalya and Is Taunted8.26.23-29
8781 / 15823
महाभारत · 8.26.23-29
॥
देवनागरी

प्रतिगृह्य तु तद् वाक्यं रथस्थो रथसत्तमः ॥
अभ्यभाषत राधेयः शल्यं युद्धविशारदम् ॥
चोदयाश्वान् महाबाहो यावद् धन्मि धनंजयम् ॥
भीमसेनं यमौ चोभौ राजानं च युधिष्ठिरम् ॥
अद्य पश्यतु मे शल्य बाहुवीर्यं धनंजयः ॥
अस्यतः कङ्कपत्राणां सहस्राणि शतानि च ॥
अद्य क्षेप्स्याम्य् अहं शल्य शरान् परमतेजनान् ॥
पाण्डवानां विनाशाय दुर्योधनजयाय च ॥
शल्य उवाच
सूतपुत्र कथं नु त्वं पाण्डवान् अवमन्यसे ॥
सर्वास्त्रज्ञान् महेष्वासान् सर्वान् एव महारथान् ॥
अनिवर्तिनो महाभागान् अजेयान् सत्यविक्रमान् ॥
अपि संजनयेयुर् ये भयं साक्षाच् छतक्रतोः ॥
यदा श्रोष्यसि निर्घोषं विस्फूर्जितम् इवाशनेः ॥
राधेय गाण्डिवस्याजौ तदा नैवं वदिष्यसि ॥

लिप्यंतरण (IAST)

pratigṛhya tu tad vākyaṃ rathastho rathasattamaḥ ||
abhyabhāṣata rādheyaḥ śalyaṃ yuddhaviśāradam ||
codayāśvān mahābāho yāvad dhanmi dhanaṃjayam ||
bhīmasenaṃ yamau cobhau rājānaṃ ca yudhiṣṭhiram ||
adya paśyatu me śalya bāhuvīryaṃ dhanaṃjayaḥ ||
asyataḥ kaṅkapatrāṇāṃ sahasrāṇi śatāni ca ||
adya kṣepsyāmy ahaṃ śalya śarān paramatejanān ||
pāṇḍavānāṃ vināśāya duryodhanajayāya ca ||
śalya uvāca
sūtaputra kathaṃ nu tvaṃ pāṇḍavān avamanyase ||
sarvāstrajñān maheṣvāsān sarvān eva mahārathān ||
anivartino mahābhāgān ajeyān satyavikramān ||
api saṃjanayeyur ye bhayaṃ sākṣāc chatakratoḥ ||
yadā śroṣyasi nirghoṣaṃ visphūrjitam ivāśaneḥ ||
rādheya gāṇḍivasyājau tadā naivaṃ vadiṣyasi ||

शब्दशः अर्थ
संस्कृतIASTअर्थ
प्रतिगृह्य तु तत् वाक्यम्pratigṛhya tu tat vākyamприняв же то слово; услышав приказ
रथस्थः रथसत्तमःrathasthaḥ rathasattamaḥстоящий на колеснице лучший ратхин; Карна
अभ्यभाषत राधेयःabhyabhāṣata rādheyaḥобратился Радхея; Карна сказал
शल्यम् युद्धविशारदम्śalyam yuddhaviśāradamк Шалье, сведущему в бою; к опытному Шалье
चोदयाश्वान् महाबाहोcodayāśvān mahābāhoпогоняй коней, могучий; правь конями
यावत् धन्मि धनंजयम्yāvat dhanmi dhanaṃjayamпока убью Дхананджаю; пока сражу Арджуну
भीमसेनम् यमौ च उभौbhīmasenam yamau ca ubhauБхимасену и двух близнецов; Бхиму и близнецов
राजानम् च युधिष्ठिरम्rājānam ca yudhiṣṭhiramи царя Юдхиштхиру; Юдхиштхиру
अद्य पश्यतु मे शल्यadya paśyatu me śalyaсегодня пусть увидит мою, Шалья; пусть увидит
बाहुवीर्यम् धनंजयःbāhuvīryam dhanaṃjayaḥсилу рук Дхананджая; Арджуна мою мощь
अस्यतः कङ्कपत्राणाम्asyataḥ kaṅkapatrāṇāmмечущего цапельнопёрых; когда я пущу
सहस्राणि शतानि चsahasrāṇi śatāni caтысячи и сотни; сотни тысяч стрел
अद्य क्षेप्स्यामि अहम् शल्यadya kṣepsyāmi aham śalyaсегодня метну я, Шалья; я выпущу
शरान् परमतेजनान्śarān paramatejanānстрелы высшей силы; могучие стрелы
पाण्डवानाम् विनाशायpāṇḍavānām vināśāyaдля гибели Пандавов; на уничтожение Пандавов
दुर्योधनजयाय चduryodhanajayāya caи для победы Дурьодханы; ради победы Дурьодханы
शल्य उवाचśalya uvācaШалья сказал; Шалья произнёс
सूतपुत्र कथम् नु त्वम्sūtaputra katham nu tvamсын суты, как же ты; как ты можешь
पाण्डवान् अवमन्यसेpāṇḍavān avamanyaseПандавов презираешь; недооценивать Пандавов
सर्वास्त्रज्ञान् महेष्वासान्sarvāstrajñān maheṣvāsānзнающих все астры, великих лучников; мастеров оружия
सर्वान् एव महारथान्sarvān eva mahārathānвсех именно махаратхов; великих ратхинов
अनिवर्तिनः महाभागान्anivartinaḥ mahābhāgānнеотступающих, великосчастных; непобежимых
अजेयान् सत्यविक्रमान्ajeyān satyavikramānнепобедимых, истинной доблести; верно доблестных
अपि संजनयेयुः येapi saṃjanayeyuḥ yeдаже могли бы породить те; способных вызвать
भयम् साक्षात् शतक्रतोःbhayam sākṣāt śatakratoḥстрах у самого Шатакрату; страх у Индры
यदा श्रोष्यसि निर्घोषम्yadā śroṣyasi nirghoṣamкогда услышишь грохот; когда услышишь звук
विस्फूर्जितम् इव अशनेःvisphūrjitam iva aśaneḥкак раскат молнии; словно гром
राधेय गाण्डिवस्य आजौrādheya gāṇḍivasya ājauРадхея, Гандивы в битве; лука Арджуны
तदा न एवम् वदिष्यसिtadā na evam vadiṣyasiтогда не так скажешь; перестанешь говорить так
अनुवाद

Приняв эти слова, Радхея, лучший ратхин, стоя на колеснице, обратился к сведущему в бою Шалье: «Могучий, погоняй коней, пока я не убью Дхананджаю, Бхимасену, двух близнецов и царя Юдхиштхиру. Сегодня Дхананджая увидит, о Шалья, силу моих рук, когда я буду выпускать сотни тысяч цапельнопёрых стрел. Сегодня, Шалья, я метну стрелы высшей силы на гибель Пандавов и ради победы Дурьодханы». Шалья сказал: «Сын суты, как же ты презираешь Пандавов — знающих все астры, великих лучников, всех до одного махаратхов, неотступающих, благородных, непобедимых и истинно доблестных, способных внушить страх самому Шатакрату? Когда ты услышишь в битве грохот Гандивы, подобный раскату молнии, о Радхея, ты уже не будешь говорить так».

संस्करण

4327847a10a2 · प्रकाशित 20 जून 2026, 8:45:28 am UTC

उपलब्ध भाषाएँRU
पिछलाश्लोक 8.26.16-22

श्लोक बदलें इन कुंजियों से