सुशर्मा तु ततो राजन् बाणेनानतपर्वणा ॥
अर्जुनं हृदये विद्ध्वा विव्याधान्यैस् त्रिभिः शरैः ॥
स गाढविद्धो व्यथितो रथोपस्थ उपाविशत् ॥
प्रतिलभ्य ततः संज्ञां श्वेताश्वः कृष्णसारथिः ॥
ऐन्द्रम् अस्त्रम् अमेयात्मा प्रादुश्चक्रे त्वरान्वितः ॥
ततो बाणसहस्राणि समुत्पन्नानि मारिष ॥
सर्वदिक्षु व्यदृश्यन्त सूदयन्तो नृप द्विपान् ॥
हयान् रथांश् च समरे शस्त्रैः शतसहस्रशः ॥
वध्यमाने ततः सैन्ये विपुला भीः समाविशत् ॥
संशप्तकगणानां च गोपालानां च भारत ॥
न हि कश् चित् पुमांस् तत्र यो ऽर्जुनं प्रत्ययुध्यत ॥
पश्यतां तत्र वीराणाम् अहन्यत महद् बलम् ॥
हन्यमानम् अपश्यंश् च निश्चेष्टाः स्म पराक्रमे ॥
अयुतं तत्र योधानां हत्वा पाण्डुसुतो रणे ॥
व्यभ्राजत रणे राजन् विधूमो ऽग्निर् इव ज्वलन् ॥
चतुर्दश सहस्राणि यानि शिष्टानि भारत ॥
रथानाम् अयुतं चैव त्रिसाहस्राश् च दन्तिनः ॥
ततः संशप्तका भूयः परिवव्रुर् धनंजयम् ॥
मर्तव्यम् इति निश्चित्य जयं वापि निवर्तनम् ॥
तत्र युद्धं महद् ध्य् आसीत् तावकानां विशां पते ॥
शूरेण बलिना सार्धं पाण्डवेन किरीटिना ॥
suśarmā tu tato rājan bāṇenānataparvaṇā ||
arjunaṃ hṛdaye viddhvā vivyādhānyais tribhiḥ śaraiḥ ||
sa gāḍhaviddho vyathito rathopastha upāviśat ||
pratilabhya tataḥ saṃjñāṃ śvetāśvaḥ kṛṣṇasārathiḥ ||
aindram astram ameyātmā prāduścakre tvarānvitaḥ ||
tato bāṇasahasrāṇi samutpannāni māriṣa ||
sarvadikṣu vyadṛśyanta sūdayanto nṛpa dvipān ||
hayān rathāṃś ca samare śastraiḥ śatasahasraśaḥ ||
vadhyamāne tataḥ sainye vipulā bhīḥ samāviśat ||
saṃśaptakagaṇānāṃ ca gopālānāṃ ca bhārata ||
na hi kaś cit pumāṃs tatra yo 'rjunaṃ pratyayudhyata ||
paśyatāṃ tatra vīrāṇām ahanyata mahad balam ||
hanyamānam apaśyaṃś ca niśceṣṭāḥ sma parākrame ||
ayutaṃ tatra yodhānāṃ hatvā pāṇḍusuto raṇe ||
vyabhrājata raṇe rājan vidhūmo 'gnir iva jvalan ||
caturdaśa sahasrāṇi yāni śiṣṭāni bhārata ||
rathānām ayutaṃ caiva trisāhasrāś ca dantinaḥ ||
tataḥ saṃśaptakā bhūyaḥ parivavrur dhanaṃjayam ||
martavyam iti niścitya jayaṃ vāpi nivartanam ||
tatra yuddhaṃ mahad dhy āsīt tāvakānāṃ viśāṃ pate ||
śūreṇa balinā sārdhaṃ pāṇḍavena kirīṭinā ||
Сушарман, царь, пронзил Арджуну в грудь стрелой с загнутыми узлами и ещё тремя стрелами. Глубоко раненный и потрясённый, Арджуна осел на сиденье колесницы. Придя в себя, белоконный воин с Кришной-возницей, неизмеримый духом, быстро применил аиндра-астру. Тогда, почтенный, возникли тысячи стрел; они были видны во всех сторонах и сотнями тысяч оружий поражали в бою слонов, коней и колесницы. Когда войско стало гибнуть, великий страх охватил сонмы самшаптаков и пастухов, Бхарата. Там не было никого, кто мог бы противостоять Арджуне. На глазах героев великая сила уничтожалась; они видели, как её убивают, и оцепенели, не способные проявить доблесть. Убив там в бою десять тысяч воинов, сын Панду сиял, как пылающий бездымный огонь. Но оставшиеся четырнадцать тысяч воинов, десять тысяч колесниц и три тысячи слонов снова окружили Дхананджаю. Самшаптаки решили: смерть или возвращение с победой. Там было великое сражение твоих воинов, владыка людей, с могучим героем, Пандавой Киритиным».
3c0496632d92 · प्रकाशित 20 जून 2026, 8:45:29 am UTC
उपलब्ध भाषाएँRUश्लोक बदलें इन कुंजियों से
Арджуна получает тяжёлый удар, но возвращается через аиндра-астру как бездымный огонь. Самшаптаки же остаются верны своему обету: для них есть только победа или смерть.