एवम् उक्तः प्रत्युवाच विजयो भरतर्षभ ॥
सत्येन ते शपे राजन् प्रसादेन तवैव च ॥
भीमेन च नरश्रेष्ठ यमाभ्यां च महीपते ॥
यथाद्य समरे कर्णं हनिष्यामि हतो ऽथ वा ॥
महीतले पतिष्यामि सत्येनायुधम् आलभे ॥
एवम् आभाष्य राजानम् अब्रवीन् माधवं वचः ॥
अद्य कर्णं रणे कृष्ण सूदयिष्ये न संशयः ॥
तद् अनुध्याहि भद्रं ते वधं तस्य दुरात्मनः ॥
एवम् उक्तो ऽब्रवीत् पार्थं केशवो राजसत्तम ॥
शक्तो ऽस्मि भरतश्रेष्ठ यत्नं कर्तुं यथाबलम् ॥
एवं चापि हि मे कामो नित्यम् एव महारथ ॥
कथं भवान् रणे कर्णं निहन्याद् इति मे मतिः ॥
भूयश् चोवाच मतिमान् माधवो धर्मनन्दनम् ॥
युधिष्ठिरेमं बीभत्सुं त्वं सान्त्वयितुम् अर्हसि ॥
अनुज्ञातुं च कर्णस्य वधायाद्य दुरात्मनः ॥
श्रुत्वा ह्य् अयम् अहं चैव त्वां कर्णशरपीडितम् ॥
प्रवृत्तिं ज्ञातुम् आयाताव् इह पाण्डवनन्दन ॥
दिष्ट्यासि राजन् निरुजो दिष्ट्या न ग्रहणं गतः ॥
परिसान्त्वय बीभत्सुं जयम् आशाधि चानघ ॥
युधिष्ठिर उवाच
एह्य् एहि पार्थ बीभत्सो मां परिष्वज पाण्डव ॥
वक्तव्यम् उक्तो ऽस्म्य् अहितं त्वया क्षान्तं च तन् मया ॥
अहं त्वाम् अनुजानामि जहि कर्णं धनंजय ॥
मन्युं च मा कृथाः पार्थ यन् मयोक्तो ऽसि दारुणम् ॥
संजय उवाच
ततो धनंजयो राजञ् शिरसा प्रणतस् तदा ॥
पादौ जग्राह पाणिभ्यां भ्रातुर् ज्येष्ठस्य मारिष ॥
समुत्थाप्य ततो राजा परिष्वज्य च पीडितम् ॥
मूर्ध्न्य् उपाघ्राय चैवैनम् इदं पुनर् उवाच ह ॥
धनंजय महाबाहो मानितो ऽस्मि दृढं त्वया ॥
माहात्म्यं विजयं चैव भूयः प्राप्नुहि शाश्वतम् ॥
evam uktaḥ pratyuvāca vijayo bharatarṣabha ||
satyena te śape rājan prasādena tavaiva ca ||
bhīmena ca naraśreṣṭha yamābhyāṃ ca mahīpate ||
yathādya samare karṇaṃ haniṣyāmi hato 'tha vā ||
mahītale patiṣyāmi satyenāyudham ālabhe ||
evam ābhāṣya rājānam abravīn mādhavaṃ vacaḥ ||
adya karṇaṃ raṇe kṛṣṇa sūdayiṣye na saṃśayaḥ ||
tad anudhyāhi bhadraṃ te vadhaṃ tasya durātmanaḥ ||
evam ukto 'bravīt pārthaṃ keśavo rājasattama ||
śakto 'smi bharataśreṣṭha yatnaṃ kartuṃ yathābalam ||
evaṃ cāpi hi me kāmo nityam eva mahāratha ||
kathaṃ bhavān raṇe karṇaṃ nihanyād iti me matiḥ ||
bhūyaś covāca matimān mādhavo dharmanandanam ||
yudhiṣṭhiremaṃ bībhatsuṃ tvaṃ sāntvayitum arhasi ||
anujñātuṃ ca karṇasya vadhāyādya durātmanaḥ ||
śrutvā hy ayam ahaṃ caiva tvāṃ karṇaśarapīḍitam ||
pravṛttiṃ jñātum āyātāv iha pāṇḍavanandana ||
diṣṭyāsi rājan nirujo diṣṭyā na grahaṇaṃ gataḥ ||
parisāntvaya bībhatsuṃ jayam āśādhi cānagha ||
yudhiṣṭhira uvāca
ehy ehi pārtha bībhatso māṃ pariṣvaja pāṇḍava ||
vaktavyam ukto 'smy ahitaṃ tvayā kṣāntaṃ ca tan mayā ||
ahaṃ tvām anujānāmi jahi karṇaṃ dhanaṃjaya ||
manyuṃ ca mā kṛthāḥ pārtha yan mayokto 'si dāruṇam ||
saṃjaya uvāca
tato dhanaṃjayo rājañ śirasā praṇatas tadā ||
pādau jagrāha pāṇibhyāṃ bhrātur jyeṣṭhasya māriṣa ||
samutthāpya tato rājā pariṣvajya ca pīḍitam ||
mūrdhny upāghrāya caivainam idaṃ punar uvāca ha ||
dhanaṃjaya mahābāho mānito 'smi dṛḍhaṃ tvayā ||
māhātmyaṃ vijayaṃ caiva bhūyaḥ prāpnuhi śāśvatam ||
На эти слова Виджая ответил, о бык среди Бхаратов: «Клянусь тебе истиной, царь, и твоей милостью, а также Бхимой и двумя близнецами, лучший из людей, владыка земли: сегодня в бою я убью Карну или, убитый, паду на землю. С истиной берусь за оружие». Сказав это царю, он обратился к Мадхаве: «Сегодня в бою, Кришна, я сражу Карну, нет сомнения. Поддержи мыслью гибель этого злодея; благо тебе». Кешава ответил Партхе: «Я способен приложить усилие по мере сил, лучший из Бхаратов. И этого я всегда желаю, махаратха: чтобы ты убил Карну в бою». Затем мудрый Мадхава сказал сыну Дхармы: «Юдхиштхира, ты должен утешить этого Бибхатсу и сегодня дать ему дозволение на убийство злодея Карны. Услышав, что ты мучим стрелами Карны, он и я пришли сюда узнать вести, радость Пандавов. К счастью, царь, ты жив и не взят в плен. Утешь Бибхатсу и благослови его на победу, безгрешный». Юдхиштхира сказал: «Подойди, подойди, Партха, Бибхатсу, Пандава, обними меня. Ты сказал мне горькое, но я простил это. Я даю тебе дозволение: срази Карну, Дхананджая. Не держи гнева, Партха, за мои жестокие слова». Тогда Дхананджая, царь, склонился головой и руками обхватил стопы старшего брата, почтенный. Царь поднял измученного брата, обнял его, поцеловал в голову и снова сказал: «Дхананджая, могучий, ты глубоко почтил меня. Обрети вновь вечные величие и победу».
c549de607ddb · प्रकाशित 20 जून 2026, 7:15:19 am UTC
उपलब्ध भाषाएँRUश्लोक बदलें इन कुंजियों से
Разрешение Юдхиштхиры возвращает Арджуне чистоту действия. Теперь битва с Карной перестаёт быть попыткой доказать себя брату и становится исполнением благословлённого долга.