कृप उवाच
श्रुतं ते वचनं सर्वं हेतुयुक्तं मया विभो ॥
ममापि तु वचः किं चिच् छृणुष्वाद्य महाभुज ॥
आबद्धा मानुषाः सर्वे निर्बन्धाः कर्मणोर् द्वयोः ॥
दैवे पुरुषकारे च परं ताभ्यां न विद्यते ॥
न हि दैवेन सिध्यन्ति कर्माण्य् एकेन सत्तम ॥
न चापि कर्मणैकेन द्वाभ्यां सिद्धिस् तु योगतः ॥
ताभ्याम् उभाभ्यां सर्वार्था निबद्धा ह्य् अधमोत्तमाः ॥
प्रवृत्ताश् चैव दृश्यन्ते निवृत्ताश् चैव सर्वशः ॥
पर्जन्यः पर्वते वर्षन् किं नु साधयते फलम् ॥
कृष्टे क्षेत्रे तथावर्षन् किं नु साधयते फलम् ॥
उत्थानं चाप्य् अदैवस्य ह्य् अनुत्थानस्य दैवतम् ॥
व्यर्थं भवति सर्वत्र पूर्वं कस् तत्र निश्चयः ॥
प्रवृष्टे च यथा देवे सम्यक् क्षेत्रे च कर्षिते ॥
बीजं महागुणं भूयात् तथा सिद्धिर् हि मानुषी ॥
तयोर् दैवं विनिश्चित्य स्ववशेनैव वर्तते ॥
प्राज्ञाः पुरुषकारं तु घटन्ते दाक्ष्यम् आस्थिताः ॥
ताभ्यां सर्वे हि कार्यार्था मनुष्याणां नरर्षभ ॥
विचेष्टन्तश् च दृश्यन्ते निवृत्ताश् च तथैव हि ॥
कृतः पुरुषकारः सन् सो ऽपि दैवेन सिध्यति ॥
तथास्य कर्मणः कर्तुर् अभिनिर्वर्तते फलम् ॥
kṛpa uvāca
śrutaṃ te vacanaṃ sarvaṃ hetuyuktaṃ mayā vibho ||
mamāpi tu vacaḥ kiṃ cic chṛṇuṣvādya mahābhuja ||
ābaddhā mānuṣāḥ sarve nirbandhāḥ karmaṇor dvayoḥ ||
daive puruṣakāre ca paraṃ tābhyāṃ na vidyate ||
na hi daivena sidhyanti karmāṇy ekena sattama ||
na cāpi karmaṇaikena dvābhyāṃ siddhis tu yogataḥ ||
tābhyām ubhābhyāṃ sarvārthā nibaddhā hy adhamottamāḥ ||
pravṛttāś caiva dṛśyante nivṛttāś caiva sarvaśaḥ ||
parjanyaḥ parvate varṣan kiṃ nu sādhayate phalam ||
kṛṣṭe kṣetre tathāvarṣan kiṃ nu sādhayate phalam ||
utthānaṃ cāpy adaivasya hy anutthānasya daivatam ||
vyarthaṃ bhavati sarvatra pūrvaṃ kas tatra niścayaḥ ||
pravṛṣṭe ca yathā deve samyak kṣetre ca karṣite ||
bījaṃ mahāguṇaṃ bhūyāt tathā siddhir hi mānuṣī ||
tayor daivaṃ viniścitya svavaśenaiva vartate ||
prājñāḥ puruṣakāraṃ tu ghaṭante dākṣyam āsthitāḥ ||
tābhyāṃ sarve hi kāryārthā manuṣyāṇāṃ nararṣabha ||
viceṣṭantaś ca dṛśyante nivṛttāś ca tathaiva hi ||
kṛtaḥ puruṣakāraḥ san so 'pi daivena sidhyati ||
tathāsya karmaṇaḥ kartur abhinirvartate phalam ||
Крипа сказал: «Владыка, я выслушал всю твою речь: в ней есть доводы. Но теперь выслушай и немного моих слов, о сильнорукий. Все люди связаны двумя основаниями дела — судьбой и человеческим усилием; выше них нет ничего. Одной судьбой дела не совершаются, о лучший, и одним усилием тоже: успех рождается из соединения двух. И малые, и великие цели связаны ими обоими; повсюду видно, как дела начинаются и как прекращаются. Что принесёт дождь, если он льёт на гору? И что принесёт вспаханное поле, если на него не выпадет дождь? Старание без судьбы и судьба без старания повсюду бесплодны; кто решит, что из них первее? Когда дождь выпал и поле правильно вспахано, семя становится плодородным; таков и человеческий успех. Судьба действует своей властью, когда её распознали; разумные же, опираясь на умение, берутся за человеческое усилие. Через эти два основания все дела людей, о бык среди мужей, видны то движущимися, то прекращёнными. Совершённое усилие достигает успеха также через судьбу; так у деятеля созревает плод его дела».
9b9c2cd9e76c · प्रकाशित 20 जून 2026, 11:59:27 am UTC
उपलब्ध भाषाएँRUश्लोक बदलें इन कुंजियों से
Крипа останавливает порыв Ашваттхамана не слабостью, а рассуждением о дхарме действия. Человек не властен над роком, но именно поэтому его долг — действовать разумно, советоваться и не принимать ослепление за решимость.