Vedawordएक वैदिक पुस्तकालय
खोज
प्रवेश
महाभारत
Aśvatthāman Sees the Owl10.1.56-66
9778 / 15823
महाभारत · 10.1.56-66
॥
देवनागरी

हतो दुर्योधनो राजा एकवीरो महाबलः ॥
यस्यार्थे वैरम् अस्माभिर् आसक्तं पाण्डवैः सह ॥
एकाकी बहुभिः क्षुद्रैर् आहवे शुद्धविक्रमः ॥
पातितो भीमसेनेन एकादशचमूपतिः ॥
वृकोदरेण क्षुद्रेण सुनृशंसम् इदं कृतम् ॥
मूर्धाभिषिक्तस्य शिरः पादेन परिमृद्नता ॥
विनर्दन्ति स्म पाञ्चालाः क्ष्वेडन्ति च हसन्ति च ॥
धमन्ति शङ्खाञ् शतशो हृष्टा घ्नन्ति च दुन्दुभीन् ॥
वादित्रघोषस् तुमुलो विमिश्रः शङ्खनिस्वनैः ॥
अनिलेनेरितो घोरो दिशः पूरयतीव हि ॥
अश्वानां हेषमाणानां गजानां चैव बृंहताम् ॥
सिंहनादश् च शूराणां श्रूयते सुमहान् अयम् ॥
दिशं प्राचीं समाश्रित्य हृष्टानां गर्जतां भृशम् ॥
रथनेमिस्वनाश् चैव श्रूयन्ते लोमहर्षणाः ॥
पाण्डवैर् धार्तराष्ट्राणां यद् इदं कदनं कृतम् ॥
वयम् एव त्रयः शिष्टास् तस्मिन् महति वैशसे ॥
के चिन् नागशतप्राणाः के चित् सर्वास्त्रकोविदाः ॥
निहताः पाण्डवेयैः स्म मन्ये कालस्य पर्ययम् ॥
एवम् एतेन भाव्यं हि नूनं कार्येण तत्त्वतः ॥
यथा ह्य् अस्येदृशी निष्ठा कृते कार्ये ऽपि दुष्करे ॥
भवतोस् तु यदि प्रज्ञा न मोहाद् अपचीयते ॥
व्यापन्ने ऽस्मिन् महत्य् अर्थे यन् नः श्रेयस् तद् उच्यताम् ॥

लिप्यंतरण (IAST)

hato duryodhano rājā ekavīro mahābalaḥ ||
yasyārthe vairam asmābhir āsaktaṃ pāṇḍavaiḥ saha ||
ekākī bahubhiḥ kṣudrair āhave śuddhavikramaḥ ||
pātito bhīmasenena ekādaśacamūpatiḥ ||
vṛkodareṇa kṣudreṇa sunṛśaṃsam idaṃ kṛtam ||
mūrdhābhiṣiktasya śiraḥ pādena parimṛdnatā ||
vinardanti sma pāñcālāḥ kṣveḍanti ca hasanti ca ||
dhamanti śaṅkhāñ śataśo hṛṣṭā ghnanti ca dundubhīn ||
vāditraghoṣas tumulo vimiśraḥ śaṅkhanisvanaiḥ ||
anilenerito ghoro diśaḥ pūrayatīva hi ||
aśvānāṃ heṣamāṇānāṃ gajānāṃ caiva bṛṃhatām ||
siṃhanādaś ca śūrāṇāṃ śrūyate sumahān ayam ||
diśaṃ prācīṃ samāśritya hṛṣṭānāṃ garjatāṃ bhṛśam ||
rathanemisvanāś caiva śrūyante lomaharṣaṇāḥ ||
pāṇḍavair dhārtarāṣṭrāṇāṃ yad idaṃ kadanaṃ kṛtam ||
vayam eva trayaḥ śiṣṭās tasmin mahati vaiśase ||
ke cin nāgaśataprāṇāḥ ke cit sarvāstrakovidāḥ ||
nihatāḥ pāṇḍaveyaiḥ sma manye kālasya paryayam ||
evam etena bhāvyaṃ hi nūnaṃ kāryeṇa tattvataḥ ||
yathā hy asyedṛśī niṣṭhā kṛte kārye 'pi duṣkare ||
bhavatos tu yadi prajñā na mohād apacīyate ||
vyāpanne 'smin mahaty arthe yan naḥ śreyas tad ucyatām ||

शब्दशः अर्थ
संस्कृतIASTअर्थ
हतः दुर्योधनः राजाhataḥ duryodhanaḥ rājāубит царь Дурьодхана; Дурьодхана пал
एकवीरः महाबलःekavīraḥ mahābalaḥодинокий герой, великосильный; единственный герой
यस्य अर्थे वैरम् अस्माभिःyasya arthe vairam asmābhiḥради которого вражда нами; из-за него
आसक्तम् पाण्डवैः सहāsaktam pāṇḍavaiḥ sahaзавязана с Пандавами; мы враждовали
एकाकी बहुभिः क्षुद्रैःekākī bahubhiḥ kṣudraiḥодинокий многими низкими; один против многих
आहवे शुद्धविक्रमःāhave śuddhavikramaḥв битве с чистой доблестью; честный в подвиге
पातितः भीमसेनेनpātitaḥ bhīmasenenaповержен Бхимасеной; сбит Бхимой
एकादशचमूपतिःekādaśacamūpatiḥвладыка одиннадцати армий; повелитель акшаухини
वृकोदरेण क्षुद्रेणvṛkodareṇa kṣudreṇaВрикодарой низким; низким Бхимой
सुनृशंसम् इदम् कृतम्sunṛśaṃsam idam kṛtamэто очень жестоко сделано; совершена жестокость
मूर्धाभिषिक्तस्य शिरःmūrdhābhiṣiktasya śiraḥголову помазанного царя; главу венчанного
पादेन परिमृद्नताpādena parimṛdnatāногой попирающим; он растоптал ногой
विनर्दन्ति स्म पाञ्चालाःvinardanti sma pāñcālāḥПанчалы рычат; Панчалы кричат
क्ष्वेडन्ति च हसन्ति चkṣveḍanti ca hasanti caи вопят, и смеются; свистят и смеются
धमन्ति शङ्खान् शतशःdhamanti śaṅkhān śataśaḥдуют в раковины сотнями; сотнями трубят
हृष्टाः घ्नन्ति च दुन्दुभीन्hṛṣṭāḥ ghnanti ca dundubhīnрадостные бьют в барабаны; ликуя
वादित्रघोषः तुमुलःvāditraghoṣaḥ tumulaḥзвук инструментов бурный; бурный грохот
विमिश्रः शङ्खनिस्वनैःvimiśraḥ śaṅkhanisvanaiḥсмешанный со звуками раковин; с трублением
अनिलेन ईरितः घोरःanilena īritaḥ ghoraḥветром разнесённый, страшный; подхваченный ветром
दिशः पूरयति इव हिdiśaḥ pūrayati iva hiсловно наполняет стороны; заполняет мир
अश्वानाम् हेषमाणानाम्aśvānām heṣamāṇānāmржущих коней; лошадиного ржанья
गजानाम् च एव बृंहताम्gajānām ca eva bṛṃhatāmи ревущих слонов; слоновьего рёва
सिंहनादः च शूराणाम्siṃhanādaḥ ca śūrāṇāmи львиный клич героев; боевой рев
श्रूयते सुमहान् अयम्śrūyate sumahān ayamслышится этот огромный; доносится великий
दिशम् प्राचीम् समाश्रित्यdiśam prācīm samāśrityaзаняв восточную сторону; со стороны востока
हृष्टानाम् गर्जताम् भृशम्hṛṣṭānām garjatām bhṛśamрадостных, сильно рычащих; ликующих и кричащих
रथनेमिस्वनाः च एवrathanemisvanāḥ ca evaи звуки ободов колесниц; грохот колёс
श्रूयन्ते लोमहर्षणाःśrūyante lomaharṣaṇāḥслышатся, волосы поднимающие; ужасающие
पाण्डवैः धार्तराष्ट्राणाम्pāṇḍavaiḥ dhārtarāṣṭrāṇāmПандавами Дхритараштридов; Пандавы Куру
यत् इदम् कदनम् कृतम्yat idam kadanam kṛtamкакое это истребление совершено; устроили резню
वयम् एव त्रयः शिष्टाःvayam eva trayaḥ śiṣṭāḥмы только трое остались; остались лишь трое
तस्मिन् महति वैशसेtasmin mahati vaiśaseв этой великой бойне; после резни
के चित् नागशतप्राणाःke cit nāgaśataprāṇāḥнекоторые с силой сотен слонов; мощные как слоны
के चित् सर्वास्त्रकोविदाःke cit sarvāstrakovidāḥнекоторые знатоки всех астр; мастера оружия
निहताः पाण्डवेयैः स्मnihatāḥ pāṇḍaveyaiḥ smaубиты Пандавеями; сражены Пандавами
मन्ये कालस्य पर्ययम्manye kālasya paryayamдумаю, это поворот Времени; смена судьбы
एवम् एतेन भाव्यम् हिevam etena bhāvyam hiтак этим должно быть; так должно было случиться
नूनम् कार्येण तत्त्वतःnūnam kāryeṇa tattvataḥнесомненно, по сути дела; по истине
यथा हि अस्य ईदृशी निष्ठाyathā hi asya īdṛśī niṣṭhāпоскольку таков его итог; если дело так завершилось
कृते कार्ये अपि दुष्करेkṛte kārye api duṣkareдаже после трудного дела; после великого труда
भवतोः तु यदि प्रज्ञाbhavatoḥ tu yadi prajñāу вас же если мудрость; если ваш разум
न मोहात् अपचीयतेna mohāt apacīyateот заблуждения не уменьшается; не помрачён
व्यापन्ने अस्मिन् महति अर्थेvyāpanne asmin mahati artheкогда это великое дело погибло; в такой катастрофе
यत् नः श्रेयस् तत् उच्यताम्yat naḥ śreyas tat ucyatāmчто нам благо, то скажите; скажите лучший путь
अनुवाद

Драуни сказал: «Царь Дурьодхана убит — одинокий герой великой силы, ради которого мы вступили во вражду с Пандавами. Одинокий, чистый в доблести, владыка одиннадцати армий был повержен Бхимасеной среди многих низких врагов. Низкий Врикодара совершил страшную жестокость: ногой попрал голову помазанного царя. Панчалы рычат, свистят и смеются; радостные, они сотнями трубят в раковины и бьют в барабаны. Бурный грохот инструментов, смешанный со звуками раковин и разнесённый ветром, словно наполняет стороны света. Слышится великий шум ржущих коней, ревущих слонов и львиных кличей героев. Со стороны востока доносятся ужасающие звуки ободов колесниц ликующих и громко кричащих. Пандавы совершили это истребление Дхритараштридов; в этой великой бойне остались только мы трое. Одни были сильны как сотни слонов, другие знали все астры, но они убиты Пандавеями. Думаю, это поворот Времени. Видимо, так поистине должно было быть, раз дело завершилось так, хотя было совершено столь трудное усилие. Но если ваш разум не помрачён заблуждением, скажите, что будет для нас благом в этой великой катастрофе»».

संस्करण

846c59c671b8 · प्रकाशित 20 जून 2026, 11:55:59 am UTC

उपलब्ध भाषाएँRU
पिछलाश्लोक 10.1.45-55

श्लोक बदलें इन कुंजियों से