इत्य् एवम् उक्त्वा राजानं भग्नसक्थम् अचेतसम् ॥
अश्वत्थामा समुद्वीक्ष्य पुनर् वचनम् अब्रवीत् ॥
दुर्योधन जीवसि चेद् वाचं श्रोत्रसुखां शृणु ॥
सप्त पाण्डवतः शेषा धार्तराष्ट्रास् त्रयो वयम् ॥
ते चैव भ्रातरः पञ्च वासुदेवो ऽथ सात्यकिः ॥
अहं च कृतवर्मा च कृपः शारद्वतस् तथा ॥
द्रौपदेया हताः सर्वे धृष्टद्युम्नस्य चात्मजाः ॥
पाञ्चाला निहताः सर्वे मत्स्यशेषं च भारत ॥
कृते प्रतिकृतं पश्य हतपुत्रा हि पाण्डवाः ॥
सौप्तिके शिबिरं तेषां हतं सनरवाहनम् ॥
मया च पापकर्मासौ धृष्टद्युम्नो महीपते ॥
प्रविश्य शिबिरं रात्रौ पशुमारेण मारितः ॥
दुर्योधनस् तु तां वाचं निशम्य मनसः प्रियाम् ॥
प्रतिलभ्य पुनश् चेत इदं वचनम् अब्रवीत् ॥
न मे ऽकरोत् तद् गाङ्गेयो न कर्णो न च ते पिता ॥
यत् त्वया कृपभोजाभ्यां सहितेनाद्य मे कृतम् ॥
स चेत् सेनापतिः क्षुद्रो हतः सार्धं शिखण्डिना ॥
तेन मन्ये मघवता समम् आत्मानम् अद्य वै ॥
स्वस्ति प्राप्नुत भद्रं वः स्वर्गे नः संगमः पुनः ॥
इत्य् एवम् उक्त्वा तूष्णीं स कुरुराजो महामनाः ॥
प्राणान् उदसृजद् वीरः सुहृदां शोकम् आदधत् ॥
तथेति ते परिष्वक्ताः परिष्वज्य च तं नृपम् ॥
पुनः पुनः प्रेक्षमाणाः स्वकान् आरुरुहू रथान् ॥
इत्य् एवं तव पुत्रस्य निशम्य करुणां गिरम् ॥
प्रत्यूषकाले शोकार्तः प्राधावं नगरं प्रति ॥
तव पुत्रे गते स्वर्गं शोकार्तस्य ममानघ ॥
ऋषिदत्तं प्रनष्टं तद् दिव्यदर्शित्वम् अद्य वै ॥
वैशंपायन उवाच
इति श्रुत्वा स नृपतिः पुत्रज्ञातिवधं तदा ॥
निःश्वस्य दीर्घम् उष्णं च ततश् चिन्तापरो ऽभवत् ॥
ity evam uktvā rājānaṃ bhagnasaktham acetasam ||
aśvatthāmā samudvīkṣya punar vacanam abravīt ||
duryodhana jīvasi ced vācaṃ śrotrasukhāṃ śṛṇu ||
sapta pāṇḍavataḥ śeṣā dhārtarāṣṭrās trayo vayam ||
te caiva bhrātaraḥ pañca vāsudevo 'tha sātyakiḥ ||
ahaṃ ca kṛtavarmā ca kṛpaḥ śāradvatas tathā ||
draupadeyā hatāḥ sarve dhṛṣṭadyumnasya cātmajāḥ ||
pāñcālā nihatāḥ sarve matsyaśeṣaṃ ca bhārata ||
kṛte pratikṛtaṃ paśya hataputrā hi pāṇḍavāḥ ||
sauptike śibiraṃ teṣāṃ hataṃ sanaravāhanam ||
mayā ca pāpakarmāsau dhṛṣṭadyumno mahīpate ||
praviśya śibiraṃ rātrau paśumāreṇa māritaḥ ||
duryodhanas tu tāṃ vācaṃ niśamya manasaḥ priyām ||
pratilabhya punaś ceta idaṃ vacanam abravīt ||
na me 'karot tad gāṅgeyo na karṇo na ca te pitā ||
yat tvayā kṛpabhojābhyāṃ sahitenādya me kṛtam ||
sa cet senāpatiḥ kṣudro hataḥ sārdhaṃ śikhaṇḍinā ||
tena manye maghavatā samam ātmānam adya vai ||
svasti prāpnuta bhadraṃ vaḥ svarge naḥ saṃgamaḥ punaḥ ||
ity evam uktvā tūṣṇīṃ sa kururājo mahāmanāḥ ||
prāṇān udasṛjad vīraḥ suhṛdāṃ śokam ādadhat ||
tatheti te pariṣvaktāḥ pariṣvajya ca taṃ nṛpam ||
punaḥ punaḥ prekṣamāṇāḥ svakān āruruhū rathān ||
ity evaṃ tava putrasya niśamya karuṇāṃ giram ||
pratyūṣakāle śokārtaḥ prādhāvaṃ nagaraṃ prati ||
tava putre gate svargaṃ śokārtasya mamānagha ||
ṛṣidattaṃ pranaṣṭaṃ tad divyadarśitvam adya vai ||
vaiśaṃpāyana uvāca
iti śrutvā sa nṛpatiḥ putrajñātivadhaṃ tadā ||
niḥśvasya dīrgham uṣṇaṃ ca tataś cintāparo 'bhavat ||
Сказав это царю с разбитыми бёдрами, лежавшему без сознания, Ашваттхаман взглянул на него и снова произнёс: «Дурьодхана, если ты ещё жив, услышь речь, приятную слуху. У Пандавов осталось семеро: пять братьев, Васудева и Сатьяки. Из Дхритараштридов осталось трое: я, Критаварман и Крипа, сын Шарадвата. Все сыновья Драупади убиты, и сыновья Дхриштадьюмны; все Панчалы и остаток Матсьев сражены, о Бхарата. Смотри: за сделанное совершено воздаяние, ведь Пандавы лишены сыновей. В ночном нападении их лагерь уничтожен вместе с людьми и ездовыми. И мной, войдя ночью в лагерь, этот злодей Дхриштадьюмна, о владыка земли, убит смертью животного». Услышав эту речь, приятную сердцу, Дурьодхана снова обрёл сознание и сказал: «Ни Гангея, ни Карна, ни твой отец не сделали для меня того, что сегодня сделали ты вместе с Крипой и Бходжей. Если этот низкий военачальник убит вместе с Шикхандином, то сегодня я считаю себя равным Магхавану. Достигните благополучия; благо вам. На небе мы встретимся снова». Сказав так, великодушный царь Куру замолчал, и герой испустил дух, оставив друзьям скорбь. «Да будет так», — сказали они; обняв царя и снова и снова оглядываясь на него, взошли на свои колесницы. Услышав такую жалобную речь твоего сына, я на рассвете, мучимый скорбью, поспешил к городу. Когда твой сын ушёл на небо, о безупречный, от горя у меня сегодня исчезло божественное зрение, данное риши. Вайшампаяна сказал: «Услышав тогда о гибели сына и родичей, царь долго и горячо вздохнул и погрузился в тяжкие думы».
56b54fe28cb9 · प्रकाशित 20 जून 2026, 12:30:35 pm UTC
उपलब्ध भाषाएँRUश्लोक बदलें इन कुंजियों से
Дурьодхана умирает довольным не дхармой, а возмездием. Последний обмен показывает, что круг ненависти замкнулся: даже смерть царя получает утешение от смерти чужих детей. Санджая же теряет божественное зрение, словно сама способность видеть это дальше становится невыносимой.