यदासीन् मानसं जन्म नारायणमुखोद्गतम् ॥
ब्रह्मणः पृथिवीपाल तदा नारायणः स्वयम् ॥
तेन धर्मेण कृतवान् दैवं पित्र्यं च भारत ॥
फेनपा ऋषयश् चैव तं धर्मं प्रतिपेदिरे ॥
वैखानसाः फेनपेभ्यो धर्मम् एतं प्रपेदिरे ॥
वैखानसेभ्यः सोमस् तु ततः सो ऽन्तर्दधे पुनः ॥
यदासीच् चाक्षुषं जन्म द्वितीयं ब्रह्मणो नृप ॥
तदा पितामहात् सोमाद् एतं धर्मम् अजानत ॥
नारायणात्मकं राजन् रुद्राय प्रददौ च सः ॥
ततो योगस्थितो रुद्रः पुरा कृतयुगे नृप ॥
वालखिल्यान् ऋषीन् सर्वान् धर्मम् एतम् अपाठयत् ॥
अन्तर्दधे ततो भूयस् तस्य देवस्य मायया ॥
तृतीयं ब्रह्मणो जन्म यदासीद् वाचिकं महत् ॥
तत्रैष धर्मः संभूतः स्वयं नारायणान् नृप ॥
सुपर्णो नाम तम् ऋषिः प्राप्तवान् पुरुषोत्तमात् ॥
तपसा वै सुतप्तेन दमेन नियमेन च ॥
त्रिः परिक्रान्तवान् एतत् सुपर्णो धर्मम् उत्तमम् ॥
यस्मात् तस्माद् व्रतं ह्य् एतत् त्रिसौपर्णम् इहोच्यते ॥
ऋग्वेदपाठपठितं व्रतम् एतद् धि दुश्चरम् ॥
सुपर्णाच् चाप्य् अधिगतो धर्म एष सनातनः ॥
वायुना द्विपदां श्रेष्ठ प्रथितो जगदायुषा ॥
वायोः सकाशात् प्राप्तश् च ऋषिभिर् विघसाशिभिः ॥
तेभ्यो महोदधिश् चैनं प्राप्तवान् धर्मम् उत्तमम् ॥
ततः सो ऽन्तर्दधे भूयो नारायणसमाहितः ॥
यदा भूयः श्रवणजा सृष्टिर् आसीन् महात्मनः ॥
ब्रह्मणः पुरुषव्याघ्र तत्र कीर्तयतः शृणु ॥
yadāsīn mānasaṃ janma nārāyaṇamukhodgatam ||
brahmaṇaḥ pṛthivīpāla tadā nārāyaṇaḥ svayam ||
tena dharmeṇa kṛtavān daivaṃ pitryaṃ ca bhārata ||
phenapā ṛṣayaś caiva taṃ dharmaṃ pratipedire ||
vaikhānasāḥ phenapebhyo dharmam etaṃ prapedire ||
vaikhānasebhyaḥ somas tu tataḥ so 'ntardadhe punaḥ ||
yadāsīc cākṣuṣaṃ janma dvitīyaṃ brahmaṇo nṛpa ||
tadā pitāmahāt somād etaṃ dharmam ajānata ||
nārāyaṇātmakaṃ rājan rudrāya pradadau ca saḥ ||
tato yogasthito rudraḥ purā kṛtayuge nṛpa ||
vālakhilyān ṛṣīn sarvān dharmam etam apāṭhayat ||
antardadhe tato bhūyas tasya devasya māyayā ||
tṛtīyaṃ brahmaṇo janma yadāsīd vācikaṃ mahat ||
tatraiṣa dharmaḥ saṃbhūtaḥ svayaṃ nārāyaṇān nṛpa ||
suparṇo nāma tam ṛṣiḥ prāptavān puruṣottamāt ||
tapasā vai sutaptena damena niyamena ca ||
triḥ parikrāntavān etat suparṇo dharmam uttamam ||
yasmāt tasmād vrataṃ hy etat trisauparṇam ihocyate ||
ṛgvedapāṭhapaṭhitaṃ vratam etad dhi duścaram ||
suparṇāc cāpy adhigato dharma eṣa sanātanaḥ ||
vāyunā dvipadāṃ śreṣṭha prathito jagadāyuṣā ||
vāyoḥ sakāśāt prāptaś ca ṛṣibhir vighasāśibhiḥ ||
tebhyo mahodadhiś cainaṃ prāptavān dharmam uttamam ||
tataḥ so 'ntardadhe bhūyo nārāyaṇasamāhitaḥ ||
yadā bhūyaḥ śravaṇajā sṛṣṭir āsīn mahātmanaḥ ||
brahmaṇaḥ puruṣavyāghra tatra kīrtayataḥ śṛṇu ||
«Когда произошло умственное рождение Брахмы, вышедшее из уст Нараяны, Сам Нараяна этой дхармой совершил божеские и отеческие обряды. Риши Пенапы получили эту дхарму; от Пенапов её получили Вайкханасы; от Вайкханасов - Сома, и затем она снова исчезла. Когда было второе, глазное рождение Брахмы, эту дхарму от Питамахи Сомы узнали как имеющую природу Нараяны, и он передал её Рудре. Затем Рудра, утверждённый в йоге, в древней Крита-юге обучил этой дхарме всех риши Валакхильев; после этого она снова исчезла по майе того Бога. Когда произошло третье, великое речевое рождение Брахмы, эта дхарма возникла от Самого Нараяны. Риши по имени Супарна получил её от Пурушоттамы благодаря хорошо совершенному тапасу, самообузданию и нияме. Супарна трижды обошёл эту высшую дхарму, поэтому этот трудный обет, читаемый в рецитации Ригведы, здесь называется Трисупарна. От Супарны была постигнута эта вечная дхарма; затем Ваю, жизнь мира, распространил её, от Ваю её получили риши, питающиеся остатками, а от них - великий океан. Потом она снова исчезла, сосредоточившись в Нараяне. Теперь слушай, тигр среди людей, о том, как она проявилась, когда у Махатмы Брахмы снова было творение, рождённое слухом».
4d94fb4cbf01 · प्रकाशित 21 जून 2026, 8:58:30 am UTC
उपलब्ध भाषाएँRUश्लोक बदलें इन कुंजियों से
Преемственность дхармы повторно появляется и скрывается. Это подчёркивает, что эка́нта-дхарма не человеческое изобретение: она исходит от Нараяны и возвращается к Нему, когда мир теряет способность её держать.