पुलस्त्य उवाच
देवदेवस्तदा ब्रह्मा पुष्करे विष्णुना सह । स्नानावसाने देवानां सर्वेषां प्रददौ वरान्
देवानां च पतिं शक्रं ज्योतिषां च दिवाकरम् । नक्षत्राणां तथा सोमं रसानां वरुणं तथा
प्रजापतीनां दक्षं च नदीनां चैव सागरम् । कुबेरं च धनाध्यक्षं तथा चक्रे च रक्षसाम्
भूतानां चैव सर्वेषां गणानां च पिनाकिनम् । मानवानां मनुं चैव पक्षिणां गरुडं तथा
ऋषीणां च वसिष्ठं च ग्रहाणां च प्रभाकरम् । एवमादीनि वै दत्वा देवदेवः पितामहः
विष्णुं च शङ्करं चैव ब्रह्मा प्रोवाच सादरम् । पृथिव्याः सर्वतीर्थेषु भवंतौ पूज्यसत्तमौ
भवद्भ्यां न विना तीर्थ पुण्यतामेति कर्हिचित् । लिंगं वा प्रतिमा वापि दृश्यते यत्र कुत्रचित्
तत्तीर्थं पुण्यतां याति सर्वमेव फलप्रदम् । मानवा ह्युपहारैश्च येकरिष्यंति पूजनम्
युष्माकं मां पुरस्कृत्य तेषां रोगभयं कुतः । येषु राष्ट्रेषु युष्माकमुत्सवाः पूजनादिकाः
प्रवर्त्स्यंती क्रियाः सर्वा यत्फलं तेषु तच्छृणु । नाधयो व्याध्यश्चैव नोपसार्गा न क्षुद्धयम्
विप्रयोगो न चापीष्टै रनिष्टेर्नापि संगतिः । नाक्षिरोगः शिरोर्ति र्वा पित्तशूलभगंदराः
नाभिचारभयं तत्रापस्मारो न विषूचिका । वृद्धिर्निकामतस्तस्मिन् सम्यग्बुद्धिरनुत्तमा
आरोग्यं सर्वतश्चैव दीर्घायुश्च प्रजाधनम् । नाकाले भविता मृत्युर्गावो नाल्पपयोमुचः
नाकालफलिता वृक्षा नोत्पातभयमण्वपि । एतच्छ्रुत्वा ततो विष्णुर्ब्रह्माणं स्तोतुमुद्यतः
नमोस्त्वनंताय विशुद्धचेतसे स्वरूपरूपाय सहस्रबाहवे । सहस्ररश्मिप्रभवाय वेधसे विशालदेहाय विशुद्धकर्मणे
समस्तविश्वर्तिहराय शंभवे समस्तसूर्यानलतिग्मतेजसे । नमोस्तु विद्यावितताय चक्रिणे समस्तधीस्थान कृते सदा नमः
अनादिदेवाच्युतशेखरप्रभो भाव्युद्धवद्धूतपते महेश्वर । मरुत्पते सर्वपते जगत्पते भुवस्पते भुवनपते सदा नमः
यज्ञेश नारायण जिष्णु शङ्कर क्षितीश विश्वेश्वर विश्वलोचन । शशांक सूर्याच्युत वीरविश्व प्रवृत्तमूर्ते मृतमूर्त अव्यय
ज्वलद्धताशर्चिनिरुद्धमंडल प्रदेशनारायणविश्वतोमुख । समस्तदेवार्तिहरामृताव्यय प्रपाहि मां शरणगतं तथा विभो
वक्त्राण्येनकानि विभोतवाहं पश्यामि यज्ञस्य गतिं पुराणम् । ब्रह्माणमीशं जगतां प्रसूतिं नमोस्तु तुभ्यं प्रपितामहाय
संसारचक्रक्रमणैरनेकैः क्वचिद्धवान् देववराधिदेवः । तत्सर्वविज्ञानविशुद्धसत्व रूपास्यसे किं प्रणमाम्यहं त्वाम्
एवं भवंतं प्रकृतेः पुरस्ताद्यो वेत्त्यसौ सर्वविदां वरिष्ठः । गुणान्वितेषु प्रसभं विवेद्यो विशालमूर्तिस्त्विह सूक्ष्मरूपः
वाक्यानि पादैर्विगतेंद्रियोऽपि कथं भवान्वै सुगतिः सुकर्मा । संसारबंधे निहितेंद्रियोऽपि पुनः कथं देववरोऽसि वेद्यः
मूर्तादमूर्त न तु लभ्यते परं परं वपुर्देवविशुद्धभावैः । संसारविच्छित्तिकरैर्यजद्भिरतोऽवसीयेत चतुर्मुखत्वम्
परं न जानंति यतो वपुस्ते देवादयोऽप्यद्भुतरूपधारिन् । विभोऽवतारेऽग्रतरं पुराणमाराधयेद्यत्कमलासनस्थम्
न ते तत्त्वं विश्वसृजोऽपि योनिमेकांततो वेत्ति विशुद्धभावः । परं त्वहं वेद्मि कथं पुराणं भवंतमाद्यं तपसा विशुद्धम्
पद्मासनो वै जनकः प्रसिद्ध एवं प्रसिद्धिरसकृत्पुराणात् । संचिंत्यते नाथ विभुं भवंतं जानाति नैवं तपसा विहीनः
अस्मादृशैश्च प्रवरैर्विबोध्यं त्वा देव मूर्खाः स्वमतिं विभज्य । प्रबोद्धुमिच्छंति न तेषु बुद्धिरुदारकीर्तिष्वपि वेदहीनाः
जन्मांतरैर्वेदविवेकबुद्धिभिर्भवेद्यथा वा यदि वा प्रकाशः । तल्लाभलुब्धस्य न मानुषत्वं न देवगंधर्वपतिः शिवः स्यात्
न विष्णुरूपो भगवान्सुसूक्ष्मः स्थूलोऽसि देवः कृतकृत्यतायाः । स्थूलोऽपि सूक्ष्मः सुलभोऽसि देव त्वद्ब्रह्मकृत्या नरके पतंति
विमुच्यते वा भवति स्थितेऽस्मिन्दस्रेंदुवह्न्यर्कमरुन्महीभिः । तत्त्वैः स्वरूपैः समरूपधारिभिरात्मस्वरूपे विततस्वभावः
इति स्तुतिं मे भगवन्हनंत जुषस्व भक्तस्य विशेषतश्च । समाधियुक्तस्य विशुद्धचेतसस्त्वद्भावभावैकमनोनुगस्य
सदा हृदिस्थो भगवन्नमस्ते नमामि नित्यं भगवन्पुराण । इति प्रकाशं तव मे तदीश स्तवं मया सर्वगतिप्रबुद्ध
संसारचक्रे भ्रमणादियुक्तां भीतिं पुनर्नः प्रतिपालयस्व
सर्वज्ञस्त्वं न संदेहः प्रज्ञाराशिश्च केशव । देवानां प्रथमः पूज्यः सर्वदा त्वं भविष्यसि
नारायणादनंतरं रुद्रो भक्त्या विरिंचनम् । तुष्टाव प्रणतो भूत्वा ब्रह्माणं कमलोद्भवम्
नमः कमलपत्राक्ष नमस्ते पद्मजन्मने । नमः सुरासुरगुरो कारिणे परमात्मने
नमस्ते सर्वदेवेश नमो वै मोहनाशन । विष्णोर्नाभिस्थितवते कमलासनजन्मने
नमो विद्रुमरक्तांगपाणिपल्लवशोभिने । शरणं त्वां प्रपन्नोऽस्मि त्राहि मां भवसंसृतेः
पूर्वं नीलांबुदाकारं कुड्मलं ते पितामह । दृष्ट्वा रक्तमुखं भूयः पत्रकेसरसंयुतम्
पद्मं चानेकपत्रांतमसंख्यातं निरंजनम् । तत्रस्थितेन त्वयैषा सृष्टिश्चैव प्रवर्तिता
त्वां मुक्त्वा नान्यतस्त्राणं जगद्वंद्य नमोऽस्तु ते । सावित्रीशापदग्धोऽहं लिंगं मे पतितं क्षितौ
इदानीं कुरु मे शांतिं त्राहि मां सह भार्यया । ब्रह्मा वै पातु मे पादौ जंघे वै कमलासनः
विरिंचो मे कटिं पातु सृष्टिकृद्ब्रह्मैव च । नाभिं पद्मनिभः पातु जठरं चतुराननः
उरुस्तु विश्वसृक्पातु हृदयं पातु पद्मजः । सावित्रीपतिमे कंठं हृषीकेशो मुखं मम
पद्मवर्णश्च नयने परमात्मा शिरो मम । एवं न्यस्य गुरोर्नाम शंकरो नाम शंकरः
नमस्ते भगवन्ब्रह्मन्नित्युक्त्वा विरराम ह । ततस्तुष्टो हरं ब्रह्मा वाक्यमेतदुवाच ह
कं ते कामं करोम्यद्य पृच्छ मां यद्यदिच्छसि । यदि प्रसन्नो मे नाथ वरदो यदि वा मम
तदेकं मे वद विभो यस्मिन्स्थाने भवान्स्थितः । केषु केषु च स्थानेषु त्वां पश्यंति सदा द्विजाः
नाम्ना च केन ते स्थानं शोभते धरणीतले । तन्मे वदस्व सर्वेश तव भक्तिरतस्य च
devadevastadā brahmā puṣkare viṣṇunā saha | snānāvasāne devānāṃ sarveṣāṃ pradadau varān
devānāṃ ca patiṃ śakraṃ jyotiṣāṃ ca divākaram | nakṣatrāṇāṃ tathā somaṃ rasānāṃ varuṇaṃ tathā
prajāpatīnāṃ dakṣaṃ ca nadīnāṃ caiva sāgaram | kuberaṃ ca dhanādhyakṣaṃ tathā cakre ca rakṣasām
bhūtānāṃ caiva sarveṣāṃ gaṇānāṃ ca pinākinam | mānavānāṃ manuṃ caiva pakṣiṇāṃ garuḍaṃ tathā
ṛṣīṇāṃ ca vasiṣṭhaṃ ca grahāṇāṃ ca prabhākaram | evamādīni vai datvā devadevaḥ pitāmahaḥ
viṣṇuṃ ca śaṅkaraṃ caiva brahmā provāca sādaram | pṛthivyāḥ sarvatīrtheṣu bhavaṃtau pūjyasattamau
bhavadbhyāṃ na vinā tīrtha puṇyatāmeti karhicit | liṃgaṃ vā pratimā vāpi dṛśyate yatra kutracit
tattīrthaṃ puṇyatāṃ yāti sarvameva phalapradam | mānavā hyupahāraiśca yekariṣyaṃti pūjanam
yuṣmākaṃ māṃ puraskṛtya teṣāṃ rogabhayaṃ kutaḥ | yeṣu rāṣṭreṣu yuṣmākamutsavāḥ pūjanādikāḥ
pravartsyaṃtī kriyāḥ sarvā yatphalaṃ teṣu tacchṛṇu | nādhayo vyādhyaścaiva nopasārgā na kṣuddhayam
viprayogo na cāpīṣṭai raniṣṭernāpi saṃgatiḥ | nākṣirogaḥ śirorti rvā pittaśūlabhagaṃdarāḥ
nābhicārabhayaṃ tatrāpasmāro na viṣūcikā | vṛddhirnikāmatastasmin samyagbuddhiranuttamā
ārogyaṃ sarvataścaiva dīrghāyuśca prajādhanam | nākāle bhavitā mṛtyurgāvo nālpapayomucaḥ
nākālaphalitā vṛkṣā notpātabhayamaṇvapi | etacchrutvā tato viṣṇurbrahmāṇaṃ stotumudyataḥ
namostvanaṃtāya viśuddhacetase svarūparūpāya sahasrabāhave | sahasraraśmiprabhavāya vedhase viśāladehāya viśuddhakarmaṇe
samastaviśvartiharāya śaṃbhave samastasūryānalatigmatejase | namostu vidyāvitatāya cakriṇe samastadhīsthāna kṛte sadā namaḥ
anādidevācyutaśekharaprabho bhāvyuddhavaddhūtapate maheśvara | marutpate sarvapate jagatpate bhuvaspate bhuvanapate sadā namaḥ
yajñeśa nārāyaṇa jiṣṇu śaṅkara kṣitīśa viśveśvara viśvalocana | śaśāṃka sūryācyuta vīraviśva pravṛttamūrte mṛtamūrta avyaya
jvaladdhatāśarciniruddhamaṃḍala pradeśanārāyaṇaviśvatomukha | samastadevārtiharāmṛtāvyaya prapāhi māṃ śaraṇagataṃ tathā vibho
vaktrāṇyenakāni vibhotavāhaṃ paśyāmi yajñasya gatiṃ purāṇam | brahmāṇamīśaṃ jagatāṃ prasūtiṃ namostu tubhyaṃ prapitāmahāya
saṃsāracakrakramaṇairanekaiḥ kvaciddhavān devavarādhidevaḥ | tatsarvavijñānaviśuddhasatva rūpāsyase kiṃ praṇamāmyahaṃ tvām
evaṃ bhavaṃtaṃ prakṛteḥ purastādyo vettyasau sarvavidāṃ variṣṭhaḥ | guṇānviteṣu prasabhaṃ vivedyo viśālamūrtistviha sūkṣmarūpaḥ
vākyāni pādairvigateṃdriyo'pi kathaṃ bhavānvai sugatiḥ sukarmā | saṃsārabaṃdhe nihiteṃdriyo'pi punaḥ kathaṃ devavaro'si vedyaḥ
mūrtādamūrta na tu labhyate paraṃ paraṃ vapurdevaviśuddhabhāvaiḥ | saṃsāravicchittikarairyajadbhirato'vasīyeta caturmukhatvam
paraṃ na jānaṃti yato vapuste devādayo'pyadbhutarūpadhārin | vibho'vatāre'grataraṃ purāṇamārādhayedyatkamalāsanastham
na te tattvaṃ viśvasṛjo'pi yonimekāṃtato vetti viśuddhabhāvaḥ | paraṃ tvahaṃ vedmi kathaṃ purāṇaṃ bhavaṃtamādyaṃ tapasā viśuddham
padmāsano vai janakaḥ prasiddha evaṃ prasiddhirasakṛtpurāṇāt | saṃciṃtyate nātha vibhuṃ bhavaṃtaṃ jānāti naivaṃ tapasā vihīnaḥ
asmādṛśaiśca pravarairvibodhyaṃ tvā deva mūrkhāḥ svamatiṃ vibhajya | praboddhumicchaṃti na teṣu buddhirudārakīrtiṣvapi vedahīnāḥ
janmāṃtarairvedavivekabuddhibhirbhavedyathā vā yadi vā prakāśaḥ | tallābhalubdhasya na mānuṣatvaṃ na devagaṃdharvapatiḥ śivaḥ syāt
na viṣṇurūpo bhagavānsusūkṣmaḥ sthūlo'si devaḥ kṛtakṛtyatāyāḥ | sthūlo'pi sūkṣmaḥ sulabho'si deva tvadbrahmakṛtyā narake pataṃti
vimucyate vā bhavati sthite'smindasreṃduvahnyarkamarunmahībhiḥ | tattvaiḥ svarūpaiḥ samarūpadhāribhirātmasvarūpe vitatasvabhāvaḥ
iti stutiṃ me bhagavanhanaṃta juṣasva bhaktasya viśeṣataśca | samādhiyuktasya viśuddhacetasastvadbhāvabhāvaikamanonugasya
sadā hṛdistho bhagavannamaste namāmi nityaṃ bhagavanpurāṇa | iti prakāśaṃ tava me tadīśa stavaṃ mayā sarvagatiprabuddha
saṃsāracakre bhramaṇādiyuktāṃ bhītiṃ punarnaḥ pratipālayasva
sarvajñastvaṃ na saṃdehaḥ prajñārāśiśca keśava | devānāṃ prathamaḥ pūjyaḥ sarvadā tvaṃ bhaviṣyasi
nārāyaṇādanaṃtaraṃ rudro bhaktyā viriṃcanam | tuṣṭāva praṇato bhūtvā brahmāṇaṃ kamalodbhavam
namaḥ kamalapatrākṣa namaste padmajanmane | namaḥ surāsuraguro kāriṇe paramātmane
namaste sarvadeveśa namo vai mohanāśana | viṣṇornābhisthitavate kamalāsanajanmane
namo vidrumaraktāṃgapāṇipallavaśobhine | śaraṇaṃ tvāṃ prapanno'smi trāhi māṃ bhavasaṃsṛteḥ
pūrvaṃ nīlāṃbudākāraṃ kuḍmalaṃ te pitāmaha | dṛṣṭvā raktamukhaṃ bhūyaḥ patrakesarasaṃyutam
padmaṃ cānekapatrāṃtamasaṃkhyātaṃ niraṃjanam | tatrasthitena tvayaiṣā sṛṣṭiścaiva pravartitā
tvāṃ muktvā nānyatastrāṇaṃ jagadvaṃdya namo'stu te | sāvitrīśāpadagdho'haṃ liṃgaṃ me patitaṃ kṣitau
idānīṃ kuru me śāṃtiṃ trāhi māṃ saha bhāryayā | brahmā vai pātu me pādau jaṃghe vai kamalāsanaḥ
viriṃco me kaṭiṃ pātu sṛṣṭikṛdbrahmaiva ca | nābhiṃ padmanibhaḥ pātu jaṭharaṃ caturānanaḥ
urustu viśvasṛkpātu hṛdayaṃ pātu padmajaḥ | sāvitrīpatime kaṃṭhaṃ hṛṣīkeśo mukhaṃ mama
padmavarṇaśca nayane paramātmā śiro mama | evaṃ nyasya gurornāma śaṃkaro nāma śaṃkaraḥ
namaste bhagavanbrahmannityuktvā virarāma ha | tatastuṣṭo haraṃ brahmā vākyametaduvāca ha
kaṃ te kāmaṃ karomyadya pṛccha māṃ yadyadicchasi | yadi prasanno me nātha varado yadi vā mama
tadekaṃ me vada vibho yasminsthāne bhavānsthitaḥ | keṣu keṣu ca sthāneṣu tvāṃ paśyaṃti sadā dvijāḥ
nāmnā ca kena te sthānaṃ śobhate dharaṇītale | tanme vadasva sarveśa tava bhaktiratasya ca
«Тогда бог богов Брахма в Пушкаре, вместе с Вишну, по окончании омовения дал дары всем богам: Шакру [сделал] владыкою богов, солнце — светил, месяц — созвездий, Варуну — вод, Дакшу — Праджапати, океан — рек, Куберу — надзирателем над богатством и [владыкою] ракшасов, Держащего Пинаку — существ и ганов, Ману — людей, Гаруду — птиц, Васиштху — мудрецов, солнце — планет. Дав эти и прочие [дары], Прародитель почтительно молвил Вишну и Шанкаре:
„Во всех тиртхах земли вы двое — достойнейшие почитания; без вас двоих тиртха никогда не достигает святости. Где бы ни виделся лингам или изваяние, та тиртха достигает святости и вся даёт плод. А те люди, которые будут совершать ваше почитание подношениями, поставив меня впереди, — откуда у них страх недуга? В каких странах будут совершаться ваши празднества, почитания и все обряды, — какой в них плод, слушай: ни душевных скорбей, ни недугов, ни напастей, ни страха голода; ни разлуки с желанными, ни встречи с нежеланными; ни глазной болезни, ни головной боли, ни желчи, колик и свищей; ни страха порчи там, ни падучей, ни холеры. Прирост по желанию, разум совершенный и непревзойдённый, здоровье во всём, долголетие, потомство и богатство; не будет безвременной смерти, коровы не скудны молоком, деревья не плодоносят не в срок, и нет ни малейшего страха дурных знамений“.
Услышав это, Вишну приготовился восхвалять Брахму: „Поклон да будет Бесконечному, Чистому сознанием, Имеющему облик собственной природы, Тысячерукому, Источнику тысячи лучей, Устроителю, Обширнотелому, Чистому в делах; Уносящему муку всей вселенной, Благому, Острому сиянием, как все солнца и огни; поклон да будет Простёртому знанием, Держащему круг, Создавшему все обители разума, — всегда поклон. О безначальный бог, о венец Ачьюты, о владыка, о владыка существ, о великий владыка; о владыка Марутов, о владыка всего, о владыка мира, о владыка земли, о владыка вселенной — всегда поклон. О владыка жертвы, о Нараяна, о Победоносный, о Шанкара, о владыка земли, о владыка вселенной, о Всевидящий; о месяц, о солнце, о Ачьюта, о витязь, о вселенная, о Явленный обликом, о Бессмертнотелый, о Непреходящий. О Тот, чей круг объят пламенем горящего огня, о Нараяна всех пределов, о Обращённый лицом повсюду; о Уносящий муку всех богов, о Бессмертный, о Непреходящий, — храни меня, пришедшего под защиту, о владыка.
Многие лица твои, о владыка, вижу я — древнюю цель жертвы, Брахму, владыку и родителя миров; поклон да будет тебе, Прапрародителю. Многими хождениями по кругу круговорота — ты ли это где-либо, бог над лучшими из богов, о Тот, чьё существо чисто всеведением? Каким же образом кланяюсь я тебе? Кто знает тебя таким — прежде природы, — тот наилучший из всеведущих; в наделённых свойствами ты непременно познаваем: здесь обширнотелый и тонкий обликом. Как же ты, лишённый чувств, — благой путь и благодеятельный? И как, сложивший чувства в узах круговорота, ты вновь познаваем, лучший из богов? От явленного не обретается высшее тело, о неявленный бог, — [оно обретается] чистыми помыслами, жертвующими, пресекающими круговорот; потому и постигается четырёхликость.
Ибо не знают твоего тела и боги, о Носящий дивный облик; в нисхождении пусть чтит он первейшего, древнего, пребывающего на лотосном сиденье. Даже творцы вселенной не знают всецело твоей сути и лона, чистые помыслом; как же я ведаю тебя, древнего, изначального, очищенного подвигом? Восседающий на лотосе прославлен как родитель, и слава эта не раз от древности; мыслится, о владыка, всеобъемлющий — но вовсе не знает тебя лишённый подвига. Подобными нам первейшими надлежит тебя уразуметь; а невежды, разделив свой разум, желают уразуметь — нет у них разумения даже при великой славе, лишённых вед. Иными рождениями, разумением, различающим веды, бывает свет; у жаждущего того обретения нет ни человечества, ни [того, чтобы] Шива был владыкою богов и гандхарвов. В облике Вишну владыка весьма тонок, и ты же, бог, грубый — от исполненности дела; и грубый, и тонкий, ты легкодоступен, о бог, — а делом твоего Брахмана падают в ад. Или избавляется [человек], когда ты пребываешь в этом — Ашвинами, месяцем, огнём, солнцем, ветром и землёю, сутями, собственными обликами, носящими равный облик, — простёрший своё естество в собственной природе души.
Эту хвалу мою, о владыка, о Бесконечный, прими — особенно от преданного, сосредоточенного, с чистым сознанием, чей ум следует за одним помыслом о тебе. Всегда в сердце пребывающий, о владыка, поклон тебе; кланяюсь всегда, о владыка, о древний. Так явною сделана мною эта твоя хвала, о владыка, о Пробуждённый во всех путях; охрани нас снова от страха, сопряжённого с кружением в круге круговорота“.
[Брахма сказал:] „Всеведущ ты, нет сомнения, и груда мудрости, о Кешава; первым чтимым из богов будешь ты всегда“.
Следом за Нараяною Рудра с преданностью, склонившись, восхвалил Виринчу, Из лотоса рождённого Брахму: „Поклон, о Лотосоокий; поклон тебе, Из лотоса рождённому; поклон, о наставник богов и асуров, Творцу, Высшей душе. Поклон тебе, о владыка всех богов; поклон, о Губитель ослепления; Пребывающему на пупе Вишну, Рождённому на лотосном сиденье. Поклон Сияющему телом и руками-побегами, алыми, как коралл; под защиту к тебе прибег я — избавь меня от круговорота бытия. Сперва бутон твой, о Прародитель, был видом как синяя туча; затем, увидев его с алым устьем, с лепестками и тычинками, — лотос со многими лепестками, бесчисленный, незапятнанный, — тобою, там пребывающим, начато было это творение. Кроме тебя, нет спасения из иного, о чтимый миром, поклон тебе.
Сожжён я проклятием Савитри, и уд мой упал на землю; ныне сотвори мне покой, спаси меня с супругою. Брахма да хранит мои стопы, Восседающий на лотосе — голени, Виринча — чресла, Творец — [бока], Лотосоподобный — пупок, Четырёхликий — чрево, Творец вселенной — бёдра, Из лотоса рождённый — сердце, супруг Савитри — горло, Хришикеша — лицо моё, Лотосоцветный — глаза, Высшая душа — голову“. Так возложив имя наставника, Шанкара по имени Шанкара сказал: „Поклон тебе, о владыка, о Брахма“, — и умолк.
Затем довольный Брахма сказал Харе это слово: „Какое желание твоё исполню я ныне? Спрашивай меня, чего бы ты ни желал“. — „Если ты милостив ко мне, о владыка, и если дающий дары, — то одно мне скажи, о владыка: в каком месте ты пребываешь и в каких местах видят тебя брахманы? И каким именем сияет место твоё на поверхности земли? То скажи мне, о владыка всего, преданному тебе“».
7c1c8f0cabbc · प्रकाशित 3 सित॰ 2026, 4:13:28 am UTC
उपलब्ध भाषाएँRUश्लोक बदलें इन कुंजियों से
Вишнуев гимн Брахме почти весь состоит из недоумений: как бесчувственный может быть благим путём, как связанный узами круговорота вновь познаваем, как обширнотелый оказывается тонким. Хвала здесь строится не на утверждениях, а на перечне противоречий, которые славящий не берётся разрешить: «как же я ведаю тебя, если и творцы вселенной не знают?»
Рудра же начинает не с величия, а с картины: сперва бутон, синий, как туча; потом раскрывшийся, с алым устьем и тычинками; и уже в нём — начатое творение. Мир вырастает, как распускается цветок, и другого объяснения не предлагается.
А кончает Рудра просьбою о защите тела, член за членом, — и вставляет туда своё увечье: «сожжён я проклятием Савитри, и уд мой упал на землю». Оберег читает тот, кого уже покалечили.