ततः सर्वे नृपतयः समेत्य मुनिपुंगव । मिथिलाम् अभ्युपागम्य वीर्यं जिज्ञासवस् तदा ॥
तेषां जिज्ञासमानानां वीर्यं धनुर् उपाहृतम् । न शेकुर् ग्रहणे तस्य धनुषस् तोलने ऽपि वा ॥
तेषां वीर्यवतां वीर्यम् अल्पं ज्ञात्वा महामुने । प्रत्याख्याता नृपतयस् तन् निबोध तपोधन ॥
ततः परमकोपेन राजानो मुनिपुंगव । अरुन्धन् मिथिलां सर्वे वीर्यसंदेहम् आगताः ॥
आत्मानम् अवधूतं ते विज्ञाय मुनिपुंगव । रोषेण महताविष्टाः पीडयन् मिथिलां पुरीम् ॥
ततः संवत्सरे पूर्णे क्षयं यातानि सर्वशः । साधनानि मुनिरेष्ठ ततो ऽहं भृशदुःखितः ॥
ततो देवगणान् सर्वांस् तपसाहं प्रसादयम् । ददुश् च परमप्रीताश् चतुरङ्गबलं सुराः ॥
ततो भग्ना नृपतयो हन्यमाना दिशो ययुः । अवीर्या वीर्यसंदिग्धा सामात्याः पापकारिणः ॥
tataḥ sarve nṛpatayaḥ sametya munipuṃgava | mithilām abhyupāgamya vīryaṃ jijñāsavas tadā ||
teṣāṃ jijñāsamānānāṃ vīryaṃ dhanur upāhṛtam | na śekur grahaṇe tasya dhanuṣas tolane 'pi vā ||
teṣāṃ vīryavatāṃ vīryam alpaṃ jñātvā mahāmune | pratyākhyātā nṛpatayas tan nibodha tapodhana ||
tataḥ paramakopena rājāno munipuṃgava | arundhan mithilāṃ sarve vīryasaṃdeham āgatāḥ ||
ātmānam avadhūtaṃ te vijñāya munipuṃgava | roṣeṇa mahatāviṣṭāḥ pīḍayan mithilāṃ purīm ||
tataḥ saṃvatsare pūrṇe kṣayaṃ yātāni sarvaśaḥ | sādhanāni munireṣṭha tato 'haṃ bhṛśaduḥkhitaḥ ||
tato devagaṇān sarvāṃs tapasāhaṃ prasādayam | daduś ca paramaprītāś caturaṅgabalaṃ surāḥ ||
tato bhagnā nṛpatayo hanyamānā diśo yayuḥ | avīryā vīryasaṃdigdhā sāmātyāḥ pāpakāriṇaḥ ||
«Тогда все цари, собравшись, о лучший из муни, пришли к Митхиле, желая испытать свою доблесть. Для них, желавших узнать свою силу, был принесён лук, но они не смогли ни взять его, ни даже поднять. Поняв, что доблесть этих сильных царей мала, о великий муни, я отверг их; выслушай это, о богатый тапасом. Тогда все цари, впав в крайний гнев, о лучший из муни, осадили Митхилу, потому что усомнились в собственной доблести. Поняв, что они унижены, о лучший из муни, они, охваченные великим гневом, стали терзать город Митхилу. Когда прошёл целый год, все запасы иссякли, о лучший муни, и я был крайне опечален. Тогда я тапасом умилостивил все сонмы богов, и довольные боги даровали мне четырёхчастное войско. После этого разбитые цари, поражаемые в бою, разбежались по сторонам света — бессильные, с сомнительной доблестью, вместе со своими министрами, совершившие дурное».
3099a24f800e · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Цари приходят ради Ситы, но лук раскрывает не их силу, а их гордость. Неспособность поднять оружие Шивы превращается в осаду Митхилы: там, где доблесть не соединена с дхармой, она становится насилием.