इति तेनातियशसा राक्षसेनाभिचोदिताः । वानरेन्द्रा जहृषिरे लाङ्गलानि च विव्यधुः ॥
ततस् ते कपिशार्दूलाः क्ष्वेडन्तश् च मुहुर् मुहुः । मुमुचुर् विविधान् नादान् मेघान् दृष्ट्वेव बर्हिणः ॥
जाम्बवान् अपि तैः सर्वैः स्वयूथैर् अभिसंवृतः । अश्मभिस् ताडयाम् आस नखैर् दन्तैश् च राक्षसान् ॥
निघ्नन्तम् ऋक्षाधिपतिं राक्षसास् ते महाबलाः । परिवव्रुर् भयं त्यक्त्वा तम् अनेकविधायुधाः ॥
शरैः परशुभिस् तीक्ष्णैः पट्टसैर् यष्टितोमरैः । जाम्बवन्तं मृधे जघ्नुर् निघ्नन्तं राक्षसीं चमूम् ॥
स संप्रहारस् तुमुलः संजज्ञे कपिराक्षसाम् । देवासुराणां क्रुद्धानां यथा भीमो महास्वनः ॥
हनूमान् अपि संक्रुद्धः सालम् उत्पाट्य पर्वतात् । रक्षसां कदनं चक्रे समासाद्य सहस्रशः ॥
स दत्त्वा तुमुलं युद्धं पितृव्यस्येन्द्रजिद् युधि । लक्ष्मणं परवीरघ्नं पुनर् एवाभ्यधावत ॥
iti tenātiyaśasā rākṣasenābhicoditāḥ | vānarendrā jahṛṣire lāṅgalāni ca vivyadhuḥ ||
tatas te kapiśārdūlāḥ kṣveḍantaś ca muhur muhuḥ | mumucur vividhān nādān meghān dṛṣṭveva barhiṇaḥ ||
jāmbavān api taiḥ sarvaiḥ svayūthair abhisaṃvṛtaḥ | aśmabhis tāḍayām āsa nakhair dantaiś ca rākṣasān ||
nighnantam ṛkṣādhipatiṃ rākṣasās te mahābalāḥ | parivavrur bhayaṃ tyaktvā tam anekavidhāyudhāḥ ||
śaraiḥ paraśubhis tīkṣṇaiḥ paṭṭasair yaṣṭitomaraiḥ | jāmbavantaṃ mṛdhe jaghnur nighnantaṃ rākṣasīṃ camūm ||
sa saṃprahāras tumulaḥ saṃjajñe kapirākṣasām | devāsurāṇāṃ kruddhānāṃ yathā bhīmo mahāsvanaḥ ||
hanūmān api saṃkruddhaḥ sālam utpāṭya parvatāt | rakṣasāṃ kadanaṃ cakre samāsādya sahasraśaḥ ||
sa dattvā tumulaṃ yuddhaṃ pitṛvyasyendrajid yudhi | lakṣmaṇaṃ paravīraghnaṃ punar evābhyadhāvata ||
Побуждённые этим сверхславным ракшасом, владыки ванаров возликовали и замахали хвостами. Затем тигры-обезьяны, снова и снова рыча, издали разные крики, как павлины при виде туч. Джамбаван, окружённый всеми своими отрядами, стал бить ракшасов камнями, когтями и зубами. Великосильные ракшасы, оставив страх, окружили владыку медведей, который убивал их, и с многообразным оружием стали бить его стрелами, острыми топорами, паттасами и копьями на древке, пока он истреблял ракшасское войско. Возникла бурная схватка обезьян и ракшасов, страшная и громкая, как битва разгневанных богов и асуров. Хануман тоже, разгневанный, вырвал шалу с горы и, настигнув тысячи ракшасов, совершил их истребление. А Индраджит, дав в битве бурный бой своему дяде, снова атаковал Лакшману, губителя вражеских героев.
6abef5fe81e4 · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Слова Вибхишаны возвращают ванарам радость битвы. Войско снова действует как единое тело: Джамбаван, Хануман и остальные удерживают окружение, пока Лакшмана принимает главный удар.