भीमसेन उवाच
धिग् अस्तु मे बाहुबलं गाण्डीवं फल्गुनस्य च ॥
यत् ते रक्तौ पुरा भूत्वा पाणी कृतकिणाव् उभौ ॥
सभायां स्म विराटस्य करोमि कदनं महत् ॥
तत्र मां धर्मराजस् तु कटाक्षेण न्यवारयत् ॥
तद् अहं तस्य विज्ञाय स्थित एवास्मि भामिनि ॥
यच् च राष्ट्रात् प्रच्यवनं कुरूणाम् अवधश् च यः ॥
सुयोधनस्य कर्णस्य शकुनेः सौबलस्य च ॥
दुःशासनस्य पापस्य यन् मया न हृतं शिरः ॥
तन् मे दहति कल्याणि हृदि शल्यम् इवार्पितम् ॥
मा धर्मं जहि सुश्रोणि क्रोधं जहि महामते ॥
इमं च समुपालम्भं त्वत्तो राजा युधिष्ठिरः ॥
शृणुयाद् यदि कल्याणि कृत्स्नं जह्यात् स जीवितम् ॥
धनंजयो वा सुश्रोणि यमौ वा तनुमध्यमे ॥
लोकान्तरगतेष्व् एषु नाहं शक्ष्यामि जीवितुम् ॥
सुकन्या नाम शार्याती भार्गवं च्यवनं वने ॥
वल्मीकभूतं शाम्यन्तम् अन्वपद्यत भामिनी ॥
नाडायनी चेन्द्रसेना रूपेण यदि ते श्रुता ॥
पतिम् अन्वचरद् वृद्धं पुरा वर्षसहस्रिणम् ॥
दुहिता जनकस्यापि वैदेही यदि ते श्रुता ॥
पतिम् अन्वचरत् सीता महारण्यनिवासिनम् ॥
रक्षसा निग्रहं प्राप्य रामस्य महिषी प्रिया ॥
क्लिश्यमानापि सुश्रोणी रामम् एवान्वपद्यत ॥
लोपामुद्रा तथा भीरु वयोरूपसमन्विता ॥
अगस्त्यम् अन्वयाद् धित्वा कामान् सर्वान् अमानुषान् ॥
यथैताः कीर्तिता नार्यो रूपवत्यः पतिव्रताः ॥
तथा त्वम् अपि कल्याणि सर्वैः समुदिता गुणैः ॥
मादीर्घं क्षम कालं त्वं मासम् अध्यर्धसंमितम् ॥
पूर्णे त्रयोदशे वर्षे राज्ञो राज्ञी भविष्यसि ॥
bhīmasena uvāca
dhig astu me bāhubalaṃ gāṇḍīvaṃ phalgunasya ca ||
yat te raktau purā bhūtvā pāṇī kṛtakiṇāv ubhau ||
sabhāyāṃ sma virāṭasya karomi kadanaṃ mahat ||
tatra māṃ dharmarājas tu kaṭākṣeṇa nyavārayat ||
tad ahaṃ tasya vijñāya sthita evāsmi bhāmini ||
yac ca rāṣṭrāt pracyavanaṃ kurūṇām avadhaś ca yaḥ ||
suyodhanasya karṇasya śakuneḥ saubalasya ca ||
duḥśāsanasya pāpasya yan mayā na hṛtaṃ śiraḥ ||
tan me dahati kalyāṇi hṛdi śalyam ivārpitam ||
mā dharmaṃ jahi suśroṇi krodhaṃ jahi mahāmate ||
imaṃ ca samupālambhaṃ tvatto rājā yudhiṣṭhiraḥ ||
śṛṇuyād yadi kalyāṇi kṛtsnaṃ jahyāt sa jīvitam ||
dhanaṃjayo vā suśroṇi yamau vā tanumadhyame ||
lokāntaragateṣv eṣu nāhaṃ śakṣyāmi jīvitum ||
sukanyā nāma śāryātī bhārgavaṃ cyavanaṃ vane ||
valmīkabhūtaṃ śāmyantam anvapadyata bhāminī ||
nāḍāyanī cendrasenā rūpeṇa yadi te śrutā ||
patim anvacarad vṛddhaṃ purā varṣasahasriṇam ||
duhitā janakasyāpi vaidehī yadi te śrutā ||
patim anvacarat sītā mahāraṇyanivāsinam ||
rakṣasā nigrahaṃ prāpya rāmasya mahiṣī priyā ||
kliśyamānāpi suśroṇī rāmam evānvapadyata ||
lopāmudrā tathā bhīru vayorūpasamanvitā ||
agastyam anvayād dhitvā kāmān sarvān amānuṣān ||
yathaitāḥ kīrtitā nāryo rūpavatyaḥ pativratāḥ ||
tathā tvam api kalyāṇi sarvaiḥ samuditā guṇaiḥ ||
mādīrghaṃ kṣama kālaṃ tvaṃ māsam adhyardhasaṃmitam ||
pūrṇe trayodaśe varṣe rājño rājñī bhaviṣyasi ||
Бхимасена сказал: «Позор силе моих рук и Гандиве Пхалгуны, если твои руки, прежде красные, теперь обе покрыты мозолями. В собрании Вираты я хотел устроить великое истребление, но царь Дхармы там остановил меня одним взглядом. Поняв это, я остался стоять, сияющая. То, что мы лишились царства Куру, и то, что не убиты Суйодхана, Карна, Шакуни, сын Саубалы, и злой Духшасана, что я не сорвал голову грешному Духшасане, — всё это жжёт меня, прекрасная, как шип, вонзённый в сердце. Не оставляй дхарму, прекраснобёдрая; оставь гнев, великомудрая. Если царь Юдхиштхира услышит от тебя весь этот упрёк, прекрасная, он оставит жизнь. Или Дхананджая, прекраснобёдрая, или близнецы, тонкостанная, — если они уйдут в иной мир, я не смогу жить. Сукани, дочь Шарьяти, последовала в лесу за Бхаргавой Чьяваной, ставшим словно муравейник и погружённым в покой. Если ты слышала о Надаяни-Индрасене, прекрасной обликом, она в древности следовала за старым мужем, прожившим тысячу лет. И дочь Джанаки, Вайдехи Сита, если ты слышала, следовала за мужем, жившим в великом лесу. Любимая жена Рамы, захваченная ракшасом, хоть и страдала, прекраснобёдрая, всё же следовала только Раме. Так же Лопамудра, робкая, наделённая возрастом и красотой, оставила все нечеловеческие наслаждения и последовала за Агастьей. Как эти названные женщины, прекрасные и верные мужьям, так и ты, прекрасная, наделена всеми качествами. Потерпи недолгое время — полтора месяца. Когда тринадцатый год завершится, ты станешь царицей царя».
66b574e94161 · опубликовано 16 июл. 2026 г., 18:11:29 UTC
Доступно наRUENЛистайте стихи клавишами
Бхима не умаляет боль Драупади: он сам горит ею. Но он удерживает её от шага, который разрушил бы срок, напоминая, что терпение здесь не капитуляция, а близкий путь к возвращению царства.