वैशंपायन उवाच
तस्मिन् काले समागम्य सर्वे तत्रास्य बान्धवाः ॥
रुरुदुः कीचकं दृष्ट्वा परिवार्य समन्ततः ॥
सर्वे संहृष्टरोमाणः संत्रस्ताः प्रेक्ष्य कीचकम् ॥
तथा सर्वाङ्गसंभुग्नं कूर्मं स्थल इवोद्धृतम् ॥
पोथितं भीमसेनेन तम् इन्द्रेणेव दानवम् ॥
संस्कारयितुम् इच्छन्तो बहिर् नेतुं प्रचक्रमुः ॥
ददृशुस् ते ततः कृष्णां सूतपुत्राः समागताः ॥
अदूराद् अनवद्याङ्गीं स्तम्भम् आलिङ्ग्य तिष्ठतीम् ॥
समवेतेषु सूतेषु तान् उवाचोपकीचकः ॥
हन्यतां शीघ्रम् असती यत्कृते कीचको हतः ॥
अथ वा नेह हन्तव्या दह्यतां कामिना सह ॥
मृतस्यापि प्रियं कार्यं सूतपुत्रस्य सर्वथा ॥
ततो विराटम् ऊचुस् ते कीचको ऽस्याः कृते हतः ॥
सहाद्यानेन दह्येत तदनुज्ञातुम् अर्हसि ॥
पराक्रमं तु सूतानां मत्वा राजान्वमोदत ॥
सैरन्ध्र्याः सूतपुत्रेण सह दाहं विशां पते ॥
तां समासाद्य वित्रस्तां कृष्णां कमललोचनाम् ॥
मोमुह्यमानां ते तत्र जगृहुः कीचका भृशम् ॥
ततस् तु तां समारोप्य निबध्य च सुमध्यमाम् ॥
जग्मुर् उद्यम्य ते सर्वे श्मशानम् अभितस् तदा ॥
vaiśaṃpāyana uvāca
tasmin kāle samāgamya sarve tatrāsya bāndhavāḥ ||
ruruduḥ kīcakaṃ dṛṣṭvā parivārya samantataḥ ||
sarve saṃhṛṣṭaromāṇaḥ saṃtrastāḥ prekṣya kīcakam ||
tathā sarvāṅgasaṃbhugnaṃ kūrmaṃ sthala ivoddhṛtam ||
pothitaṃ bhīmasenena tam indreṇeva dānavam ||
saṃskārayitum icchanto bahir netuṃ pracakramuḥ ||
dadṛśus te tataḥ kṛṣṇāṃ sūtaputrāḥ samāgatāḥ ||
adūrād anavadyāṅgīṃ stambham āliṅgya tiṣṭhatīm ||
samaveteṣu sūteṣu tān uvācopakīcakaḥ ||
hanyatāṃ śīghram asatī yatkṛte kīcako hataḥ ||
atha vā neha hantavyā dahyatāṃ kāminā saha ||
mṛtasyāpi priyaṃ kāryaṃ sūtaputrasya sarvathā ||
tato virāṭam ūcus te kīcako 'syāḥ kṛte hataḥ ||
sahādyānena dahyeta tadanujñātum arhasi ||
parākramaṃ tu sūtānāṃ matvā rājānvamodata ||
sairandhryāḥ sūtaputreṇa saha dāhaṃ viśāṃ pate ||
tāṃ samāsādya vitrastāṃ kṛṣṇāṃ kamalalocanām ||
momuhyamānāṃ te tatra jagṛhuḥ kīcakā bhṛśam ||
tatas tu tāṃ samāropya nibadhya ca sumadhyamām ||
jagmur udyamya te sarve śmaśānam abhitas tadā ||
Вайшампаяна сказал: «В это время собрались все его родичи. Окружив Кичаку со всех сторон и увидев его, они заплакали. Все они, увидев Кичаку с поднявшимися волосами от ужаса, со всеми членами, сжатыми, как черепаха, вынутая на сушу, разбитого Бхимасеной, словно данава Индрой, захотели совершить над ним обряд и начали выносить наружу. Тогда собравшиеся сыновья суты увидели Кришну, безупречную телом, стоявшую неподалёку и обнимавшую столб. Когда суты собрались, один упакичака сказал им: “Быстро убейте эту неверную, из-за которой убит Кичака. Или не надо убивать её здесь: сожгите её вместе с тем, кто желал её. Во всём надо исполнить приятное сыну суты, даже мёртвому”. Тогда они сказали Вирате: “Кичака убит из-за неё. Пусть сегодня она будет сожжена вместе с ним. Ты должен разрешить это”. Думая о силе сутов, царь одобрил сожжение Саира́ндхри вместе с сыном суты, владыка людей. Подойдя к испуганной Кришне, лотосоокой, потерявшей ясность, Кичаки крепко схватили её. Затем, положив тонкостанную на носилки и связав, все они подняли её и пошли к кладбищу».
17e532888f30 · опубликовано 16 июл. 2026 г., 18:17:34 UTC
Доступно наRUENЛистайте стихи клавишами
Смерть насильника не останавливает адхарму: его родня хочет наказать жертву. Толпа легко превращает горе в новое преступление.