स भीमसेनः प्राकाराद् आरुज्य तरसा द्रुमम् ॥
श्मशानाभिमुखः प्रायाद् यत्र ते कीचका गताः ॥
स तं वृक्षं दशव्यामं सस्कन्धविटपं बली ॥
प्रगृह्याभ्यद्रवत् सूतान् दण्डपाणिर् इवान्तकः ॥
ऊरुवेगेन तस्याथ न्यग्रोधाश्वत्थकिंशुकाः ॥
भूमौ निपतिता वृक्षाः संघशस् तत्र शेरते ॥
तं सिंहम् इव संक्रुद्धं दृष्ट्वा गन्धर्वम् आगतम् ॥
वित्रेसुः सर्वतः सूता विषादभयकम्पिताः ॥
तम् अन्तकम् इवायान्तं गन्धर्वं प्रेक्ष्य ते तदा ॥
दिधक्षन्तस् तदा ज्येष्ठं भ्रातरं ह्य् उपकीचकाः ॥
परस्परम् अथोचुस् ते विषादभयकम्पिताः ॥
गन्धर्वो बलवान् एति क्रुद्ध उद्यम्य पादपम् ॥
सैरन्ध्री मुच्यतां शीघ्रं महन् नो भयम् आगतम् ॥
ते तु दृष्ट्वा तम् आविद्धं भीमसेनेन पादपम् ॥
विमुच्य द्रौपदीं तत्र प्राद्रवन् नगरं प्रति ॥
द्रवतस् तांस् तु संप्रेक्ष्य स वज्री दानवान् इव ॥
शतं पञ्चाधिकं भीमः प्राहिणोद् यमसादनम् ॥
तत आश्वासयत् कृष्णां प्रविमुच्य विशां पते ॥
उवाच च महाबाहुः पाञ्चालीं तत्र द्रौपदीम् ॥
अश्रुपूर्णमुखीं दीनां दुर्धर्षः स वृकोदरः ॥
एवं ते भीरु वध्यन्ते ये त्वां क्लिश्यन्त्य् अनागसम् ॥
प्रैहि त्वं नगरं कृष्णे न भयं विद्यते तव ॥
अन्येनाहं गमिष्यामि विराटस्य महानसम् ॥
पञ्चाधिकं शतं तच् च निहतं तत्र भारत ॥
महावनम् इव छिन्नं शिश्ये विगलितद्रुमम् ॥
एवं ते निहता राजञ् शतं पञ्च च कीचकाः ॥
स च सेनापतिः पूर्वम् इत्य् एतत् सूतषट्शतम् ॥
तद् दृष्ट्वा महद् आश्चर्यं नरा नार्यश् च संगताः ॥
विस्मयं परमं गत्वा नोचुः किं चन भारत ॥
sa bhīmasenaḥ prākārād ārujya tarasā drumam ||
śmaśānābhimukhaḥ prāyād yatra te kīcakā gatāḥ ||
sa taṃ vṛkṣaṃ daśavyāmaṃ saskandhaviṭapaṃ balī ||
pragṛhyābhyadravat sūtān daṇḍapāṇir ivāntakaḥ ||
ūruvegena tasyātha nyagrodhāśvatthakiṃśukāḥ ||
bhūmau nipatitā vṛkṣāḥ saṃghaśas tatra śerate ||
taṃ siṃham iva saṃkruddhaṃ dṛṣṭvā gandharvam āgatam ||
vitresuḥ sarvataḥ sūtā viṣādabhayakampitāḥ ||
tam antakam ivāyāntaṃ gandharvaṃ prekṣya te tadā ||
didhakṣantas tadā jyeṣṭhaṃ bhrātaraṃ hy upakīcakāḥ ||
parasparam athocus te viṣādabhayakampitāḥ ||
gandharvo balavān eti kruddha udyamya pādapam ||
sairandhrī mucyatāṃ śīghraṃ mahan no bhayam āgatam ||
te tu dṛṣṭvā tam āviddhaṃ bhīmasenena pādapam ||
vimucya draupadīṃ tatra prādravan nagaraṃ prati ||
dravatas tāṃs tu saṃprekṣya sa vajrī dānavān iva ||
śataṃ pañcādhikaṃ bhīmaḥ prāhiṇod yamasādanam ||
tata āśvāsayat kṛṣṇāṃ pravimucya viśāṃ pate ||
uvāca ca mahābāhuḥ pāñcālīṃ tatra draupadīm ||
aśrupūrṇamukhīṃ dīnāṃ durdharṣaḥ sa vṛkodaraḥ ||
evaṃ te bhīru vadhyante ye tvāṃ kliśyanty anāgasam ||
praihi tvaṃ nagaraṃ kṛṣṇe na bhayaṃ vidyate tava ||
anyenāhaṃ gamiṣyāmi virāṭasya mahānasam ||
pañcādhikaṃ śataṃ tac ca nihataṃ tatra bhārata ||
mahāvanam iva chinnaṃ śiśye vigalitadrumam ||
evaṃ te nihatā rājañ śataṃ pañca ca kīcakāḥ ||
sa ca senāpatiḥ pūrvam ity etat sūtaṣaṭśatam ||
tad dṛṣṭvā mahad āścaryaṃ narā nāryaś ca saṃgatāḥ ||
vismayaṃ paramaṃ gatvā nocuḥ kiṃ cana bhārata ||
Бхимасена стремительно выломал с ограды дерево и пошёл к кладбищу, куда ушли Кичаки. Сильный, схватив дерево в десять вьяма, со стволом и ветвями, побежал на сутов, как Антака с посохом в руке. От силы его бёдер ньягродхи, ашваттхи и кимшуки падали на землю и лежали там грудами. Увидев его, пришедшего как разгневанный лев, гандхарва, все суты задрожали со всех сторон, потрясённые отчаянием и страхом. Увидев тогда этого гандхарва, идущего как смерть, упакичаки, собиравшиеся сжечь старшего брата, сказали друг другу, дрожа от отчаяния и страха: «Сильный гандхарва идёт, разгневанный, подняв дерево. Быстро отпустите Саира́ндхри: на нас пришёл великий страх». Увидев дерево, которым размахивал Бхимасена, они отпустили Драупади и побежали к городу. Но Бхима, увидев их бегущими, как Ваджрин — данавов, отправил сто пять человек в обитель Ямы. Затем, освободив Кришну, могучерукий, неприступный Врикодара, утешил Панчали Драупади, бедную, с лицом, полным слёз, и сказал: «Так гибнут те, кто мучает тебя, невинную, робкая. Иди в город, Кришна, для тебя нет страха. Я же другим путём вернусь на кухню Вираты». Те сто пять убитых, о Бхарата, лежали там как большой лес с поваленными деревьями. Так были убиты, царь, сто пять Кичак, а перед ними — военачальник; всего это шесть сотен сутов. Увидев это великое чудо, собравшиеся мужчины и женщины пришли в крайнее изумление и ничего не сказали, о Бхарата».
c94d5832d1c4 · опубликовано 16 июл. 2026 г., 18:17:34 UTC
Доступно наRUENЛистайте стихи клавишами
Вторая защита Драупади уже не тайный поединок, а грозное предупреждение всему городу. Невинную нельзя безнаказанно тащить на смерть.