वैशंपायन उवाच
ते दृष्ट्वा निहतान् सूतान् राज्ञे गत्वा न्यवेदयन् ॥
गन्धर्वैर् निहता राजन् सूतपुत्राः परःशताः ॥
यथा वज्रेण वै दीर्णं पर्वतस्य महच् छिरः ॥
विनिकीर्णं प्रदृश्येत तथा सूता महीतले ॥
सैरन्ध्री च विमुक्तासौ पुनर् आयाति ते गृहम् ॥
सर्वं संशयितं राजन् नगरं ते भविष्यति ॥
तथारूपा हि सैरन्ध्री गन्धर्वाश् च महाबलाः ॥
पुंसाम् इष्टश् च विषयो मैथुनाय न संशयः ॥
यथा सैरन्ध्रिवेषेण न ते राजन्न् इदं पुरम् ॥
विनाशम् एति वै क्षिप्रं तथा नीतिर् विधीयताम् ॥
तेषां तद् वचनं श्रुत्वा विराटो वाहिनीपतिः ॥
अब्रवीत् क्रियताम् एषां सूतानां परमक्रिया ॥
एकस्मिन्न् एव ते सर्वे सुसमिद्धे हुताशने ॥
दह्यन्तां कीचकाः शीघ्रं रत्नैर् गन्धैश् च सर्वशः ॥
सुदेष्णां चाब्रवीद् राजा महिषीं जातसाध्वसः ॥
सैरन्ध्रीम् आगतां ब्रूया ममैव वचनाद् इदम् ॥
गच्छ सैरन्ध्रि भद्रं ते यथाकामं चराबले ॥
बिभेति राजा सुश्रोणि गन्धर्वेभ्यः पराभवात् ॥
न हि ताम् उत्सहे वक्तुं स्वयं गन्धर्वरक्षिताम् ॥
स्त्रियस् त्व् अदोषास् तां वक्तुम् अतस् त्वां प्रब्रवीम्य् अहम् ॥
vaiśaṃpāyana uvāca
te dṛṣṭvā nihatān sūtān rājñe gatvā nyavedayan ||
gandharvair nihatā rājan sūtaputrāḥ paraḥśatāḥ ||
yathā vajreṇa vai dīrṇaṃ parvatasya mahac chiraḥ ||
vinikīrṇaṃ pradṛśyeta tathā sūtā mahītale ||
sairandhrī ca vimuktāsau punar āyāti te gṛham ||
sarvaṃ saṃśayitaṃ rājan nagaraṃ te bhaviṣyati ||
tathārūpā hi sairandhrī gandharvāś ca mahābalāḥ ||
puṃsām iṣṭaś ca viṣayo maithunāya na saṃśayaḥ ||
yathā sairandhriveṣeṇa na te rājann idaṃ puram ||
vināśam eti vai kṣipraṃ tathā nītir vidhīyatām ||
teṣāṃ tad vacanaṃ śrutvā virāṭo vāhinīpatiḥ ||
abravīt kriyatām eṣāṃ sūtānāṃ paramakriyā ||
ekasminn eva te sarve susamiddhe hutāśane ||
dahyantāṃ kīcakāḥ śīghraṃ ratnair gandhaiś ca sarvaśaḥ ||
sudeṣṇāṃ cābravīd rājā mahiṣīṃ jātasādhvasaḥ ||
sairandhrīm āgatāṃ brūyā mamaiva vacanād idam ||
gaccha sairandhri bhadraṃ te yathākāmaṃ carābale ||
bibheti rājā suśroṇi gandharvebhyaḥ parābhavāt ||
na hi tām utsahe vaktuṃ svayaṃ gandharvarakṣitām ||
striyas tv adoṣās tāṃ vaktum atas tvāṃ prabravīmy aham ||
Вайшампаяна сказал: «Увидев убитых сутов, люди пошли к царю и сообщили: “Царь, более ста сыновей суты убиты гандхарвами. Как большая вершина горы, расколотая ваджрой, видна рассыпанной, так суты лежат на земле. Саира́ндхри же освобождена и снова идёт в твой дом. Весь твой город, царь, окажется под сомнением. Ведь Саира́ндхри такова обликом, а гандхарвы великосильны; она, без сомнения, желанна мужчинам для соединения. Поэтому, царь, устрой политику так, чтобы этот город быстро не погиб из-за Саира́ндхри”. Услышав их слова, военачальник Вирата сказал: “Пусть будет совершён последний обряд над этими сутами. Пусть все Кичаки будут быстро сожжены на одном хорошо разожжённом огне, со всеми драгоценностями и ароматами”. И царь, объятый страхом, сказал своей царице Судешне: “Когда Саира́ндхри придёт, скажи ей от моего имени: ‘Иди, Саира́ндхри, благо тебе, слабая, куда хочешь. Царь, прекраснобёдрая, боится поражения от гандхарвов’. Сам я не осмелюсь сказать это женщине, защищённой гандхарвами; женщины невиновны, чтобы говорить ей, поэтому я говорю тебе”».
cda3b6686c78 · опубликовано 16 июл. 2026 г., 18:17:34 UTC
Доступно наRUENЛистайте стихи клавишами
Вирата понимает не вину Драупади, а риск для города. Страх перед гандхарвами оказывается сильнее царской справедливости.