ततो दुर्योधनो राजा वाक्यम् आदाय तस्य तत् ॥
वैकर्तनस्य कर्णस्य क्षिप्रम् आज्ञापयत् स्वयम् ॥
शासने नित्यसंयुक्तं दुःशासनम् अनन्तरम् ॥
सह वृद्धैस् तु संमन्त्र्य क्षिप्रं योजय वाहिनीम् ॥
यथोद्देशं च गच्छामः सहिताः सर्वकौरवैः ॥
सुशर्मा तु यथोद्दिष्टं देशं यातु महारथः ॥
त्रिगर्तैः सहितो राजा समग्रबलवाहनः ॥
प्राग् एव हि सुसंवीतो मत्स्यस्य विषयं प्रति ॥
जघन्यतो वयं तत्र यास्यामो दिवसान्तरम् ॥
विषयं मत्स्यराजस्य सुसमृद्धं सुसंहताः ॥
ते यात्वा सहसा तत्र विराटनगरं प्रति ॥
क्षिप्रं गोपान् समासाद्य गृह्णन्तु विपुलं धनम् ॥
गवां शतसहस्राणि श्रीमन्ति गुणवन्ति च ॥
वयम् अपि निगृह्णीमो द्विधा कृत्वा वरूथिनीम् ॥
स स्म गत्वा यथोद्दिष्टां दिशं वह्नेर् महीपतिः ॥
आदत्त गाः सुशर्माथ घर्मपक्षस्य सप्तमीम् ॥
अपरं दिवसं सर्वे राजन् संभूय कौरवाः ॥
अष्टम्यां तान्य् अगृह्णन्त गोकुलानि सहस्रशः ॥
tato duryodhano rājā vākyam ādāya tasya tat ||
vaikartanasya karṇasya kṣipram ājñāpayat svayam ||
śāsane nityasaṃyuktaṃ duḥśāsanam anantaram ||
saha vṛddhais tu saṃmantrya kṣipraṃ yojaya vāhinīm ||
yathoddeśaṃ ca gacchāmaḥ sahitāḥ sarvakauravaiḥ ||
suśarmā tu yathoddiṣṭaṃ deśaṃ yātu mahārathaḥ ||
trigartaiḥ sahito rājā samagrabalavāhanaḥ ||
prāg eva hi susaṃvīto matsyasya viṣayaṃ prati ||
jaghanyato vayaṃ tatra yāsyāmo divasāntaram ||
viṣayaṃ matsyarājasya susamṛddhaṃ susaṃhatāḥ ||
te yātvā sahasā tatra virāṭanagaraṃ prati ||
kṣipraṃ gopān samāsādya gṛhṇantu vipulaṃ dhanam ||
gavāṃ śatasahasrāṇi śrīmanti guṇavanti ca ||
vayam api nigṛhṇīmo dvidhā kṛtvā varūthinīm ||
sa sma gatvā yathoddiṣṭāṃ diśaṃ vahner mahīpatiḥ ||
ādatta gāḥ suśarmātha gharmapakṣasya saptamīm ||
aparaṃ divasaṃ sarve rājan saṃbhūya kauravāḥ ||
aṣṭamyāṃ tāny agṛhṇanta gokulāni sahasraśaḥ ||
Тогда царь Дурьодхана, приняв это слово Вайкартаны Карны, сам быстро приказал Духшасане, всегда связанному с приказами: «Посоветовавшись со старшими, быстро снаряжай войско. Мы все вместе со всеми Кауравами пойдём в назначенное место. А великий колесничий Сушарман пусть идёт в указанную страну вместе с тригартами, со всей силой и войском, заранее хорошо прикрытый, к земле Матсьи. Мы же на день позже пойдём туда сзади, в хорошо процветающую и сплочённую землю царя Матсьев. Придя туда внезапно, к городу Вираты, пусть они быстро достигнут пастухов и возьмут большое богатство. Мы тоже захватим сотни тысяч прекрасных и породистых коров, разделив войско надвое». И царь Сушарман пошёл в указанную сторону огня и взял коров на седьмой день тёмной половины. А на следующий день, царь, все Кауравы, собравшись, на восьмой день захватили тысячи коровьих стад».
4e54e9f48b1d · опубликовано 16 июл. 2026 г., 18:17:35 UTC
Доступно наRUENЛистайте стихи клавишами
План строится на разделении удара: тригарты с одной стороны, Кауравы с другой. Так внешняя угроза приходит ровно в момент, когда скрытый год созрел к раскрытию.