तच् छ्रुत्वा नृपतिः सेनां मत्स्यानां समयोजयत् ॥
रथनागाश्वकलिलां पत्तिध्वजसमाकुलाम् ॥
राजानो राजपुत्राश् च तनुत्राण्य् अत्र भेजिरे ॥
भानुमन्ति विचित्राणि सूपसेव्यानि भागशः ॥
सवज्रायसगर्भं तु कवचं तप्तकाञ्चनम् ॥
विराटस्य प्रियो भ्राता शतानीको ऽभ्यहारयत् ॥
सर्वपारसवं वर्म कल्याणपटलं दृढम् ॥
शतानीकाद् अवरजो मदिराश्वो ऽभ्यहारयत् ॥
शतसूर्यं शतावर्तं शतबिन्दु शताक्षिमत् ॥
अभेद्यकल्पं मत्स्यानां राजा कवचम् आहरत् ॥
उत्सेधे यस्य पद्मानि शतं सौगन्धिकानि च ॥
सुवर्णपृष्ठं सूर्याभं सूर्यदत्तो ऽभ्यहारयत् ॥
दृढम् आयसगर्भं तु श्वेतं वर्म शताक्षिमत् ॥
विराटस्य सुतो ज्येष्ठो वीरः शङ्खो ऽभ्यहारयत् ॥
शतशश् च तनुत्राणि यथास्वानि महारथाः ॥
योत्स्यमानाभ्यनह्यन्त देवरूपाः प्रहारिणः ॥
सूपस्करेषु शुभ्रेषु महत्सु च महारथाः ॥
पृथक् काञ्चनसंनाहान् रथेष्व् अश्वान् अयोजयन् ॥
सूर्यचन्द्रप्रतीकाशो रथे दिव्ये हिरण्मयः ॥
महानुभावो मत्स्यस्य ध्वज उच्छिश्रिये तदा ॥
अथान्यान् विविधाकारान् ध्वजान् हेमविभूषितान् ॥
यथास्वं क्षत्रियाः शूरा रथेषु समयोजयन् ॥
tac chrutvā nṛpatiḥ senāṃ matsyānāṃ samayojayat ||
rathanāgāśvakalilāṃ pattidhvajasamākulām ||
rājāno rājaputrāś ca tanutrāṇy atra bhejire ||
bhānumanti vicitrāṇi sūpasevyāni bhāgaśaḥ ||
savajrāyasagarbhaṃ tu kavacaṃ taptakāñcanam ||
virāṭasya priyo bhrātā śatānīko 'bhyahārayat ||
sarvapārasavaṃ varma kalyāṇapaṭalaṃ dṛḍham ||
śatānīkād avarajo madirāśvo 'bhyahārayat ||
śatasūryaṃ śatāvartaṃ śatabindu śatākṣimat ||
abhedyakalpaṃ matsyānāṃ rājā kavacam āharat ||
utsedhe yasya padmāni śataṃ saugandhikāni ca ||
suvarṇapṛṣṭhaṃ sūryābhaṃ sūryadatto 'bhyahārayat ||
dṛḍham āyasagarbhaṃ tu śvetaṃ varma śatākṣimat ||
virāṭasya suto jyeṣṭho vīraḥ śaṅkho 'bhyahārayat ||
śataśaś ca tanutrāṇi yathāsvāni mahārathāḥ ||
yotsyamānābhyanahyanta devarūpāḥ prahāriṇaḥ ||
sūpaskareṣu śubhreṣu mahatsu ca mahārathāḥ ||
pṛthak kāñcanasaṃnāhān ratheṣv aśvān ayojayan ||
sūryacandrapratīkāśo rathe divye hiraṇmayaḥ ||
mahānubhāvo matsyasya dhvaja ucchiśriye tadā ||
athānyān vividhākārān dhvajān hemavibhūṣitān ||
yathāsvaṃ kṣatriyāḥ śūrā ratheṣu samayojayan ||
Услышав это, царь снарядил войско Матсьев, полное колесниц, слонов и коней, густое пехотой и знамёнами. Цари и царевичи там надели доспехи — сияющие, разнообразные, удобные, каждый свою часть. Любимый брат Вираты Шатаника взял броню из раскалённого золота с сердцевиной из железа и ваджры. Младший после Шатаники, Мадирашва, взял прочную броню, вся из смешанного металла, с прекрасной поверхностью. Царь Матсьев взял броню, словно с сотней солнц, сотней завитков, сотней точек и сотней глаз, почти непробиваемую. Сурьядатта взял золотоспинную, сияющую как солнце броню, на которой выступали сотни душистых лотосов. Старший сын Вираты, герой Шанкха, взял крепкую белую броню с железной сердцевиной и сотней глаз. Сотнями великие колесничие, богоподобные бойцы, готовые сражаться, надевали каждый свои доспехи. На чистых и больших колесницах великие колесничие отдельно запрягали коней с золотым снаряжением. Тогда на божественной золотой колеснице поднялся великий стяг Матсьи, сияющий как солнце и луна. Затем храбрые кшатрии устанавливали на колесницах другие, разнообразные по виду флаги, украшенные золотом, каждый свой».
4a575831d035 · опубликовано 16 июл. 2026 г., 18:17:35 UTC
Доступно наRUENЛистайте стихи клавишами
Перед битвой текст задерживается на доспехах и знамёнах: царство собирает видимую силу. Но настоящая сила уже стоит рядом — Пандавы, ещё не названные.